Read Komrem ṬONGKATANHEI 20 Bible Online

ṬONGKATANHEI 20 - Komrem bible

ṬONGKATANHEI 20

¹Sak tinga Dan a inphut thlang tinga Beersheba katlung, khana nisōtinga Gilead ram inphut Israel mi rakip in bekna kha anhei masôn jo. Anmani Mizpah a RŌNGPU ângshunga inkhat rōk a hong intûp hei.

²Israel phung rakip a hlamkakeihei, Pathen mipuihei intûpna hin leikatla hei, khana khan ke remi 400,000 ka-om hei.

³Khava pha Benjamin mihe’n Israel ralak seng Mizpah a intûp jo hei ti hi anthei jo. Israel he’n ander hei, “Heikhong inmo khava ṭōnse kha akasōk, amanthei ruh?”

⁴Anuhmei antathatpek mipa khan amasôn hei, “Benjamin ram Gibeah a kanuhmei manbonu leh kei jân khat rekna sik a kase ung.

⁵Gibeah mihe’n kei kabuhlu sik a kantlungna inn kha jân a anjong kimvea kae. Kei that sik a intluk hei; khava kahlanga kanuhmei manbonu kha ansetpuia amanu kathi jo.

⁶Ke’n ama kalōng kha kaloa, abong 12 a katuktana, Israel phung 12 hnenga inkhat et kahei tir kae. Hiva mihei hin nikâra ṭhatmak leh jông leh kîk hi antloa kae.

⁷Hina ka-om nankhenga Israel chei kae. Hiva chungchânga hin heimo nitlo sik?”

⁸Mipui seng kha ankhenga kangirsōt heia anti, “Eini inkhatbek, pōn-inna ka-om achanga, inntak a ka-om achanga, inle theimak min.

⁹Hinga nitlo sik kae: vâng-enna nineia Gibeah re katlo sik mi ṭhahrep nikadei sik.

¹⁰Israel phunga pase sôma inkhat in remihei bu leh thlai anpek sik hei, alakseng in kase heia Israelhei kâra hiva jông leh kîk hi antlo jâra Gibeah anva karâk sik hei.”

¹¹Hing’hin Israel pase rakip khōpui kabuhlu sik, mantlukna inkhat jâra intûp jo hei.

¹²Israel phung he’n Benjamin ram pumpuia tlângva antir heia hinga anmanti hei, “Nangni tatlosōt ṭhena hi heimo kae?

¹³Tûn Gibeah a ka-om mikajônghei kha eipek sōt ruh, anmani kha that heia, Israel a inphut ṭhatmak kha losōt sik kae.” Tâk Benjamin he’n Israel ralak-hei kha heite rangei mak hei.

¹⁴Benjamin khōpui rakip a inphut anmani Gibeah a kahong heia Israel ralak-hei intukpui sik a kahong jo hei.

¹⁵Khava ning khan remi 26.000 ankhōpui heia inphut anbeksōt hei. Khava tei loa, Gibeah pase 700 ahlopdet a kadeisōt hei le’ntûpsa hei. Anmani inkhat et in sam rahme rehrep hi saiphia ankâp masōk tor, masōk lo tlohêr mak hei.

¹⁶

¹⁷Israel ralak seng khan re resik kathem rōk 400,000 anmantûp hei.

¹⁸Israel he’n Bethel a kamukna hmun a kase heia Pathen hneng anhongder a, “Tu phung inmo hmatak a Benjamin chunga re atuk masa sik?” anti. RŌNGPU’n amasôn heia, “Judah phung in,” ati.

¹⁹Khava jâra abân jîngkâra se anphut a Gibeah khōpui hnenga rephōr ansyem jo.

²⁰Benjamin remihei chunga re katlo sik a kase jo hei, khana anremihei kha khōpui kahnget a anda jo hei.

²¹Benjamin remihei kha khōpuia inphut heikasōk heia, kani kha atlâk mak hma Israel remi 22,000 anthat jo hei.

²²Khan chu Israelhei kha kamukna hmun a kase nôk heia RŌNGPU ângkunga khōhlei katlunga ṭajai ansuia kae. Ahnenga ander, “Keini kansōpui Benjaminhei kadōia avea re akakōn nôk sik ung mo?” RŌNGPU’n “Ôk”, tia amasôn heia. Israel remihei kha mathokna apek heia, ahma kakei kania kapōa anda jo hei.

²³

²⁴Anmani’n Benjaminhei dōina vōi 2 tlukna re kakōn jo hei.

²⁵Khava vōi 2 tlukna khan Benjaminhei Gibeah inphut heikasōk heia hiva ning Israel remi kathem 18,000 anthat hei.

²⁶Khan chu Israel mi rakip Bethel a kase heia ṭajai ansui nôk jo. Khana khan RŌNGPU ângkunga khōhlei katlunga bu anngōia kae. Inlôikhômna inthoina leh apum a ro-inthoina, akhenga RŌNGPU ângkunga antōk a kae.

