Read Komrem ROMANHEI 13 Bible Online

ROMANHEI 13 - Komrem bible

ROMANHEI 13

¹Ram vaikarônhei ṭong mi rakip in antajui sik kae; ajârchu Pathen manṭhatna changloa vaikarôn ratha kanei tûte omtheimak, khan chu vaikarôn ratha kaneihei kha Pathen tamanṭang hei kae.

²Tu achang inum vaikarônhei ṭong inkhe mi khan Pathen ṭongpek adōi kae; khana tu mo inkhat khanga akatlo mi kha abing chunga ṭong tanna sik a’ntlo kae.

³Ajârchu vaikarônhei kha, ṭōn kaṭha katlohei taṭit sik changmak, tâk ṭōnse katlohei taṭit sik hei kae. Ratha kanei mi kha ṭitmak sik namadu mo? Ṭōn kaṭha kha tlo roh, khan chu ama’n amanpâk sik che,

⁴ajârchu anmani kha nangni ṭhattheina sik a ṭōnkatlo Pathen sōk-hei kha kae. Tâk-kha nang in ṭōnse natlo’nchu ṭit hei roh, ajârchu anmani’n karâkna sik ratha kha inchêntak a anneia kae. Anmani Pathen sōk-hei kae khana ṭōnse katlo inkhat chunga Pathen karâkna inthlung hei kae.

⁵Hiva sik jâra, Pathen hnuk natna rōk en sik changloa, mandon ṭhen theina jâra’m vaikarôn ratha kanei ṭong kha nantajui nger sik kae.

⁶Khava jâra nangni’n ramsêrṭhei nantapek kae; ajârchu, vaikarôn ratha kaneihei khan anṭōn pui anmathluk pha, anmani’n Pathen sik ṭōn kha antatlo kae.

⁷Khava jâra nantabat kha pek hei ruh; nanbing tâ leh nanneinâk ramsêr ṭheina achanga pek hei ruh, khana kajana leh manlûrna ankhenga chunga malâr ruh.

⁸Tûte inkhat hneng ṭōnbat neimak ruh, ṭōnbat inkhat rōk nantanei khachu khat leh khat inlungset sik kha kae. Khava katlo mi kha Dân ajui jo kae.

⁹Ajârchu ṭongpek khan, “Jông mak roh, mi that mak roh, inru mak roh, maleisei sâkhi tlomak roh, minei chunga thangset tlomak roh,” atiseng leh alakseng um hiva ṭongpek inkhat, “Nang nabinga na’nlungset kapōa nakhō naven lungset roh,” inti shunga hin a’nchunsō jo kae.

¹⁰Nangni’n tu mo inkhat nanlungset inchu ahnenga ṭhatmak tlohêr mak tin chei. Khava jâra lungset inti hi Dân pumpui juimathlukna kha kae.

¹¹Nangni’n hivahi nanta tlo-nger sik kae, ajârchu nangni sik a jea inphut ṭhang pha kha kahong jo ti hi nangni’n nanmanhret. Ajârchu nileitaksen bia kanek a eini huk manhringna sik pha kha tûnhin kahnaichet jo.

¹²Jân pha kathlengsō vet jo, khō vârna sik kahnai jo. Khō inthim ṭōnhei kha bâng jo rih; khōvâr retukna sik revon kha invon jo rih.

¹³Khōvâr mihei kapōa eini’n omchen kaṭha tlo rih; hur inthok, ju inrui, omchen kaṭhamak, omngai kachangmak, innâk-inse, thangset, tlomak jo rih.

¹⁴Tâk-kha Rōngpu Jesu Christa revon kha invon ruh, khana nansetna omngai leh nanta rangei pui mathlukna sik malung manhlutna kha bâng jo ruh.