Read Komrem DÂNRABU INHNINA 34 Bible Online

DÂNRABU INHNINA 34 - Komrem bible

DÂNRABU INHNINA 34

¹Moses kha Moab phaichama inphut Nebo Tlânga, Jericho nisōtinga Pisga Tlâng hmora kake jo, khana khan RŌNGPU’n ram rakip kha aleimanhmu: Gilead ram inphut sak tinga Dan khōpui katlung;

²Naphtali ram shung; Ephraim leh Manasseh ramhei; Judah ram tlaitlâk tinga Mediterranean tuipui katlung;

³thlang tinga Judah ram seng; Zoar a inphut Jericho, kahno thing kekna khōpui katlunga phai incham.

⁴Hivasōa RŌNGPU’n Moses hneng ahri, “Ansōnhei hneng pek sik a Abraham, Isaac leh Jacob hnenga kalei intepna ram kha hivahi kae. Ke’n hivahi kamanhmu jo che, tâk sovason manse mak che ning.”

⁵Khava jâra RŌNGPU sōkpa, Moses kha RŌNGPU hrina dungjuia Moab ram a kathi jo.

⁶RŌNGPU’n ama kha Bethpeor khōpui inhngetpui Moab phaichama avûm jo, tâk tuning katlung tûte’num ama vûmna kha manhret mak hei.

⁷Moses kha athi pha akum 120 katluk jo; angaia kapōa aratha kahrat hi, ahmit hmu lakaṭha hêra kae.

⁸Israel mipui he’n ni 30 Moab phaichama ṭajai anlei sui.

⁹Nun sapa Joshua kha singna hongkasip a kae, ajârchu Moses’n akahlang kathleng sik a akadei jo. Israel mihe’n Joshua anjui khana Moses hneng RŌNGPU ṭongpek-hei kha anleinit a kae.

¹⁰Israelhei kâra Moses kapō sânkathem inkhatbek leiom mak, RŌNGPU’n ama chu hmai leh hmai intōa ale’nbekpui.

¹¹RŌNGPU’n Moses atira Egypt reng, aṭōnpui karônhei leh aram pumpuia ṭōn-inlak leh det-hla ka-om aleitlo kapōa, thempu inkhatbek inum latlomak.

¹²Israel mipuihei hmaikunga Moses’n ṭit ka-om leh ṭōn kalen aleitlo kapōa sânkathem tûte inkhatbek inum latlotor mak hei.