Read Komrem EPHESIANHEI 6 Bible Online

EPHESIANHEI 6 - Komrem bible

EPHESIANHEI 6

¹Naipanghei, nannu nanpa ṭong nantajui sik hi nangni Christianhei ṭōn kae, ajârchu hivahi tlo sik a akadik kha kae.

²“Nannu nanpa kaja ruh” ti hi ṭongpek hmakakei kae hiva chunga intepna inhapsa:

³“Nangni sik a heirakip a akaṭha achangna sik, nan-omna ram a nanhringsei asôtna sik a kae,”

⁴Nu leh pahei, nansahei kha anhnuk natna sik manse mak hei ruh. Khava kanek a, Christian intheina leh mandikna vâng jôk manse hei ruh.

⁵Sōk-hei, ṭit leh inṭhōia ratha innok pum a, Christa nanta razen kapōa, taksatinga nankapu hei malung inthengtak a anṭong jui ruh.

⁶Anmani’n anhngâklai rōk cheia, anmani mantlâina sik changloa, Christa sōk kapōa Pathen tamadu hlam a malung kahlut a aṭōn tlo ruh.

⁷Mihring inzenna hnâma mandon loa, Rōngpu razenna ângphunga katlai senga sōk inkhat kapōa nanṭōn tlo ruh.

⁸Sōk achanga, masō achanga mi rakip aṭōn kaṭha tlo jâra, Rōngpu khan tloman alapek sik hi mandon ruh.

⁹Akapuhei, nansōk-hei chunga omchen in-angtlinga om ruh, khana maṭhitna kha hai ruh. Nangni’m, nansōk he’m in-angtlinga ṭongkatan marvâna nankapu inkhat rōk ta chei kae ti hi mandon ruh.

¹⁰Atorna pena, nangni Rōngpu ratha hratna vânga leh ama leh inchunna shunga akangar kha chang ruh.

¹¹Diabol lungthim kaṭhamak kadōia nanngir torna sik, Pathen tapek chei revon rakip kha invon ruh.

¹²Heijâra mo niti’nchu eini ralei taksa leh thisen kanei mihringhei leh re a’ntuk me changmak, tâk ṭhatmak rumhrat kahmang vaikarônhei, ṭong kaneihei, leh khang inthim thōia ratha kahrat bōirōk a ka-om hei kadōia eini’n re nituk kae.

¹³Khan chu tûnhin Pathen revon kha invon ruh! Khanna ṭhatmak kani ajōng tlung pha, nankabuhlu hei kha nandetor sik hei, khana atorna katlung re nan-intukpui sōa nanhmun kha nanmatutor ṭhak sik.

¹⁴Khava jâra intlukdek a ngir ruh, ṭongdik kha khōnkir a inkir ruh, dikna kha ômphoa innei ruh,

¹⁵khana nankekōk kapōa malung daina Ṭong kaṭha kha hrina sik a intlukna nei ruh.

¹⁶Ahei tik a taksen kha pho kapōa inrôn ṭhak ruh; ajârchu Akaṭhamak Inkhatpa khan the hmei kasûk ajōng kâp kha khahei vâng rōk khan nanthat tor sik a kae.

¹⁷Rathla tapek chei Pathen ṭong kha chemjâm kapōa, khana hukmanhring kha lukhu inkhat kapōa rahlâng ruh.

¹⁸Hiva rakip hi derna leh inṭhōia tlo una, Pathen inthōpuina sik der ruh. Ṭōn kasōk rakip a, Rathla’n hlam akeina sik chei der ruh. Hiva sik a inrin ṭhak a om ruh, masō hêrmak ruh; Pathen mihei seng sik a derṭhak ruh.

¹⁹Ke’n hri sik a ka’ntluk pha, Pathen ṭong kha apekna sik eng, khana ṭong intheng in-ip kha kangamtak a kahrisōt torna sik leh mi manhretna katlo theina sik aderpek ruh.

²⁰Tûn kei kurkhum a thihruia ankhit eng inum, hiva ṭong kaṭha sik a palai inkhat eng kae. Ṭong kaṭha hri sik dôra kangamtak a kahritorna sik aderpek ruh.

²¹Rōngpu ṭōn katloa nisōpui leh taksenthei sōk kachang nisōpui, Tychicus in, ka-omchen akhenga heimo kachang eng nanmanhretna sik ahri pek sik chei.

²²Khava sik a nanmalung mathokna sik, keini hei seng omchen kahri sik a, ama nanhnenga kahei tir kae.

²³Pa Pathen leh Rōngpu Jesu Christa khan taksenna leh inṭhōia lungset leh malung mōngna sōpui rakip chunga pek chei rasoh.

²⁴Ni-Rōngpu Jesu Christa inlungset senghei chunga Pathen maritna leh lungset akachimmak khan inthōpui chei rasoh.