Read Komrem GALATIANHEI 5 Bible Online

GALATIANHEI 5 - Komrem bible

GALATIANHEI 5

¹Christa’n eini ning leh hnōma amasō jo me, khava ning leh hnōm kha nichen jo kae! Khava jâra ning leh hnōmtak a ngir ruh, khana sōk changna sik, nanbinga hnōm nôk mak ruh.

²Rangei ruh! Paul ke’n kahri pek chei kae, nangni nanbinga vuntan sik nanhnōm inchu, nangni sik a Christa kha ahnemna aka-om mak jo kae.

³Tu achang inum vuntan sik kahnōm mi khan Dân rakip kha ajui mathluk sō sik kae ti hi ke’n kahri manhnak kae.

⁴Dân juia Pathen leh diksap sik a akatlo nangnihei kha nanbinga Christa a inphut a’nṭhensōt jo chei kae. Nangni Pathen maritna vângting ka-om chei.

⁵Keini sik a chu, Pathen in ama leh kadiksap a ada sik ung ti hi kan-inhōrna kae; Khana hivahi taksena inphut ṭōn katlosōt Pathen Rathla ratha hratna vânga khan kantahngâk kae.

⁶Ajârchu Christa Jesu leh ni’nchunna shunga, vuntan leh tanmak a’n-ang makna om mak jo; lungsetna vâng ṭōn katlosōt taksen rōk kha akakhôk kae.

⁷Nangni kaṭha nenga ka-om chei! Akadik kajui sik a tu mo nankakhâm? Heikhong mo amathlem chei?

⁸Khavakha nankabek, Pathen tatlo changmak.

⁹“Che ajingte’n buhlom pumpui amathōi,” antati kapō kae.

¹⁰Tâk-kha tûn katlung kalataksen chei. Rōngpua ni’nchunna shunga nangni malung hlop rônmak tin chei tia kahlamrin, khana tu achang inum nangni inchok inhângna katlo mi kha, Pathen in karâkna apek sik kae.

¹¹Tâk-kha kei sik a chu, sōpuihei, tûn katlung vuntanna sik hi kalahri mankhôk achang inchu, heisik a mo kei suk manrima aka-om sik eng? Vuntan sik kha akakhôk achang inchu, Christa thingrake chungchâng kahrilena hin inrimna aleika-om mak sik kae.

¹²Nangni inchok inhângna nankatlo hei khan heirakip kha anbinga intlo hei rasoh tia kamandon!

¹³Kasōpuihei, nangni sik a chu, masōsōt sik a bek chei kae. Tâk-kha hiva masō nanchangna hi nantaksa tamadu leh rangeina khan nangni amatuna sik ahlam kha manchang mak ruh. Khava kanek a inkhat leh inkhat lungsetnating inzentō jôk ruh.

¹⁴Ajârchu Dân pumpui kha ṭongpek inkhat rōk a: “Nang nabinga na’nlungset kapōhrep a nakhō naven lungset roh” inti shunga hin akhit manchun sō kae.

¹⁵Tâk-kha nangni ramsha kahrânghei omchen kapōa, inkhat leh inkhat inse intôn chei, khavakha en kaṭha ruh, achangmak inchu, nangni inkhat leh inkhat pui katluk a insuk inhmang sik jo chei.

¹⁶Kei tahri chu hi kae: Rathla khan nanhringkhō hlam keipek chei rasoh, khan chu mihring tamadu leh rangeina chunga nanning tlukmak jo ning.

¹⁷Ajârchu taksa tamadu kha rathla tamadu khan adōi, khana rathla tamadu kha taksa ngai tamadu khan adōia kae. Hiva 2 hi a’nre anchang jâra, nangni tatlo hnōm kha tlotor mak tin chei.

¹⁸Nangni rathla’n aṭhōi chei inchu, Dân thōia khan om mak jo chei.

¹⁹Mihring omchen ngai tatlo khachu inchênsenga kae. Khachu hing’hin abinga inlâra jông leh kîk, a’nthengmak, omchen hme kase;

²⁰limsyem inmuk khana dôi kachoi hongkachang. Mihei inrena anhongnei khana hong innâk hei; thangsetna, hnuk natna, phâmrai setna anhongnei. Anmani ahlop-hlop a leh arup-rup a inṭhensōt hei;

²¹anmani in-enkada hei, ju-inruihei, inlensak hei, hinghiva omchen ralak antlo heia kae. Hma inkeia kapōa tûn karakôk nôk chei kae: hinghiva omchen katlo he’n Pathen rengram kha antachen mak sik kae.

²²Tâk-kha rathla kara khachu lungset, inpâk, chamna, dehrat, lumlo, ṭhatna, taksenthei kachang,

²³insinsak, khana binga insur tor hei hi kae. Hivahei kadōi sik dân heite om mak.

²⁴Khana Christa Jesu ta kachang mihei seng khan chu antaksa tamadu leh rangei seng kha antathatsō jo kae.

²⁵Rathla khan eini hringna apek jo me; ama’n nihringkhō chunga vai arôn nger sik kae.

²⁶Eini khat leh khat chunga a’nlensak mak sik me khana hnuk a’nnattō mak sik me khana thang a’nsettō hêrmak sik me kae.