Read Komrem CORINTHIANHEI INKHATNA 13 Bible Online

CORINTHIANHEI INKHATNA 13 - Komrem bible

CORINTHIANHEI INKHATNA 13

¹Ke’n mihring ṭonghei leh marvân ngevahei ṭong kajômthei inum, lungsetna kaneimak inchu, kaṭong kha dâr mahring leh sumkutben mahring kapōhrep kha kae.

²Ke’n ṭonghri themna kutchoi kanei inum, themna rakip leh a’n-ip rakip manhretna kanei inum, tlângbung inkhat ahmun thontorna taksenna rakip kanei inum, lungsetna kaneimak inchu, kei heite emak eng.

³Ke’n kanei rakip kapek sōt a khana kataksa hi ro mankhutna sik kapha katōksōt tor inum, ke’n lungsetna kaneimak inchu kaṭhatna heite om mak.

⁴Lungset hin adesôt khana lum alo; lungset in thangset tlomak, inlûrsak mak, inlensak mak;

⁵lungset in êngset tlomak, abingta sik jongmak, ahnuk nabeimak; lungset in ṭhenahei malunga rônsôt mak;

⁶lungset in akaṭhamak chunga inpâk mak, tâk akadik chunga inpâk.

⁷Lungset in ahei tik a masō mak, ataksenna, a’nhōrna, khana ade hratna tlâksamtik neimak.

⁸Lungset hi are-rea ka-om ṭhak. Malung mathokna ṭong ka-om hei, tâk pha bongkhat rōk sik hei kae; ṭonghlop a ṭong theina kutchoi um ka-om, tâk alakatlang sik kae; themna ka-om, tâk ala’nhmang sik kae.

⁹Ajârchu eini’n themna leh mathokna ṭong kutchoi nichen hi ahar hrepte nichen kae;

¹⁰tâk pui katluk kha ajōng pha leh, aharseng kha inhmang sik jo.

¹¹Kei naipang kachanglai, kaṭong hri, kamalung khana kamandona rakip kha, naipang kapōa kaleitlo; tûnchu pui katluk kachang jo pha, naipang omchen rakip kha hmangmak jo eng.

¹²Tûna nihmu hichu thle enna lim inhmakrōi kapō kha kae; khava sō leh chu hmai leh hmaia nilahmu sik. Ke’n tuna kamanhret hi ahar hrepte kae; khava sō leh chu pui katluk a, Pathen in pui katluk a amanhret eng kapōa kamanhret sik jo.

¹³Hing’hin hiva 3 hei hi ka-om ṭhak hei: taksen, inhōr, lungset; khana akalenpen khachu lungset hi kae.