Read Komrem TIMOTHY INHNINA 4 Bible Online

TIMOTHY INHNINA 4 - Komrem bible

TIMOTHY INHNINA 4

¹Ajârchu Reng inkhat kapōa akajōnga vaikarôn sikpa, akathi leh akahring ṭong katan sik Jesu Christa leh Pathen hmaikunga, ke’n nang ka-ôrtak a kangek che kae,

²ṭong kha nahrilena sik, phôngsōtna sik a, mi mansena sik a (aphatak achang inum, achangmak inum), mi jôrna, mi rakôkna, mathokna, mansena, khana dehratna rakip leh manthei hei roh.

³Mihe’n chôn kadik intheina anhong rangei hnōm mak pha kha lakahong sik, tâk anmalung maduna anjuia ankōr tarangei hnōm ṭong ankahri pek sik hei oja katamtatak anbek mantûp sik hei.

⁴Khana anmani’n ṭong kadik khachu rangei hnōm mak hei ning khana limsyem thuhming heia khan anmalung kahlut jôk sik jo.

⁵Tâk-kha nang chu heirakip chunga a’nsingthei sik che kae; inrengna dehrat roh, Ṭong kaṭha hrilena ṭōn kha tlo roh, khana Pathen sōk inkhat nachangna, tlohlam kasōk rakip tlosōt roh.

⁶Kei sik a chu, inthoina sik ka’npek sōtna pha hong kahnai jo; hiva ralei hringkhō hi kadahlonna sik pha kahnai jo.

⁷Kei, tlân in-erna kha kaṭhatak a katlân jo eng, atorna katlung katlân jo eng, khana taksenna kha kamatutlit jo.

⁸Khana tûnchu Pathen leh mandik sapna torna tloman khan ahngâk ṭhak jo eng kae, khava Kani ning khan ṭongtan kadikpa Rōngpu khan apek sik eng, khavakha kei hneng rōk changmak, tâk ama ahon’lâr sik lungset a akahngâk rakip hei hneng um kae.

⁹Inrangtak a kahnenga hongna sik heitlo roh.

¹⁰Demas in hiva raleichung hi khôk asak jo jâra, adahlon enga Thessalonicating kase jo. Crescens in Galatiating kase jo, khana Titus in Dalmatiating kase jo.

¹¹Luke rōk kahnenga ka-om jo. Nahong pha leh Mark heijong inna heiṭhōi roh, ajârchu ama’n kaṭōn hi a’nthōpui tor enga kae.

¹²Ke’n Tychicus Ephesus a katira kae.

¹³Nang nahong pha leh, kazakkō kalen Troas a Karpa hnenga kadahlon kha leh kalekha rabuhei kha’m, akakhôk pena shavun lekhahei kha ahei choi pek roh.

¹⁴Alexander sumsen kakhengpa’n asuk manset hêr enga kae; Rōngpu’n ama ṭōntlo dungjuia amale sik.

¹⁵Ama hnenga nang nabinga insing thei roh, ajârchu ama’n hnuk kana tak a niṭonghri kha ahōt a kae.

¹⁶Hma inkeia tûte’n kahnenga leingir mak hei, kei kabinga le’nhrung eng; ankhenga anleidahlon eng. Khavakha Rōngpu’n anchunga maset teipek mak hei rasoh.

¹⁷Tâk-kha Rōngpu’n kei a-ompui enga khana ratha ngarna apek enga Jât-hlop hei seng tarangei sik a ke’n pui katluk a ṭong kha kaleihri manthang tor a kae; khan chu thina sik ṭong mathlâkna inphut hukmanhring leikachang jo eng.

¹⁸Khana Rōngpu’n akaṭhamak rakip a inphut ahuk enga amarvân Rengram a kahringa aṭhōi sik eng. Lûrna kha are-rea ama ta changṭhak rasoh! Amen.

¹⁹Ke’n, Priscilla leh Aquila khana Onesiphorus innshung mihei chibei kahei pek hei.

²⁰Corinth a Erastus ka-om jo, Miletus a Trophimus anat jâra kahei dahlon jo.

²¹Nang phebi mak hma hongna sik tak heitlo roh. Eubulus, Puden, Linus, khana Claudia he’n chibei anheipek che, khana Christian ralak he’n khanga anheipek che.

²²Narathla kha Rōngpu’n ompui rasoh. Pathen maritna khan nankhenga ompui chei rasoh.