Read Komrem THESSALONIANHEI INHNINA 3 Bible Online

THESSALONIANHEI INHNINA 3 - Komrem bible

THESSALONIANHEI INHNINA 3

¹Achaina sōpuihei, nangni kâra ale’ntlo kapōa, Rōngpu ṭong kha abân bâna inranga, a’nthang sōna sik leh kajana leh inṭhōia anrahlâng theina sik a, aderpek ruh.

²Khan chu mi-êng kasehei leh mikaṭhamak heia inphut Pathen in ahuk sōtna sik unga’m aderpek ruh; ajârchu mi rakip in ṭong kha taksen mak heia kae.

³Achang ravâng Rōngpu khachu taksen ka-om tak kha kae, ama’n Akaṭhamak Inkhat a inphut ahuksōt sik chei khana nanratha amanngarpek sik chei.

⁴Khana nanchunga taksenna Rōngpu’n amannei ung, ti chu keini’n kantamanthei chei kha nangni’n nantloṭhak khana nantlo manjom ṭhak sik ti hi inngam ung.

⁵Rōngpu khan’ Pathen lungsetna manhret thei chetna leh Christa tapek chei dehratna shunga hlam keichei rasoh.

⁶Sōpuihei Rōngpu Jesu Christa rahminga keini’n nangni ṭong kanta heipek chei kae, keini mansena ṭong kajuimak hei, ratha kasea hringkhō kahmang taksenna kaneimak heia inphut a inkâisōt ruh.

⁷Nangni’n keini taleitlo kapōtak a nantatlo sik hi kaṭha nenga nantamanhret jo kae. Keini nangni leh ni-om saplai khan kanratha semak a kae.

⁸Keini’n manpek loa tûte ta’nthōpuina kha leilo mak ung. Khava kanek a, nangni tute inkhat sêr hmang makna sik a sûn leh jân ṭōn kantloa kae.

⁹Keini’n ṭōn kantatlo kha, inthōpui der sik hi kanrahōi sōk mak tia changmak; tâk keini ṭōntlo hi nangni tajui sik a manhmuna sik kantatlo kae.

¹⁰Ni-om saplai khan kantalei hripekṭhak jo chei kae ti chu, “Tu achang inum ṭōn katlo hnōm mak mi khan sâk um sâk mak rasoh.”

¹¹Keini’n hiva ṭong kanhrina jâr khachu, nankâra mi ṭhahrep ṭōntlo loa mihei ṭōn tlona chu akahri inveilele ratha kase ka-om ti ṭong kantheia kae.

¹²Khang khava mihei kha keini’n Rōngpu Jesu Christa rahminga ṭongpekna leh rakôkna kantaheinei kae, anmani’n hringkhō kaṭhatak a omna leh sâk hmuna sik ṭōn intlo hei rasoh.

¹³Tâk-kha kasōpuihei, nangni chu ṭōn kaṭha tlona dehlamak ruh.

¹⁴Hiva chithia kantahei mazet ṭong hi akajuimak mi leika-om thei sik. A-oma achang inchu, khava mi kha chîk ruh, khana ahon’zakna sik ama kha heite tlosappui mak ruh.

¹⁵Kha’num indōipui inkhat a tlomak ruh; tâk takkasen kanei sōpui inkhat a manse hei ruh.

¹⁶Nimalung mōngna kung kachang, Rōngpu ama khet in ahlam rakip a leh apha rakip a, malung mōngna pek chei rasoh. Rōngpu’n nankhenga ompui chei rasoh.

¹⁷Paul a inphut chibei ti hi kakutkhet vâng kamazet kae; hing’hin chithi rakip a sôi katlo ri; hinga kamazet hei kae.

¹⁸Ni-Rōngpu Jesu Christa maritna khan nankhenga ompui chei rasoh.