Read Komrem CORINTHIANHEI INHNINA 7 Bible Online

CORINTHIANHEI INHNINA 7 - Komrem bible

CORINTHIANHEI INHNINA 7

¹Kaṭhōn marit hei, hihei seng hi eini hnenga aṭongtep kha kae. Taksa leh rathla a’ntheng makna inphut nibing et a inthengsōt rih. Khava jâra Pathen kaṭittak a om me sona, pui katluktak a inthengna sik jong rih.

²Nanmalung shunga keini sik hmun apek ruh. Keini’n tûte chunga ṭhena neimak ung; tûte chunga inhmangna tlomak ung, tûte chunga kanhnemna sik jongmak unga kae.

³Nangni masetna sik a hi kahri changmak; ajârchu, hma inkeia kaleihri jo kapōa, thina achanga hringna achanga ahei tik a aka-omsap me hi lungset a kanrôn hêr chei.

⁴Kan-in ngampui hêr chei; nanchunga inlensakna kanei! Kan-inrimna rakip shunga pui katluk inngamna kanei; ka’npâkna inhlei hêr eng.

⁵Keini Macedonia kanhei tlungsō kapha, châm inhngattet mak ung. Hmun rakip a inrimna, mihlop-hei leh innâkna, malung shunga ṭitna ka-oma kae.

⁶Tâk-kha malung katlâksam hei malung inthok Pathen in, Titus ajong leh inṭhōia kanmalung amathokpek unga kae.

⁷Titus ajonga malung hōina apek ung jâr rōk a changloa, heikhonga mo amalung nantahei mathokpek tina aṭongrôn jâra kae. Nangni’n heituk a nantahmu hnōm eng, heituk a nanmalung a’nreng, kei hukna sik heikhonga a’nrin chei, ti hi ama’n amanthei ung; khava jâra tûn kei inpâk chet enga kae.

⁸Kachithi khan nanmalung alei manrim jo’num, khava chithi kaleisun jâra insirmak eng. Ajârchu khava chithi khan pha bongkhat sik a nanmalung amanrim kha kahmu pha kamalung a’nsîrhrep sik eng kae.

⁹Kha’num, tûnhin kei inpâk eng, nanmalung kamanrim jâra kei a’npâk eng changmak a, nanmalung inrim khan nan-omchen amanthleng chei jâra inpâk eng. Khava malung inrimna kha Pathen in ahmang, khava jâra nangni inhmangna tlomak ung.

¹⁰Ajârchu Pathen tahmang malung inrimna khan hukmanhringna sik a malung thlengna kha amasō, khana khan insirna sik om mak! Tâk-kha raleichung malung inrimna khan chu thina amasōa kae.

¹¹Enruh hiva nangni malung inrimna hin Pathen in heimo atlo: heituk malung kahlut a asyem chei, ṭhenakase nanchangna kha malârna sik a heituk kakhôk a atlo mo! Khava hnuk natna, ṭit-inpirna, malung tônna, malung hlutna, ṭōn kaṭhamak katlohei karâkna pek sik a intlukna hei seng kha kae! Khavahei seng chunga khan nangni nanbinga heite ṭhena kaneimak inkhat a nanbinga inlâr jo chei.

¹²Khava jâra khava chithi kha kaheimazet jo chei achang inum, ṭōn akatloṭhe inkhat chunga leh antamanṭhepa chunga kaheimazet changmak. Khava kanek a, heituk-hrep a keini chunga nanmalung akahlut mo ti hi Pathen hmit-hmua nanmanhret beina sik a kaheimazet chei kae.

¹³Khava jâra keini kanratha akahrok kae. Keini rōk kanratha akahrok changloa; nangni’n Titus kha ahlam rakip a nankhenga nanhe’n thōpuia amalung inpâkna nanhongpek jâra keini hi heituk a amanpâkchet jo ung mo!

¹⁴Ama hnenga nangni kale’nteipui chei, nangni’n kamalung mathla mak chei. Nanhnenga ahei tik a ṭong kadik kanhriṭhak, khava kapōa Titus hneng kanle’nteina kha kadik tia inlâr joa kae.

¹⁵Ama kha ṭit leh kajatak a nanlei ratōa, nankhenga ṭong kajui sik a nan-intlukna hei kha amandonsōt pha alungsetna chei kha kangar chet a kae.

¹⁶Kei nanchunga pui katluk a ka’n ngaitor jâra heituk-hrep a a’npâk jo eng mo!