Read Komrem DÂNRABU INHNINA 23 Bible Online

DÂNRABU INHNINA 23 - Komrem bible

DÂNRABU INHNINA 23

¹“Pase tu inkhat atak insyem a-emak leh apase neinâk in-âttan kha, RŌNGPU mihei kâra invei theimak ning.

²“Lu inhônglo hei sa a-emak leh khang khavahei sōn inkhatbek, khang 10 katlunga RŌNGPU mihei kâra invei theimak hei ning.

³“Ammon leh Moab-hei a-emak leh ansōn inkhatbek, khang 10 katlunga RŌNGPU mihei kâra invei theimak hei ning.

⁴Egypt a inphut nanhlam jōnna nanhnenga bu leh tui aleipek mak hei, khana nangni kahâksêr sik a Mesopotamia ka-om Pethor khōpuia Beor sapa Balaam anleinek a kae.

⁵Tâk RŌNGPU nan-Pathen in Balaam tahri kha rangei pek mak; khava kanek a hâksêrna kha mahâmṭhat amanchang pek chei, ajârchu nangni alungset cheia kae.

⁶Nangni jât inkhat a nan-omlai seng, hiva jât-hei bômna sik khana anlensōtna sik heite tlomak ruh.

⁷“Edomhei kha heite saklo tlomak hei ruh; anmani nan-innkōhei kae. Egypt hei kha heite sakloa tlomak hei ruh; pha khat a anrama leika-om chei.

⁸Khang thum tlukna a inphut ansōnhei kha RŌNGPU mihei kâra katla thei sik hei.

⁹“Re intuk pha rephōra nan-om pha, beklanga a’nthengmak hei kha tônmak ruh.

¹⁰Pase inkhat in rahmang asōa apōn achora a’nthengmak inchu, rephōr vângting kasesōt a vaka-om sik.

¹¹Khōhlei ting a’nsi sik kae, kani atlâk pha rephōra he’nlethei sik.

¹²“Nantak ôrna nanmadu pha nansesōt theina sik rephōr vângting hmun inkhat nantanei sik kae.

¹³Hmangchâk sik a sung inkhat choi ruh, ajârchu nangni’n nanhnôm pha khur nankhōra nanmakhuna theia kae.

¹⁴Beklanga nanrephōr kha inthenga da ruh, ajârchu RŌNGPU nan-Pathen in nangni hrungna sik nanrephōra a-ompui chei khan chu nankadōihei chunga torna kha apek chei. RŌNGPU’n hnung asungsina sik chei omchen kase inkhatbek tlomak ruh.

¹⁵“Sōk inkhat in akapu adahlona nanhnenga inhukna sik a ahong jo’nchu, tir male mak hei ruh.

¹⁶Antakadeisōt nankhōpui inkhat a ka-om thei hei, khana êngset a tlo sik hei changmak.

¹⁷“Israel pase achangmak leh nuhmei tu inkhat in bek-inna noti aka-emak sik hei kae.

¹⁸Khan nôk chu, khanga tloa sêr hlō kha intepna pui tlukna sik RŌNGPU nan-Pathen inna heichoi theimak ning. RŌNGPU’n bek-inna noti amater hei.

¹⁹“Nan-Israel changpui inkhat hneng sêr, thlai, heikhat nanmanpûk pha, sêrthōi lomak hei ruh.

²⁰Miram mi inkhat hnenga nanmanpûk inchu sêrthōi nanlo thei sik, tâk nan-Israel changpui hei hneng manpûkna khachu changmak. Dânhei hi jui ruh, nanta hlō sik ram shunga nantlona rakip a RŌNGPU nan-Pathen in mahâmṭhat apek sik chei.

²¹“RŌNGPU nan-Pathen hneng intepna nannei pha, nan-intepna kha tlo loa haimak ruh. RŌNGPU’n nan-intepna chunga asur sik chei, hiva juimak hi setna kae.

²²RŌNGPU hneng intep mak hi setna changmak,

²³tâk nanbinga intepna inkhat nanleinei inchu, ajuina sik a tlo ruh.

²⁴“Nangni’n tu mo inkhat vomhrui rahōn nanjōnna hlam a nanse pha, nanmadu chen a vomhrui thei nansâk thei, tâk kasûnna bôm inkhat a nanta inrôn mak sik kae.

²⁵Tu mo inkhat hlei laia hlam a nanse pha, nankut vânga ṭhōttor hmuchi seng kha nansâk thei sik, tâk kôite vângchu hmuchi inkhatbek nanta ât mak sik kae.