Read Komrem JOSHUA 21 Bible Online

JOSHUA 21 - Komrem bible

JOSHUA 21

¹Levi innshunga hlamkakei he’n Eleazar thempu, Nun sapa Joshua khana Israel phung rakip hei hlamkakeihei hneng vakase hei.

²Canaan ram a Shiloa khan anmani’n anhnenga anleiti, “Moses hnenga inphut RŌNGPU’n ṭong pekna aleinei khachu kan-omna sik a khōpui pek sik leh kanranhring hei sik a ramhâng pek sik a aleihri.”

³Achang jâra RŌNGPU ṭongpekna dungjuia Israel mipui he’n Levihei kha khōpui ṭhahrep leh ramhâng, anram shunga inphut anleipek hei.

⁴Ahma inkeia manchen sik hei kha Kohath phungṭhena Levi innshunghei kae. Aaron thempua ajōng kakōn innshunghei hneng Judah, Simeon, leh Benjaminhei ramṭhen shunga inphut khōpui 13 anmanchen hei.

⁵Kohath phungṭhen ralak-hei kha Ephraim, Dan leh Tlaitlâk Manasseh-hei ramṭhen shunga inphut khōpui 10 anmanchen hei.

⁶Gershon phungṭhen kha Issachar, Asher, Naphtali leh Nisō Manasseh-hei ramṭhen shunga inphut khōpui 13 anmanchen hei.

⁷Merari phungṭhen innshunghei kha Reuben, Gad, leh Zebulun hei ramṭhen shunga inphut khōpui 12 anmanchen hei.

⁸Tlâ sânna anneia Israel mipui he’n hiva khōpui leh ramhâng hei hi RŌNGPU’n Moses hnenga ṭong aleipek kapōa, Levihei anleipek jo hei.

⁹Hihei hi Judah leh Simeon hei ramṭhen heia inphut

¹⁰Levi hnenga ajōng kakōn, Kohath phungṭhen, Aaron sōn leh pârhei hneng ale’npek khōpuihei rahming kae. Anmani manchanna hi hmapena syem sik leikasōk.

¹¹Anmani hi Judah tlângram, tûnchu Hebron anti jo, Arba (Arba hi Anak pa kae) khōpui kha akimvea ramhâng leh inṭhōia anleipek.

¹²Kha’num, khōpui hleipuk-hei leh akhōpuihei khachu Jephune sapa Caleb karōi sik a le’npek dek jo hei.

¹³Hebron ale’npeksa chunga khan (inthupna khōpuihei kâra inkhat) athōia khōpuihei hi’m Aaron thempu sōnhei Libnah hneng le’npeksa hei:

¹⁴Jattir, Eshtemoa,

¹⁵Holon, Debir,

¹⁶Ain, Juttah, leh Beth Shemes, inṭhōia anram ramhâng hei: Judah leh Simeon phunghei khōpui 9.

¹⁷Benjamin ram inphut khōpui 4 anhnenga le’npek hei: Gibeon, Geba,

¹⁸Anathoth, leh Almon, inṭhōia anram ramhâng hei.

¹⁹Akhenga khōpui 13 leh anram ramhâng hei Aaron sōn leh pâr thempuhei hneng anleipek hei.

²⁰Kohath phungṭhena Levi phung ralak hnenga Ephraim ramṭhen a inphut khōpui ṭhahrep anmanchen hei.

²¹Anhnenga khōpui 4 anleipek hei: Shechem leh Ephraim tlângram ramhâng hei (inthupna khōpui inkhat), Gezer,

²²Kibzaim leh Beth Horon, anramhâng hei leh inṭhōia.

²³Dan ramṭhen shunga inphut khōpui 4 anpek hei: Elteke, Gibbethon,

²⁴Aijalon leh Gathrimmon, anramhâng hei leh inṭhōia.

²⁵Tlaitlâk Manasseh ramṭhen shunga inphut khōpui 2 anpek hei: Taanach leh Gathrimmon, anramhâng hei leh inṭhōia.

²⁶Hiva Kohath phungṭhen innshung he’n akhenga khōpui 10, anramhâng hei leh inṭhōia anchen jo.

²⁷Levi rup inkhat Gershon phungṭhen he’n Nisō Manasseh ramṭhen a inphut khōpui 2 anleichen: Bashana Golan (inthupna khōpui inkhat kae) khana Beeshtera, anramhâng hei leh inṭhōia.

²⁸Issachar ramṭhen shunga inphut khōpui 4 anleichen: Kishion, Daberath,

²⁹Jarmuth leh Engannim, anramhâng hei leh inṭhōia.

³⁰Asher ramṭhen shunga inphut khōpui 4 anleichen: Mishal, Abdon,

³¹Helkath leh Rehob, anramhâng hei leh inṭhōia.

³²Naphtali ramṭhen shunga inphut khōpui 3 anleichen: Galileea Kedesh, aramhâng leh inṭhōia (inthupna khōpui inkhat kae), Hammoth Dor leh Kartan, anramhâng leh inṭhōia.

³³Gershon phungṭhen ralak he’n akhenga khōpui 13 leh anramhâng hei anleichen hei.

³⁴Mearari phungṭhena Levi ralak he’n Zebulun ramṭhen shunga inphut khōpui 4 anleichen: Jokneam, Karta,

³⁵Dimna leh Nahalal, anramhâng hei leh inṭhōia.

³⁶Reuben ramṭhen shunga inphut khōpui 4 anleichen: Bezer, Jahaz,

³⁷Kedemoth, leh Mephaath, anramhâng hei leh inṭhōia.

³⁸Gad phung heia inphut khōpui 4 anleichen: Gilead a Ramoth, aramhâng hei leh (inthupna khōpui inkhat kae), Mahanaim,

³⁹Heshbon leh Jazer, anramhâng hei leh inṭhōia.

⁴⁰Khava jâra Merari phungṭhen hei kha akhenga khōpui 12 anleimanchen hei.

⁴¹Israelhei ram chen shunga inphut, akhenga khōpui 48, ankimvea ramhâng hei leh inṭhōia Levi inpek jo hei.

⁴³Achang jâra RŌNGPU’n anpu sōnhei hneng pek sik a kalûrtak a ale’ntepna ram rakip kha apek hei, anmani’n ram anhlō pha khana khan khō katla jo hei.

⁴⁴RŌNGPU’n anpu sōnhei hneng ale’ntep kapōa, ram pumpuia mōngna aleipek hei. An-inrepuihei inkhatbek ankadōia ngir tor mak hei, ajârchu RŌNGPU’n Israelhei kha ankadōi rakip amantor jo hei.

⁴⁵RŌNGPU’n Israelhei hneng ale’ntepna rakip hui amathlung pek hei.