²⁷Khava lai Pathen Intepna Bôm kha Bethel a leika-om, khana Aaron tupa, Eleazar sapa Phinehas kha khava ka-ensui le’nṭang. Mipui he’n RŌNGPU hneng ander, “Kansōpui Benjaminhei chunga re alakakōn nôk sik ung mo? Achangmak leh akahai sik ung mo?” RŌNGPU’n amasôn heia, “Re tlo ruh. Jînga chu anmani kamantor sik chei.”

²⁸

²⁹Israel he’n remi ṭhahrep Gibeah kimvea anthup jo hei.

³⁰Ni 3 tluk ning anmani Benjamin remihei kadōia injôk a kase jo hei, anremihei kha anilak a antatlo kapōa Gibeah kahnget a anda jo hei.

³¹Benjaminhei re katuk sik a heikasōk jo hei, khana khōpuia inphut kasesōt jo hei. Hma kapōa, Bethel sena hlam a leh Gibeah sena hlam heia ramhânga Israel ṭhahrep that anphut jo. Anmani’n Israel 30 kapō anleithat hei.

³²Benjamin he’n anti, “Tena nitha hei ângphunga, nitha sik jo hei,” Tâk-kha Israelhei khan lungthim antloa hnungting inlesak heia khōpuia inphut hlamlena anṭhōisōt jo hei.

³³Israel remi apui karônhei kha ankahnung inle heia Baaltamara intûp kaṭha jo hei, Gibeah kimvea a’nthup a ka-om hei kha khava phatak a khan khōpui kimvea hlung kâra heikasōksōt jo hei.

³⁴Israel shunga ahlopdet a kadeisōt remi 10,000 hei khan Gibeah kha anbuhlu jo, re kha rahnak a intuk hei. Benjamin he’n suk manhmanga an-om sik kha manhret mak hei.

³⁵RŌNGPU’n Israel kha Benjaminhei chunga torna apek jo hei. Khava ning Israel he’n mi 25,100 anthat hei,

³⁶Benjamin he’n hmaimôk anchen jo ti kha ani’nhret jo. Apui karôn Israel remihei khan Benjamin heia inphut ale’nle jo hei khachu Gibeah kimvea inthup a antada mihei chunga inngamna annei jâra kae.

³⁷Hiva mihei hi inranga Gibeah ting katlân inhlut hei; khōpui shunga inchek heia khana aka-om rakip anleithat jo hei.

³⁸Apui karôn Israel remihei leh a’nthup a ka-om hei kha inhrettōna mêrchîkna inkhat anleinei. Khōpuia inphut hmeikhu katamtak sumphaia akaketou anhmu’nchu,

³⁹rehmun a inphut akatlânsōt Israelhei kha rehmun a ahong inhe male sik hei kae. Khava pha khan Benjamin he’n Israel mi 30 chu anleithatdek jo hei. Anmani anbinga inbek heia, “Ôk, hma kapōa eini’n nitor jo hei,” anti.

⁴⁰Khava pha mêrchîkna kha hong inlâr jo: khōpuia inphut hmeikhu sumphai chungting kaketou jo. Benjamin he’n ankahnung ting an-enna khōpui pumpui kha hmeimale akasûkpet kha anhmua inlak ansâk jo.

⁴¹Khava sōa Israelhei kha hong inhe jo hei, Benjaminhei kha ṭit-inpir jo hei, ajârchu anmani suk inhmang sik kha anleimanhret jo.

⁴²Israel heia inphut inle jo hei, ramhâng langa kaphu jo hei, tâk inphesōt tor dekmak hei. Anmani kha apui karôn remihei leh khōpuia inphut ahei kasōk remihei kâklak a ka-om jo hei, khana anthat manram jo hei.

⁴³Israel he’n an-inre hei kha ankakebit heia, Gibeah nisōting katlung anhnong heia, antlânpuma anleithat hei.

⁴⁴Benjamin remi akahratpen 18,000 anleithat jo hei.

⁴⁵Alakseng he’n ramhâng tinga Rimmon Hlungpuia kaphu hei. Hlamdunga anmani 5,000 anthat hei. Israel he’n anmani alakseng hei kha Gidom katlunga anhnong hei, 2,000 anthat hei.

⁴⁶Khava ning Benjamin mi antathat hei kha ankhenga 25,000 hei kae, rekathem rōk hei kae.

⁴⁷Tâk mi 600 hei chu ramhânga katlân heia Rimmon Hlungpuia thla 4 va’nthup hei.

⁴⁸Israel he’n Benjamin ralak-hei kha andōi heia ankhenga anleithat jo hei, pase, nuhmei, naipang leh ranhei. Khava ramkeia khōpuihei seng hmei vâng anro sō hei.