Read Komrem ṬONGPHÔNG 4 Bible Online

ṬONGPHÔNG 4 - Komrem bible

ṬONGPHÔNG 4

¹Hiva chungchânga hin marvân kot inkhat a’nhlânga hmangtalâr inkhat ke’n kanei. Khana pengkun mahring rasa kapō inkhat kathei, hma inkeia kahnenga ṭong ajōng kahri khan, “Kahnenga hin hong roh, hnunga ahong kasōk nger sik kha ke’n manhmu che rong,” atia kae.

²Inrangtak a Rathla taṭhōi inkhat a kei leika-om jo eng. Marvân chunga len in-ongna inkhat ka-oma len in-ongna chunga khan mi inkhat in-onga kae.

³Khava len in-ongna chung kimvea emerald machu saisûm in akake khuma, achunga a’n-ongpa hmaisō kha jasper leh carnelian hlung mankatam ra-âng kapōa ka-anga kae.

⁴Len in-ongna kimvea alak len in-ongna 24 pōn bang kasi, sana lenlukhu inkhu upahei in-ong heia kae.

⁵Khava len in-ongna inphut a khan khō inphea, khōjang kapōk a, khō inria kae. Khahei kha Pathen rathla 7 hei kae. Len in-ongna hmaikunga khan hmeiser 7 kavâr hei.

⁶ Khana len in-ongna hma khan, crystal kapōa a’ntheng thle-en tuipui inkhat aka-ang ka-om. Khava len in-ongna kimve rakira, ankahnung anhma anhmit he’n akatōm ranhring 4 ka-om hei.

⁷Hma inkeipen ranhring kha shabakkai apō; 2na khan sehratche apō; 3na khan mihring hmai apō; khana 4na khan hmurai apōa kae.

⁸Khava ranhring 4 hei kha inkhat et in mathla 6 sâm annei, ashung avâng hmit he’n akatōmbit heia kae. Sûn leh jân bânglo jena hla ansak: “A’ntheng, a’ntheng, a’ntheng, Rōngpu Pathen Akahratpen kha kae, aleika-om, aka-om, alaka-om sik kha kae.”

⁹Ranhring 4 hei kha’n kumleikōa akahring ṭhak len in-ongna chunga a’n-ongpa hneng choi ka-ânna, kajana, manpâkna hla ansak a kae. Khanga ansak pha,

¹⁰upa 24 hei kha’n, kumleikōa akahring ṭhak, len in-ongna chunga a’n-ongpa hmaikunga inkun heia ankamuk a kae. Len in-ongna hma khan anlen lukhuhei anhlik mathlâk a,

¹¹“Kan-Rōngpu leh kan-Pathen! Lûrna leh kajana, khana ratha hratna kachen sik a narahōi kae. Ajârchu nang in heirakip nasyem, khana nalungdoa hringna leh hringkhō napek heia kae,” anti.