Read Komrem CORINTHIANHEI INHNINA 2 Bible Online

CORINTHIANHEI INHNINA 2 - Komrem bible

CORINTHIANHEI INHNINA 2

¹Khava jâra nanmalung natna katlo hrep sik a avea nanhnenga hongmak jo rong tia kamandon jo.

²Ajârchu ke’n nanmalung kamannat inchu, inpâkna anikape sik tu hmen alaka-om sik? Anmalung kamannat pek hêr rōk kachang sik jo hei.

³Khava sik jâra ke’n nanhnenga chithi kha kaleimazet kae. Ti chu kei inpâkna anikatlo pek sik mihei, nanmalung mannatna sik a nanhnenga hong sik madu mak jo eng. Ajârchu kei inpâkna khan, nangni’m nankhenga inpâk chei tia kahlamrin.

⁴Malung hōimo leh inrimtak a khana hmit-rathli pum a nanhnenga kaheimazet kae; kei bitin chu nanmalung mannat sik changmak, tâk heituk-hrep mo nankhenga chunga kalungset chei kha nanmanhret theina sik a kae.

⁵Tûn, mi inkhat in, mi ṭhahrep hei malung natna aleitlo’nchu ama’n kei chunga aleitlo emak, tâk nankhenga chunga kae, ṭhahrep atlo jo kae. (Hiva kahrina hichu ama chunga khôkrei sik madu mak eng.)

⁶Nangni akatam lang in intōk et a hiva mi hi hing’hin karâkna nantaleipek kha akatluk hrep jo kae.

⁷Kha achang inum tûnchu, ama kha amalung adiknating mathokpek una, rangei mandam ruh, kha achangmak inchu ama malung inrimna’n atorthang sik jo.

⁸Khana kadiktak a nanlung setna kha amanhretna sik manthei ruh tia kahei ngek chei.

⁹Enmansinna cheia khan heituk kahnet a akangir chei mo khan chu kamansena cheia khan apha rakip a jui sik a a’ntluk nâk chei mo ti kamanhret hnōm jâra lekha kha nanhnenga kaleimazet kae.

¹⁰Nangni’n tu mo inkhat amapa a-emak leh amanu’n heimo aleitlo ṭhena chunga nanrangei mandam inchu, ke’num ama karangei mandam. Ajârchu ke’n mi karangei mandam pha khan, heikhat karangei mandam sik achang inchu, hivahi nangni jâra Christa hmaikunga katlo ria kae,

¹¹hivahi Seitan in nichunga amatu makna sik mea kae; ajârchu aṭōn mantluk hei kha eini’n nimanhret a kae.

¹²Troas a Christa ṭong kaṭha vaphông sik a kavatlung pha, khava hmun a khan ṭōn tlona sik hlam Rōngpu’n aleimahlang kha kaleihmu.

¹³Tâk-kha nisōpui Titus kahmu mak jâra kamalung le’nrim hêr. Khava jâra khava hmun a mihei kha chibei katlo heia, Macedonia ting kase jo enga kae.

¹⁴Tâk-kha Pathen kha manpâk a om rasoh! Ajârchu Christa leh inṭhōia Christa retorna injôkna khan kurkhum mihei kapōa Pathen in apha rakip a hlam akei ung. Marim katui inkhat kapōa Christa ṭong hi ahmun rakip a phôngtheina sik Pathen in keini ahmang ung.

¹⁵Ajârchu hukmanhring kachang hei hneng leh a’nhmanghei hneng, keini hi marim katui Christa’n Pathen hnenga aro mankhut kapō ung kha kae.

¹⁶Ajârchu a’nhmanghei sik a chu, thina tûr marim kachang ung; khana hukmanhring kachang hei sik a chu, hringna marim katui kha kachang unga kae. Khan chu, khava ṭōn sik khan tu mo, rahōi kasōk?

¹⁷Mi katamtak in Pathen ṭong kha sêr jongnating inveina ângphunga anhmang, anmani kapō keini chu changmak ung; tâk Pathen in keini aṭong kahri sik a atir ung jâra, Christa sōk kapōa malung inthengtak a, ama ângshunga aṭong kha kantahri kae.