Read Komrem ṬONGPHÔNG 15 Bible Online

ṬONGPHÔNG 15 - Komrem bible

ṬONGPHÔNG 15

¹Khava sōa a’nlaktak leh akalentak chîkna marvân chunga ngeva 7 leh hrise 7 ke’n kahmu. Hiva hrisehei hi achaina jo hei kae, ajârchu hihei hi leh inṭhōia, a’nchaina sik Pathen hnuk natna kha akajōng sik kae.

²Khava sōa hmei leh inṭhōia thle-en tuipui kapō inkhat ke’n kahmu. Khan nôk chu arahming kahlanga aja vânga a’nzetpa, khana ranhring leh alim chunga torna kaneihei kha’m kahmusa hei. Anmani Pathen tapek hei serângdâr an-inchoia, thle-en sira khan kangira ka-om hei,

³anmani’n kemōngte leh Pathen sōkpa, Moses hla kha, ansak a ka-om hei: “Akahratpen Rōngpu Pathen, naṭōn tlohei hi heituk-hrep a a’nlak a akalenhei mo! Jât rakip Rengpa, nahlamhei hi heituk-hrep a akadik a a’ntlun hei mo!

⁴Rōngpu, tu’n mo nang aṭitmak sik che? Nalenna kaphông sik tu mo akada sik? Nang rōk a’ntheng che kae. Jât rakip na-ânga kahong sik hei khana anhong kamuk sik che, ajârchu mi rakip in naṭōn kadik anhmua kae.”

⁵Hivasōa marvân chunga Rabuk Intheng omna bek-inn kot inhlang kha kahmu.

⁶Bek-inna inphut hrise 7 kanei ngeva 7 heikasōk hei, anmani kha hruipōn innem neng akachek-hlak vâng inret hei, an-ôp a sana khōnkir an-inkira kae.

⁷Khava pha akahring ranhring 4 hei kâra inkhat in ngeva 7 hei hneng khan are-rea akahring ṭhak, Pathen hnuk natna kasiptak sana thlengkam 7 kha apek jo hei.

⁸Pathen ratha hratna leh lûrna inphut bek-inn kha hmeikhu kasiptak jo, khana ngeva 7 he’n hrise 7 heichoi kha a’nchaimak kârseng bek-inna khan tûte hlut tor mak a kae.