Read Konkomba Rom 16 Bible Online

Rom 16 - Konkomba bible

Rom 16

¹N pag ti ninsa Fiibi wan tun Uwonbɔr a toon Sechariya a wonjiɛm a laguŋin sei na.

²N bei ni le ke u dan ke ni gaam u ke naah kpaan Uyudaan a ninfob li gaan bi tab man Uyudaan a yinl bu, wee ki ter u waah li ban literil lan ni ban, nan bu-n u ter bininfob takpem pam, nin min gbaa tɔɔl.

³Poor Pirisila nin Akula, ban ye n toon tun tab Yisa ni-n.

⁴Bi nan ta bi miɛfol ŋa kidaŋin le min bu. Naa ye n yaa binba amaa biwonjiɛm a laginn ban kaa ye Juu yaabin biɛn a pool sɔɔn bi bu.

⁵Poor biwonjiɛm a laguŋ ban lagin tab bi niin yin nin mu. Poor n jɔ kpaarimɔɔn Epenetusi, wan nan chinn ŋa Masiya yada Asiya a yerin nin.

⁶Poor Meri wan nan tun itoon takpem ki ter ni-n.

⁷Poor Anduroniku nin Juniɛsi ban ye n bol yaab ki ji ye n loondiig kɔɔn tabin. Bi jɔɔ liyinl Masiya a tooi yin ban, bi nan chinn ŋa Masiya yada nin ma.

⁸Poor Ampilatusi, wan wee n jiɛ Uyudaan ni-n.

⁹Poor Uribanusi, wan ye ti toon tun kpiɛg Masiya ni-n, nin n jɔ kpaarimɔɔn Sitachisi.

¹⁰Poor Apelesi, wan a binbem wee bi mag lig ki miin u si bogiliba Masiya ni-n. Poor Aritobulusi a niin yaab biɛn na.

¹¹Poor Herodiyon, wan ye n bol a ninfou win na. Poor Narisisu a niin yaab ban be Uyudaan nin ni-n na.

¹²Poor Tirafena nin Tirafosa, bipiib ban tun itoon nin linunmanl ki sei Uyudaan nin na. Poor n jɔ kpaarimɔɔn Perisi, upii wan mu ji nan tun itoon nin linunmanl ki sei Uyudaan nin na.

¹³Poor Rufusi, wan ye uninfo gann kaa Uyudaan nin, nin u na wan ye min tɔɔl a na-n na.

¹⁴Poor Asinkiritusi, nin Filigonn, nin Hemesi, nin Patirobasi, nin Hemasi, ki nin kpiɛ n nabum ban be bi ban nin na.

¹⁵Poor Filogusi, nin Juliya, nin Neresi nin u ninsa, nin Olimpasi, ki nin kpiɛ biwonjiɛm ban be bi ban nin na.

¹⁶Ni poor tab nin jilimau. Biwonjiɛm a laginn nin biɛn poor ni.

¹⁷N nabum, n balin ni le, ni li dibir bininfob ban jɔɔ nbɔgirim chaan ki nan legin ni samin wee naa chee sei nwɔɔm man wee ni tinn nin. Ni li lɔg ba.

¹⁸Bininfob nmɔn a booli kaa tun tenn ti Yudaau Masiya, amaa bi tun bi tɔɔl a kɔlisa bu le. Bi jɔɔ kulandiiŋ nin nmɔmɔm le ki lar bininfob ban a lam par bi-n.

¹⁹Bininfob biɛn gbir limɔcheel lan wee ni jɔɔ-n buu, ni bu che ni mɔm le takpem ni bu; amaa n ban ni che ni num li ween le niwann nan ŋan bu, wee ki laa che ni nɔɔ be titoonbirin ni.

²⁰Nposɔɔn daan Uwonbɔr li taah Sintani ki mar ni taatum ke naa yuuri. Ti Yudaau Yisa a nyunyunbasanl li be nin ni.

²¹Timoti, wan ye n toon tun kpiɛgin, poor ni, le Lusiɛsi, nin Jasonn, nin Sosipata ban ye n bol yaabin mu poor ni.

²²Min, Teritusi wan kpiɛ Pɔɔl wee ti sɔb kugbɔŋ nan poor ni Uyudaan a yinl bu.

²³Gayɔsi, wan gaa min nin biwonjiɛm a laguŋin biɛn kuchɔŋin wee ni mɔ ti-n poor ni. Erasitusi wan ye kitiŋ poolin a lig ŋmagir win, nin ti nabig Kuratusi poor ni.

²⁴[2] Ti Yudaau Yisa Masiya a kaar li be ni biɛn nan bu. Ibamɔn.

²⁵Daandaan nan che ti pag Uwonbɔr wan fir ta ni siin tibɔŋann nin bu nin maah mɔɔn Yisa Masiya wan nin bu, ki ta jiin tibɔkpiirikaar tan nan woo hali yaayoo-n nin,

²⁶amaa daandaan nan ti kpiir ki dɔ npaan nin le, ilinlen leen a sɔbimin yaan, le Uwonbɔr wan kaa jɔɔ diɛm nan a siimin bu, wee ibol biɛn nŋa U yada ki chee U mɔb,

²⁷ni pagim Uwonbɔr wan a binba ye ulandaan nan, hali nin n-yonn man kaa jɔɔ diɛm! Ibamɔn.