Read Komrem DÂNRABU INHNINA 25 Bible Online

DÂNRABU INHNINA 25 - Komrem bible

DÂNRABU INHNINA 25

¹“Tekhinga, Israel mi 2 innâkna ṭong chaina sik ṭongtan hmun a kase hei, inkhat chu ṭhenakase khana ahlop inkhat chu aṭhe jo anti jo.

²Ṭhena kanei mi kha vōk karâkna anpek inchu, ṭongkatan khan mi kha ahmai raleia amanbok a amanvōk sik hei. Heija vōk sik ti khachu aṭhena dungjuia sik kae.

³Ama kha vōi 40 vōkthei kae, tâk mankhe yamak ning; akhe jo’nchu mipui hmaikunga ama inzakna kachang sik jo.

⁴“Sâng rachina nantahmang sehratche kha abei khitpek mak ruh.

⁵“U leh nai 2 an-om sōmlai, inkhat kha sa neiloa athi jo’nchu, anuhmei renghmeinu kha innshung hlop inkhat a inn aneimak sik kae; akathipa naipa khan amanu a-ompui sik kha aṭōnhlam kae.

⁶Hmakakeia antamatet sapa kha akathipa sapa kae tia inlo sik, ama innshung hrui kha Israel shunga a-om ṭhakna sik a.

⁷Tâk akathipa naipa khan nuhmei kha a-ompui hnōm mak inchu, amanu khan khōpuia hlamkakeihei hneng vakasea hinga ati sik, ‘Kapuise naipa’n tlohlam kasōk kha tlomak jo ning; Israel mipui kâra a-upa sōn man om sik hnōm mak jo.’

⁸Khan chu khōpuia hlamkakei he’n ama kha anbek a ṭong ander sik. Khava katlunga nuhmei kha a-ompui hnōm mak inchu,

⁹A-upa nuhmei khan khōpuia hlamkakeihei hmaikunga pasepa hneng ajōna, akekōk inkhat alosōt pek a, ahmaia amachi thlōna ati sik, ‘A-u hneng sōn kapek hnōm mak pase hnenga omchen sik kha hi kae.’

¹⁰Ama innshung kha ‘Kekōk antasōt pekpa innshung’ tia Israelhei kâra anmanhret sik jo.

¹¹“Mi 2 an-innâk a, mi inkhatpa nuhmei khan pase hlop inkhatpa asejôn kha amatu pek a apuise ahong bôm inchu,

¹²ahnenga lungset malârmak ruh; amanu kut kha tanpek ruh.

¹³“Nangni’n akahrik leh akasei tena kha nanhmang pha mi hōnmak ruh. Nan-inna akalen akasin tena 2 nantada mak sik kae.

¹⁵RŌNGPU nan-Pathen in apek chei ram a khan pha kasôttak nan-omna sik akadik leh a’ntheng tena hei hmang ruh.

¹⁶Mikahōn mi kha RŌNGPU’n amater a kae.

¹⁷“Egypt a inphut nanhong pha Amalek he’n nanchunga anleitlona chei kha mandonsōt ruh.

¹⁸Pathen ṭitna leinei mak hei, khanga nanle pha, nantlâksam pha, nankahnung ting re anleitlo chei, hnung kakhôr loihei kha ankhenga anlei thatpet heia kae.

¹⁹Khan chu, RŌNGPU nan-Pathen in ram kha apek chei pha, nankimvea ka-om nankadōi heia inphut inhukna apek chei pha, tu inkhat in anmani amandonsōt makna sik heia, Amalek rakip thatpetna sik intluk ruh. Mahngi mak ruh!