Read Komrem ṬONGKATANHEI 17 Bible Online

ṬONGKATANHEI 17 - Komrem bible

ṬONGKATANHEI 17

¹Pha khat a Ephraim tlângrama, Micah inti pase inkhat leika-om.

²Ama’n anu hneng ati, “Tu mo inkhat in dangka 1,100 nahnenga inphut amarûk pha, inrupa kha nang in nahâksêr. Nahâksêr kha ke’n kathei. Enroh, dangka kha kei hneng ka-om. Khava kalo kha kei eng kae.” Anu’n ati, “Kasapa, RŌNGPU’n mahâmṭhat pek che rasoh!”

³Anu hneng apek male jo, khana amanu’n ati, “Kasapa chunga hâksêrna atlung makna sik a, kei khet in dangka hi RŌNGPU hneng inpâktak a katōksōt jo kae. Hivahi dangka vânga katōm sik, thinga lim inkhat syemna hmang sik kae. Khava jâra tûn sêr hi nang kapek male sik che kae.”

⁴Khava sōa anu hneng khahei kha apek jo hei. Anu’n dangka 200 aloa thir kakheng hei hneng apek heia, lim amansyem jo, thing vâng aret asyema dangka vâng amantōma kae. Khavakha asapa Micah inna aleida.

⁵Hiva Micah hin ama binga kamukna hmun anei. Ama’n lim ṭhahrep leh thempu von, Zakkō bong asyema, asapahei kâra inkhat thempu amanchang.

⁶Khava lai khan Israel in reng leinei mak; mi rakip in antamadudu kha anleitloa kae.

⁷Khava phatak a khan Judah ram Bethlehem khōpuia Levi rether inkhat leika-om.

⁸Ama’n Bethlehem khōpui adahlona hmun inkhat a omna sik aleijong. Ama khanga ahonglai Ephraim tlângram Micah inna kahonga kae.

⁹Micah’n ahnenga ader, “Khona inphut akahong che mo?” Ama’n amasôn, “Kei Judah ram Bethlehema Levi inkhat eng kae. Kei omna sik a ram kajong kae.”

¹⁰Micah’n ati, “Kei leh omsap rih. Nang kei insepa leh thempu chang roh, khana ke’n kum khat a dangka 10, khana pōn ṭhahrep, khana nang sâk leh in kapek sik che.”

¹¹Levi rether kha Micah leh om sik kahnōm joa asapa ang phunga ada jo.

¹²Micah’n ama kha thempu amanchanga a-inna ka-om jo.

¹³Micah’n ati, “Tûn ke’n Levi inkhat thempua kanei jo, Pathen in kei sik heirakip kaṭha atlopek sik eng ti hi kamanhret jo.”