Read Konkomba Matiu 6 Bible Online

Matiu 6 - Konkomba bible

Matiu 6

¹“Ni choom niba ki laa ŋaan tibuchinn bininfob bu, ni ŋa man wee bin kan ki pag ni. Ni tun man ke naa yin kan niba a yɔr ni Baa wan be paab ban ni.

²“Ni ye a yin pu bilanjiim ipiin ke, a laa mɔɔn ke bilinlarib kaah ŋaan man tiwonjiɛndirin, nin isanjal bu ke bininfob n kan bi toon ŋan wee ki pag bin ni. Ibamɔn le n bei ni nan, bi pii ga bi yɔra.

³Amaa ni ye a pu ulanjiin ke, laa che a nɔɔgam li nyi a nɔɔjiim kaah tun nan ni.

⁴Le a piin nmɔn li ye liwoolin. Wee a Baa wan ga nan ŋaan liwoolin nan, na li yɔŋ.

⁵“Ni ye a miɛ Uwonbɔr ke, a laa miɛ ke bilinlarib kaah tun man nin ni, nan bu-n bi ban bi li si tiwonjiɛndirin le, nin kitiŋ poolin a sanjali bu, ke bininfobin kan bi. N bei ni ibamɔn le, bi ma gaa bi yɔr ki gbeeu.

⁶Amaa ni ye a miɛ Uwonbɔr ke, a kɔɔm a diigin ki loon linaanganl, wee ki miɛ a Baa Uwonbɔr wan gbir tibɔr woon kaarin, wee un yɔŋ.

⁷“Le ni ye a miɛ Uwonbɔr ke, a laa jabin ke ban kaa jɔɔ Nween ni kaah ŋaan man ni ni, bi tiɛr ke bi miɛm takpem nmɔn le yin che Uwonbɔr ngbir.

⁸Ni laa be ke baah be man nmɔn ni, nan bu-n ni Baa Uwonbɔr pii nyi nan wee ni ban, ke naa la miɛ wi.

⁹“Naah li miɛ Uwonbɔr man sɔ: ‘Ti Baa wan be paab, che a yinl li be kasi,

¹⁰che a naamin foon, che a bam nŋa dulinya nan yaan, ke naah ŋaan paab man ni.

¹¹Sei ti dinan a jiir.

¹²Jiɛn ti bir ki per ta. Ke ti mu kaah jiɛn per ti pɔndam man ni.

¹³Ki laa liin ti ki kɔɔn libiginlin ni, amaa wee ki nyan ti titoonbirdaan a nɔɔn.’

¹⁴Nan bu-n ni ye ni jiɛn ni tab a bir ki per bi ke, ni Baa Uwonbɔr wan be paab nan mu li jiɛn per ni.

¹⁵Amaa naa jiɛn per ni tab bi bir ke, ni Baa Uwonbɔr mu kaa yin jiɛn ni bir ki per ni.

¹⁶“Ni ye ni lol imɔɔŋ ke, ni laa bii ni num paam ke bilinlarib kaah ŋaan man nin ni, nan bu-n bi ti bii bi num paam le, ke bininfob biɛn n kan ki biɛ ke bi lol bi mɔɔŋi le. N bei ni ibamɔn le, bi pii gaa bi yɔra.”

¹⁷Amaa ni ye a lol bimɔb ke, a ŋunn a num paama ki ta nkpam ki ŋa a yul;

¹⁸wee ni laa che bininfobin biɛ ke a lol bimɔbi, amaa a Baa wan wee baa ga win a binba, nin a Baa wan ga liwoolin ni, le li yɔŋ.

¹⁹“Laa jɔɔ a jɔɔm ki woog dulinya nan yaan ni, nan yaan wee ikootug nin gamlali nin ndundum li mɔɔ ki bii mi; bee binaayigib na li kɔɔ ki su.

²⁰Amaa ta a jɔɔm ki woon paab, nan yaan wee ikootug nin gamlali kaa li fir bii, bee binaayigib kaa li fir kɔɔ su.

²¹Nan bu-n, nan yaan wee a jɔɔm be-n a potiɛl mu be niin le.

²²“Linunbil le ye tigbanann a fila. Ni ye a numbili ŋan ke, a gbanann biɛn yin ye nwonween le.

²³Amaa ni ye a numbil kaa ŋan ke, a gbanann biɛn yin be libunbɔnlin le. Mambu ni ye nwonween man be a ni-n nan bɔŋ ke, ni yin ye libunbɔnl takpenl le!

²⁴“Uba kaa li fir ki tun ki tenn biyudam bilee. U yin nan uba le ki sin jiɛ uba; bee u baga yin be uba ni le kaa sin gar uba paami. Naa li fir jiɛn Uwonbɔr nin iligi.

²⁵“Mambu n bei ni le, ni laa che ni mugir ni limiɛfol bu, nin naah li ji nan bee naah li nyu nan bu; bee ni gbanann ni, naah li yee nan bu. Limiɛfol kaa ŋan jon tijiiraa, le tigbanann kaa ŋan jon tiwann yeewann naa?

²⁶Lig nnɔɔm man laan paab nan; baa bu; bi mu kaa ji chiɛ ki ŋaan tinaapɔrin ni, amaa le ni Baa wan be paab nan jin bi. Naa jɔɔ tinyɔɔr ki jon nnɔɔm maa?

²⁷Ni ŋma a binbem mug u wee u li fir fɔbig u miɛfolaa?

²⁸“Babu wee ni mugir ni ba tiwann yeekaar buu? Lig tikpentunn tan be nkpenn nan a puum, taa tun ni, ki mu kaa loo tiwann yeekaar ki tenn tiba.

²⁹Amaa n bei ni le ke, ubɔr Solomɔnn kaah le nan jɔɔ u wan yɔɔ ŋan tan biɛn ni, waa nan nyi ki yee u wan yeeg wee ki ŋan ke tikpentunn a puumi.

³⁰Ke ni ye Uwonbɔr li ŋaŋir tikpentunn tan be dinan, wee bin won nyɔɔ ti nŋmi nan, le kaa li fir yeen nim maa? Nim ban a yada par nan!

³¹“Mambu, ni laa che ni mugir ni wee ni tiɛr ke, ‘N yin ji baa,’ bee ‘N yin nyu baa,’ bee ‘N yin yee baa ni?’

³²Ban kaa ye Juu yaab n ti mugir bi potiɛl ni niɛ nan biɛn bu le; amaa ni Baa Uwonbɔr wan be paab nan pii nyi ke ni ban ni niɛ biɛn.

³³Amaa ni chinn ban U naamin nin U buchinn binbemin na, le u li ta ni niɛ biɛn ki sei ni.

³⁴Mambu, ni laa che ke won a bɔr mugir ni, lidaal biɛn jɔɔ libɔmug kaar lan kpaan li le.