Read Komrem ṬONGPHÔNG 20 Bible Online

ṬONGPHÔNG 20 - Komrem bible

ṬONGPHÔNG 20

¹Khava sōa marvâna inphut ngeva inkhat in adongna kase dôpkhur chabikir leh thirhrui kahriktak ajōng choia ajōng kaṭum ke’n kahmu.

²Ama’n hmalaia mari rihren kha asur jo, khavakha Diabol a-emak leh Seitan kha kae, kum 1,000 sik a akhit joa kae.

³Kum 1,000 atluk mak kârseng jât-hei, ahōn mathlâk hêrmakna sik, ngeva khan adongna kase dôpkhur shunga ahlon manhlut a, chabi akirsia achîkna akatatsi joa kae. Khava sō leh pha bongkhat masō akachang nôk sik kae.

⁴Khava sōa len in-ongna hei leh achunga a’n-ong hei kha ṭong tanna sik ratha antapek hei kha kahmu. Khan nôk chu Jesu tamalârsōt ṭongdik leh Pathen ṭong jâra antathat hei rathla kha’m kahmua kae. Anmani’n ranhring limsyem kha leikamuk mak hei, khan chu achîkna kha’m anmachea achanga ankut chunga achanga mazet mak hei. Anmani’n kum 1,000 Christa leh reng kapōa vai antarônsap sik a hong kahringsōt hei.

⁵(Akathi alak-hei khachu kum 1,000 athlengmak kârseng akahringsōt mak sik hei kae.) Hivahi akathihei hringsōtna hma-inkei kha kae.

⁶Hiva akathi hma inkeia hringsōtna kachen hei kha mikahōihei leh mahâm kaṭha hêr hei kha kae. Vōihni tlukna thina khan anchunga ratha heite neimak jo; anmani Christa leh Pathen thempu kachang sik jo hei, khan chu kum 1,000 ama leh inṭhōia vai antarônsap sik kae.

⁷Kum 1,000 athlengsō pha, Seitan kha a’nkhumna inphut heimasō sōt sik kae.

⁸Khana vânhnōi raleia a’nchekchai hei kahōn inthla sik a ama se inphut sik, khahei kha Gog leh Magog kae. Seitan khan re katuk sik a tui-ôngpui panga, nêrdi ja mi aheiṭhōi mantûp sik hei.

⁹Pathen in alungset amihei leh khōpui kha anmani’n ankatōm sik a kha raleichung hmun rakip antahlōsō hêr sik kae. Achang ravâng marvâna inphut hmei jōngkasōk a anmani asuk manhmangsō jo hei.

¹⁰Khava pha mikahōn inthlapa, Diabol kha kât kakâng hmei dîr shunga anhlon manhlut jo, khava hmun a khan ranhring leh sânkathem inhlem hei khachu aleika-omsa jo hei kae; khana khan asûn-ajâna khōdengthei are-rea mande sik jo kae.

¹¹Khava sōa len in-ongna kachek akalen leh achunga a’n-ong mi inkhat ke’n kahmu. Ahmai kunga inphut marvân leh ralei katlânsōt heia inhmu mak jo hei.

¹²Khana akasin leh akalen in-ang et a akathihei kha len in-ongna hma akangir hei kahmu. Lekharabu hei anphon, khan chu hringna lekharabu ahlop inkhat um anphon. Lekharabu shunga ale’nzet kapōa, an-omchen leitlo dungjuia, akathihei kha ṭong anleitan.

¹³Khava pha tuipui in ami kathihei kha ahei pek sōt. Thina’n khana kathikhō khan akathi anta leida hei kha anheipek sōt hei. Anṭōntlo dungjuia ankhengpet a anṭong antana kae.

¹⁴Thina leh thina ralei kha hmei dîr shunga anhlon manhlut jo hei. (Hiva hmei dîr hi vōi 2 tlukna thina kha kae.)

¹⁵Tu achang inum hringna lekharabu shunga arahming aka-om mak mi khachu hmei dîr shunga anhlon manhlut jo hei.