Read Komrem JOSHUA 16 Bible Online

JOSHUA 16 - Komrem bible

JOSHUA 16

¹Ram a thlang ramri intong kha Joseph sōnhei hneng amanchêna kae, Jericho hnenga Jordana inphut, Jerichoa tuiripût heia inphut nêrdiram ting kahlut. Jerichoa inphut tlângram ting kakea Bethel katlung kase.

²Bethel a inphut Luz ting kase, Archite hei omna Ataroth Addar apetan.

³Khava sōa Japhlet hei ramkei tlaitlâk ting kasea Ram-inkōk Beth Horon ramkeia katlung. Khana inphut kasea Gezer a khana Mediterranean Tuipuia abâng.

⁴Joseph sōn, Ephraim leh Tlaitlâk Manasseh phung he’n hiva ram hi karōia anrahlâng.

⁵Hivahi Ephraim innshunghei ramṭhen kae: anramri kha Ataroth Addara inphut nisōtinga Chung intong Beth Horon a katlân,

⁶khana inphut Mediterranean Tuipuia katlung. Khahei sak ting khan Michmethath kha ka-om. Khava nisōtinga ramri kha Taanath Shilo ting inhe khana nisōting apetana Janoa kase.

⁷Khava sōa Janoa inphut Ataroth leh Naarah a kaṭumsuk, Jericho aphâk a Jordana kabâng.

⁸Ramri kha Tappuah inphut tlaitlâk ting kasea Kana kavakōk a katlung khan Mediterranean Tuipuia kabâng. Hivahi Ephraim phung innshunghei hneng ankarōi sik a a’npek ram kha kae,

⁹Manasseh ramri shunga aka-om khōpui leh khōte hei ṭhahrep, inṭhōia Ephraim le’npek hei.

¹⁰Tâk-kha anmani’n Gezer a aka-om Canaanhei kha leihnongsōt mak hei, khava jâra Canaan he’n Ephraimhei kâra tuning katlung laka-om hei, tâk anmani sōk kapōa rumhrat a ṭōn anmantlo hei.