Read Konkomba 1 Korenti 13 Bible Online

1 Korenti 13 - Konkomba bible

1 Korenti 13

¹Ni ye n pag bininfosaalib a leen nin Malakam a leen, amaa wee kaa jɔɔ njiɛm ke, n nann kileŋ le bee libulonl ki mɔr yɔli.

²Ni ye n jɔɔ ilinlen leen a piini, ki fin biɛr tibɔwoonkaar biɛn, ki jɔɔ nbiɛm biɛn, hali ki jɔɔ yada kan wee n li fir pag wee ijɔɔ nfii, amaa wee kaa sin jɔɔ njiɛm ke n ye yɔli le.

³Ni ye n ta maah jɔɔ nan biɛn ki sei faladam, hali ki nan ta n gbanann sei bin nyɔɔ nŋmi wee kaa sin jɔɔ njiɛm ke, maa jɔɔ tinyɔɔri.

⁴Njiɛm ye limɔril le, tininforin le ye njiɛm, maa ye lipiiponli, maa ye ligbingbanl faali, maa ye kalanbaani.

⁵Njiɛm kaa ye wɔɔnimba, kaa ye kujaŋuuŋi, kaa ji ye kiŋuufiiŋ yɔli yɔli, kaa sɔb tibɔbir bilig sufu ni.

⁶Njiɛm kaa ye li jɔɔ npopeen a kpiɛg a toonbir bu amaa ibamɔn nin bu le ni mɔ ni.

⁷Mi guu iyoo biɛn le ki ye gaa ji iyoo biɛn, ki ye tama iyoo biɛn ki jɔɔ limɔril iyoo biɛn.

⁸Njiɛm kaa wiiri. Amaa ilinlen leen na li diɛ; le ileen pɔɔn a pagim na li jo, le nbiɛm a tarig na li kpaa.

⁹Ti nyi tibɔr nmɔn wama le, ti pag ilinlen leen wama le.

¹⁰Amaa nnyinyin man gbeen nin nan dan ke, nnyinyin man kaa gbeen nin biɛn li fɔɔr.

¹¹Maah nan ye kibigin, n nan pag le ke kibigin, ki tiɛr ke kibigin, ki biɛr ke kibigin, amaa maah nin nan gbee uninfo nan n ta linaakpaanlin le ki jaa.

¹²Daandaan nan ti ga amaa nin nann taah lig niɛnu le, taa ga nbamɔmi; amaa n-yonn chaan le ti na li kan nbamɔm nin nnumbim. Daandaan nan n nyi wama le amaa n-yonn chaan le n na li biɛ ni biɛn ke Uwonbɔr kaah nyim biɛn man ni.

¹³Daandaan nan tiwann titaa nan le be, ti ma ye Yada, Tama nin Njiɛm, amaa njiɛm mu le jon ni biɛn.