Read Komrem JOSHUA 19 Bible Online

JOSHUA 19 - Komrem bible

JOSHUA 19

¹Inhni changna ram manchen hi Simeon phung innshunghei hnenga kae. Khava ram khan Judah phung manchen ram katlung avasuna kae.

²Hivahi Beersheba, Sheba, Moladah,

³Hazar Shual, Bala, Ezem,

⁴Eltolad, Bethul, Hormah,

⁵Ziklag, Beth Marcaboth, Hazar Susa,

⁶Beth Lebaoth, khana Sharu hei: khōpui 13, akimvea khōpuihei leh.

⁷Khana khan Ain, Rimmon, Ether, khana Ashan: khōpui 4, ankimvea khōpuihei inveisa hei.

⁸Hivahin khōpuihei kimvea ka-om khōlen rakip thlang tinga Baalath Beer (achangmak leh Rama) katlung ahōmsō. Hivahi Simeon phung innshunghei karōi chen ram kha kae.

⁹Judah ram chen kha arangei kakhea alen rei jâra, ṭhen khat chu Simeon phung hnenga apek jo.

¹⁰Inthum tlukna ram manchen kha Zebulun phung innshung sik a kae. Anmani ram chen kha Sarid katlunga kae.

¹¹Khana inphut ramri kha tlaitlâk tinga Mareal katlung, Dabbesheth leh Jokneam kavakōk atôna kase.

¹²Sarid lang khat panga ajuia Kisloth Tabor ramri sak ting kase, khava sōa Daberath leh Japhia katlung.

¹³Khana inphut nisōting kase nôk a Gath Hepher leh Ethkazin katlung, Nea ting inhea Rimmon asora kae.

¹⁴Sak ting ramri kha Hannathon ahnget a kasea Iphtahel Phaichama kabâng.

¹⁵Hivahin Kattath, Nahalal, Shimron, Idala, leh Bethlehem inveisa hei: khōpui 12, ankimvea khōpuihei leh.

¹⁶Hiva khōpuihei leh khō kalenhei hi Zebulun karōi tachen ram shunga ka-om hei.

¹⁷Manli changna ram manchen kha Issachar phung innshunghei sik kae.

¹⁸Hiva ramkei hi Jezreel, Chesulloth, Shunem,

¹⁹Hapharaim, Shion, Anaharath,

²⁰Rabbith, Kishion, Ebez,

²¹Remeth, Engannim, Enhadda, khana Bethpazzez ahōm hei.

²²Ramri hin Tabor, Shahazuma, leh Beth Shemes um atôna, Jordana inhnga. Hivahin khōpui 16 leh akimvea khōpuihei leh ahōmsa hei.

²³Hiva khō kalen leh khōpuihei hi Issachar phung innshunghei karōi chen ram shunga aka-om hei kae.

²⁴Ranga changna ram manchen kha Asher phung innshunghei sik a kae.

²⁵Hiva ramkei hi Helkath, Hali, Beten, Achshaph,

²⁶Allam Melech, Amad, khana Mishal ahōm hei. Tlaitlâk ting Carmel leh Shihor Libnath atôn hei.

²⁷Nisō ting ahnget a, ramri kha Bethdagon ting kase, sak tinga Bethemek leh Neiel hlam a Zebulun leh Iphtahel Phaicham atôn hei. Khavakha sak ting kase nôk a Kabul,

²⁸Ebron, Rehob, Hammon, leh Kana, Sidon katlunga kase.

²⁹Ramri kha khana inphut chu Rama ting inhea kur kakekhum Tyre khōpui avaphak; khava sōa Hosa ting inhea Mediterranean Tuipuia kabâng. Hivahin Mahalab, Achzib,

³⁰Umma, Aphek, leh Rehob ahōm hei: khōpui 22, ankimvea aka-om khōpuihei leh.

³¹Hiva khōpuihei leh ankhō kalenhei hi Asher phung innshunghei karōi chen ram shunga aka-om hei kae.

³²Karuk changna ram manchen kha Naphtali phung innshunghei sik a kae.

³³Hiva ramri hi Heleph a inphut Zaanannim a sasōkung ting kase, Adaminekeb leh Jamnia kasea, Lakkum katlung kase thanga Jordana kabâng.

³⁴Khan chu ramri kha tlaitlâk ting inhea Aznoth Tabor asor, khana inphut Hukkok thlânga Zebulun, tlaitlâk a Asher, nisōtinga Jordan atôn hei.

³⁵Kur kekhum khōpuihei kha Ziddim, Zer, Hammath, Rakkath, Chinnereth,

³⁶Adam a, Rama, Hazor,

³⁷Kedesh, Edrei, Enhazor,

³⁸Yiron, Migdalel, Horem, Bethanath, leh Beth Shemes: khōpui 19, ankimvea khōpuihei.

³⁹Hiva khōpuihei leh khō kalenhei hi Naphtali phung innshunghei karōi chen ram shunga aka-om hei kae.

⁴⁰Sari tlukna ram manchen kha Dan phung innshunghei sik kae.

⁴¹Khava ramkei kha Zorah, Eshtaol, Irshemesh,

⁴²Shaalbim, Aijalon, Ithla,

⁴³Elon, Timnah, Ekron,

⁴⁴Elteke, Gibbethon, Baalath,

⁴⁵Jehud, Beneberak, Gathrimmon,

⁴⁶Mejarkon leh Rakkon, Joppa kimvea ramṭhen ahōmsa hei.

⁴⁷Dan mihe’n anram anmanhmang pha, Laish a kase heia anvabuhlua kae. Amihei kha anthat hei, khana anchen sik a anram kha an-inlo jo. Khana ka-om heia khōpui rahming kha Laish a inphut Dan tia anthleng jo, anpu anpa rahming anmanrôn jo

⁴⁸Hiva khōpuihei leh ankhōpuihei hi Dan phung innshunghei karōi chen ram shunga aka-om hei kae.

⁴⁹Israel mipui he’n ram sem kha anchaisōa, anmani’n Nun sapa Joshua hneng abing tachen sik a ramṭhen inkhat anleipek.

⁵⁰RŌNGPU’n ṭong apek kapōa, ama tader khōpuihei kha anleipek: Ephraim tlângram Timnath Serah kae. Khōpui kha asyem manther a khana khan ka-om jo.

⁵¹Eleazar thempu, Nun sapa Joshua, khana Israel phung innshung hlamkakeihei seng in hiva ramṭhenhei hi Shiloa RŌNGPU hneng derna, tla sânna anneia anmanchen heia kae. Hing’hin ram insem kha anleichai jo.