Read Komrem ṬŌNTLOHEI 6 Bible Online

ṬŌNTLOHEI 6 - Komrem bible

ṬŌNTLOHEI 6

¹Pha ṭhahrep sōa, sonlehei anmija anhongtam jo leh inṭhōia, Greek ṭong kajôm Jehudihei leh ram shunga Jehudihei kâra inkhe-beitamna leikasōk. Ajârchu Greek ṭong kajôm Jehudihei khan anhmeithai hei kha nitina anta’nsem sêrchen pek sik hei kha adonpek mak jo hei tia thangtôm le’nlo hei.

²Khava pha Sonle 12 hei khan takkasen rakip anbek mantûp heia, “Sêr leh sum matu jârbek a Pathen ṭong phôngsōt sik kantadon mak sik hi keini sik a akadik changmak ning,” anti.

³“Khava jâra, sōpuihei, nankâra singna kanei leh Rathla Intheng kasip tia nantamanhret pase 7 lim he’ndeisōt ruh, hiva katinta sik a kanda sik hei.

⁴Khang’khan keini’nchu derna leh Pathen ṭong phôngsōtna pui katluktak a kanphât hei hi pek sōt jo rung,” anleiti.

⁵Anrup pumpui kha sonlehei ṭong heirônsōt chungchânga khan anmalung leikatlâia, taksenna leh Rathla Intheng kasip, Stephen khana Philip, Prochorus, Nicanor, Timon, Parmenas, khana amak hmadet a Jehudi bekṭonga aheikahlut, Antioch a inphut Jât-hlop mi, arahming Nicolaus intipa, anmani hei hi anleikadei hei.

⁶Anmani kha mipui he’n Sonlehei hneng anheiṭhōi heia, Sonle he’n anchunga ankut anbōk a derna anleinei khum jo hei.

⁷Khang’khan Pathen ṭong kha abân bâna inzer chet-chet jo. Jerusalema’m sonle kha kapungsa chet-chet jo hei, khana thempu katamtak inum khava taksenna kha anleirahlâng jo.

⁸Pathen rathahrat leh mahâmṭhatna kasip phet Stephen in mipuihei kâra ṭōn inralak leh tlo inralak aleitlosōt jo.

⁹Tâk-kha ning leh hnōma Masōhei intûpna inn (anleibekna rahming) a ṭōnkarôn mi ṭhahrep hei leh Cyrene leh Alexandria Jehudihei inveina ama anleidek a kae. Anmani rōk changloa Cilicia leh Asia ram a inphut akahong Jehudi-lak he’num Stephen chunga dekna anleinei manphut joa kae.

¹⁰Tâk-kha Stephen kha Rathla’n singna apek achang jâra ṭong ahri pha leimakhe tor mak ri hei.

¹¹Khava jâra mi ṭhahrep marûk a sêr anpek heia, “Moses leh Pathen kadōia ṭong ahri kanthei,” anlei manti hei.

¹²Khang’khan mipui, upahei, khana Dân ojahei kha akadik mak sâkhi ṭong vâng anleimathok jo hei. Stephen kha ansura Sehmang-pachong ângkunga anheiṭhōia kae.

¹³Ama chungchânga maleiseia masetna kapek sik mi ahlek anheiṭhōi heia, anmani’n: “Hiva mipa hin ni-Bek-inn intheng leh Moses Dân kadōia ahriṭhak.

¹⁴Khana hiva Nazareth Jesu hin Bek-inn aṭhetsō sik leh Moses inphut ahei inpek nidân rakip hi athleng pet sik a ahri kanthei,” tia anleihri!

¹⁵Khana a’n-ong Sehmang-pachong rakip in Stephen lang an-enna ahmaisō kha ngeva hmaisō a-ang kha anleihmua kae.