Read Komrem CORINTHIANHEI INHNINA 12 Bible Online

CORINTHIANHEI INHNINA 12 - Komrem bible

CORINTHIANHEI INHNINA 12

¹Ahnemna a-om mak inum, a’nlensak sik eng kasōk. Ti chu Rōngpu’n kei hmangtalâr leh ṭong phôngsōt apek eng kha tûn kahrisōt sik.

²Kum 14 kathleng jo Christian mi inkhat marvân athō 3 tlukna inshângpena ṭhōitoua aleika-om kha kamanhret. (Khavakha takkhet a mo a-emak leh hmangtalâra ahmu mo ti ke’n manhret mak eng, Pathen rōk in amanhret).

³Ke’n hri nôk rong, khava mi kha Paradise a ale’nṭhōitou ke’n kamanhret (Tun um khavakha, takkhet a mo a-emak leh hmangtalâra mo, ke’n manhret mak eng, Pathen rōk in amanhret), khana khan ama’n mihring bei tasōsōt theimak leh ṭong vâng um hritheilo rasa katamtak athei.

⁵Khava jâra hiva mipa jâra kei inlensak sik eng, tâk heituk a akatlasam eng mo tia a’nlârsōt kaṭōnhei chunga tei loa kabing chunga chu inlensak mak ning.

⁶Kei ka’nlensak hnōm inchu, akamo inkhat changmak ning, ajârchu akadik kha kahri sik kae. Tâk-kha kei inlensak mak ning, ajârchu mi inkhat tou in kaṭōntlo ahmu leh kaṭong hri atheia amanhret kha tei loa inshângchet a amandon sik eng kha ke’n madu mak eng.

⁷Tâk-kha ke’n hmu inralak kahmu jâra akakhea ka’nlensak makna sik, Seitan ngeva kapō inkhat ani kavōk khana ka’nlensak makna sik a anikakhâm taksa nat kakhôktak apek jo eng.

⁸Khavakha keia inphut alosōtna sik vōi 3 ke’n Pathen hneng kaleidera kae.

⁹Ama’n aleimasôna eng khachu: “Kei maritna hi narangeipen kha kae, ajârchu natlâksam pha leh kei ratha hi akahratpen kae.” Christa rathla’n kachunga ahrung eng ti manhretna sik, katlâksamna chunga ka’nlensak sik kha kahōipen eng.

¹⁰Khava jâra Christa sik a tlâksamna, rahming setna, khôkna, inrimna hei, a’ntatak seng kadetora katlaipuia kae. Ajârchu kei katlâksam pha, khana inphut hratna kanei.

¹¹Ke’n akamo inkhat kapōa ṭong kahri jo, tâk hivahi nangni tamanhri ngar eng kha kae. Nangni’n kei nanmanhret manchênna eng kha nantamalâr sik kasōk. Ajârchu kei heite kachangmak inum, nan “sonle” ahlop bing hei kanek a chu thōi akatla kha changmak eng.

¹²Kei sonle inkhat kachang manchênna ṭōn-inlak leh det-hlana katamtak nankâra dehrattak a kalei tlosōt jo hei.

¹³Kei nan-inthōpuina sik eng kader mak chei tei loa, bekrup ralak kanek a akasechet a katlo mansetna chei heimo aka-om? Kaṭhat makna hei chunga khan arangei mandam ruh.

¹⁴Tûn nanhnenga hong sik a ka’ntlukna hi vōi 3 tlukna jo kae, khana ke’n nanhnenga heite dermak chei ning. Nansêr madu mak eng, nangni kamadu chei kae. Ajârchu sahei khan nu leh pa sik pekna neimak hei ning, tâk nu leh pa jôk khan ansahei sik pekna antanei sik kae.

¹⁵Ke’n nangni inthōpuina sik kataksa leh kanei rakip, akhenga hmangsō sik kha inpek sik eng. Ke’n hingtuk hrep kalungset cheia, nangni’nchu ajingtehrep a nantalungset sik eng mo?

¹⁶Kei nangni sik a rônkahrik inkhat kachangmak hi kahnōm sik chei. Tâk-kha mi ṭhahrep in kei hi ṭhamak, maleisei vâng asur chei kae anti sik.

¹⁷Heikhonga? ṭongkarôn kahei tir hei inkhat toua inphut nanhnenga ke’n hnemna kalo jo mo?

¹⁸Ke’n Titus nanhnenga akahong sik a kangek a, ama leh inṭhōia Christian sōpui lak-hei um kahei tirsa heia kae. Titus in nangnia inphut hnemna alo jo nantati sik mo? Ama leh ke’n a’n-anghrep malung kanrôna, omchen in-anga ṭōn kantatlosap changmak a mo?

¹⁹Ahei tik a nanhmai kunga inhrungna sik kantajong kae tia nanmandon thei. Kha changmak! Pathen ângshunga Christa tamanhri hnōm ung kha, keini’n kantahria kantatlo rakip hi, nangni inthōpuina sik kantatlo kae, ṭhōn marit hei.

²⁰Kei khava hmun kahongtlung phatak leh kei maduna chei leh nangni maduna eng changloa ahlop binga inlotō khâk sik me mo tia kaṭi enga kae. Khava khachu innâkna leh thangsetna, hnuk kase, tabing jōngna, mi inzakna katlo, mi kahri inset, inlensak leh ṭong kaler inhmusōt sik tia kamalung kadông.

²¹Kei kahong nôk pha nanhmai kunga ka-Pathen in kei amansinsak sik eng khana mi katamtak in hma a jông leh kîk omchen anta leitloa, ansetnahei sik a malung lakathleng mak hei chunga, kaṭap khâk sik eng tia kaṭi eng.