Read Komrem HEBREWHEI 1 Bible Online

HEBREWHEI 1 - Komrem bible

HEBREWHEI 1

¹Pathen in hmalai nipusōnhei kha hmun katamtak a leh ahlam katamtak a sânkathem ahmang heia ale’nbekpui hei,

²tâk a’nchaina pha hinchu asapa vâng eini a’nbekpui jo me. Pathen in vânhnōi ralei asyem hi ama vânga kae, Pathen in achaina neinâk rakip akapu sik a akadei hi ama hi kae.

³Ama’n Pathen lûrna kha aser manvâr, ama hi Pathen hringje leh a’n-anghrep kha kae, aṭong ratha neina vâng khan vânhnōi hi hinga aman om. Mihringhei set rangei mandamna ṭōn atorsō leh Ratha Kaneipen Pathen kut changting marvâna in-onga ka-om jo.

⁴Pathen in apek rahming kha marvân ngevahei rahming kanek a akalen chet dungjuia Sapa kha marvân ngevahei kanek a amanlenchet a kae.

⁵Ajârchu Pathen in angeva inkhatbek hneng hinga hrimak: “Nang ka-Sapa che kae; tuning kei napa kachang jo eng.” Achangmak leh Pathen in angeva inkhat hneng hinga hrimak, “Kei a-Pa kachang sik eng, khana ama ka-Sapa kachang sik.”

⁶Pathen in asapa hma-inkei kha raleichunga ajōngtir sik pha, ama’n ahri: “Pathen ngeva rakip in ama antakamuk sik kae.”

⁷Tâk-kha Pathen in ngevahei chunga hinga ahri: “Pathen in ngevahei kha thli amanchang ri hei, khana asōk-hei kha hmeimale amanchang ri hei.”

⁸Hei-achang inum Pathen in asapa chunga ahri: “Eh Pathen, narengram kha kumleikōa ka-om ṭhak sik! Nang in namihei chunga akadik vâng vai narôn.

⁹Nang in akadik namadu khana akadik mak nahōt. Khava jâra Pathen, na-Pathen in akadei che, khana akakhe chet kajana chenna leh hōina kha naloihei kanek a apeksa che.”

¹⁰Ama’n hing’hinum ahri: “Rōngpu, nang in a’nphutbia ralei kha nasyem khana nakutkhet vâng marvânhei kha nasyem hei.

¹¹Anmani inhmang sik hei, tâk nang chu ka-om sik che. anmani ankhenga pōn kapōa kaṭop sik hei.

¹²Nang in khahei kha zakkō kapōa nathlep sik hei, khana khahei kha pōn kapōa nathleng sik hei. Tâk-kha nang chu nangangai kachang che nahringkhō inchaitik om mak.”

¹³Pathen in angevahei inkhatbek hneng hinga hrimak: “Ke’n na’ndōipui hei, nakethōia kaman chōnpha mak kârseng che, kachangting hin in-ong roh!”

¹⁴Khan chu marvân ngevahei kha heijo heihmen? Anmani ankhenga Pathen inzen rathlahei kha kae, khana hukmanhringna kachen sik senghei inthōpui sik a ajōngtir hei kae.