Read Komrem CORINTHIANHEI INKHATNA 5 Bible Online

CORINTHIANHEI INKHATNA 5 - Komrem bible

CORINTHIANHEI INKHATNA 5

¹Tûn, Jât-hlop hei kâra kapha’m khang khava ṭhena antatlo mak sik, khangtuk hrep ṭit ka-om jông leh kîk kha nankâra kasōk jo tia inhri. Mi inkhat in anulâk ajepui tia anhri pek eng.

²Khan chu, heikhonga mo a’nlensak tor chei? Khanga changjôk loa, nanmalung akana hêr sik kae, khana khang khava omchen katlo mi kha nan-inloikhômna inphut nantahnong sōt sik kae.

³Kei hi nanhnenga inphut kataksa kahlatak a ka-om ravâng karathlachu nangni leh aka-omsap me kae; kei in nanhnenga aka-om eng kapōa, khava ṭit ka-om omchen katlopa chunga khan ke’n ni-Rōngpu Jesu Christa rahminga aṭong katan sō jo. Nangni nan-intûp pha, ni-Rōngpu Jesu ompuina me ratha hratna vâng karathla a ka’nhmupui chei,

⁵khava mipa rathla kha Rōngpu Kani ning hukmanhring achang theina sik, ataksa khachu a’nhmang sik a Seitan hneng pek sōt ruh.

⁶Nangni inlensak sik hi akadik changmak! A’nhri kha nanmanhret, “Che ajingte’n jâmdi hlom kha amathōisō.”

⁷Nangni nan-intheng sengna sik, khava setna che marō kha nanta losōt nger sik kae. Khava sōa nangni chê philo jâmdi hlomther inkhat kachang sik chei, kadik, khakhat kachang chei ti kamanhret. Ajârchu ni-Rakan Kût kha mantluk jo kae, tûn Rakan Kût kemōngte Christa kha antōksōt jo.

⁸Tûnchu nirevei kha setna che marō buhlom leh malung kadikmak vâng khan changloa, che philo a’ntheng leh akadik buhlom vâng khan hmang jo rih.

⁹Jông leh kîk katlo mihei leh inthlop mak ruh tia kaheimazet chithia khan kahei manthei jo chei.

¹⁰Tûn, jông leh kik katlo, phâmrai kase, inru katlo, limsyem kabek Jât-hlop hei kha leh inthlop hêrmak ruh katina changmak. Anmani leh a’nthlop hêrmak sik achang inchu, vânhnōi ralei nantadahlonpet sik kachang jo.

¹¹Kahei tinapen khachu, mi inkhat taksenna kanei eng ati, tâk jông leh kîk, phâmrai kase, limsyem kabek, mi kateitôm, ju inrui, inru katlo kha inthlop puimak ruh kati kae. Khava mi kha leh bu sakna kapha’m in-ongpui sap mak ruh.

¹²Hei-achang inum eini rup aka-emak hei ṭong tan sik kha kaṭōn emak. Anmani ṭong khachu Pathen in atan sik kae. Tâk-kha nan-inloikhômna shunga nansap changpui hei ṭong nangni’n nantatan mak sik mo? Ṭong intheng in ahri, “Mikaṭhamak kha nangni’n nanrup kâra inphut hnongsōt ruh,” ati.