Read Konkomba 1 Timoti 2 Bible Online

1 Timoti 2 - Konkomba bible

1 Timoti 2

¹Chinchinn, n bei ni le ke, ni li miɛ Uwonbɔr ki tenn ni ba, ki li miɛ u ki tenn ni kpiɛtiib, ki li tenn Uwonbɔr kunɔɔpoog bininfob biɛn buu,

²ki li miɛ ki tenn bibɔrtiib nin biyudam biɛn wee ti fir be soon nin nposɔɔn ki li jɔɔ nwonjiɛn binben ki li be kasi.

³Ni niɛ le ŋan, ki gbee Uwonbɔr wan fee ti gabin a num,

⁴wan ban bininfob biɛn n kan feegab wee ki biɛ nbamɔmin.

⁵Nan bu-n, Uwonbɔr ye uba le, le usandanfaar mu ye uba ki be Uwonbɔr nin bininfob a sisiigin, uja nmɔn le ye Masiya[2],

⁶uma nan ta u miɛl ki daa bininfob biɛn, Uwonbɔr kaah nan pag siɛra kan ni a yoo dede.

⁷Ni niɛ nan bu le Uwonbɔr gannim ki ŋaam wan mɔɔn nin ntoon. N pag ibamɔn le, maa por tibɔkari, ki ye wan wɔɔn ban kaa ye Juu yaab yada a bamɔn.

⁸N ban bijab kaah be nan yaan biɛn ndon bi kasi a nɔɔi ki miɛ Uwonbɔr, wee ni laa jɔɔ sufu fiiŋ bee limɔkpeli.

⁹N mu ji ban bipiib n yee tiwann yɔɔr tan ŋan ki nɔɔn bi le, tan kaa jɔɔ igalin, bee ifa a yukper loli, bee salima bee nlanbim bee tiwann yɔɔr tan jɔɔ kudaapɔɔrugi,

¹⁰amaa wee ki li tun nan ŋan na, ni ma ŋan ki sei bipiib ban ke bi jiɛn Uwonbɔr.

¹¹Upii ye un tinn le ki li be soon nin limɔcheel.

¹²Maa sei upii npaan ke un wɔɔn ni bee u li jɔɔ npɔɔn ki jon uja, u ye u li ŋmin le.

¹³Adam le bi nan chinn naan, le ki nin naan Iif.

¹⁴Naa ye Adam le Sintani nan lari, upii le Sintani nan lar le u labir tibirdaan.

¹⁵Amaa bipiib li kan feegab, nin baah le maa nbuwaab nan biɛn na, ni ye bi le la si bi yada bu ki jɔɔ njiɛm nin kasi a binbem ke.