Read Konkomba 1 Jɔnn 1 Bible Online

1 Jɔnn 1 - Konkomba bible

1 Jɔnn 1

¹Wan nan be npiinimin, wee ti gbir u bu-n, wee ti num kan win, le ti lig u, hali ki ta ti nɔɔi maa win, uma le ti mɔɔn ki jiin u paam ke u ye limiɛfol a mɔbonl le.

²Limiɛfol nmɔn degirin na; ti kan limiɛfol nmɔn ki jin li siɛrau, limiɛfol lan kaa jɔɔ diɛm nmɔn a bɔr le ti pag ki tenn ni nan, lan nan be Baa-n ban nin, li degirin ti buu.

³Ti bei ni nan wee ti kan ki sin gbir le, ke nin che ni mu li jɔɔ nɔɔ nin tab nin tim. Le ti nɔɔ nin tab nmɔn be ti Baa Uwonbɔr nin U big Yisa Masiya ban le.

⁴Ti sɔb ni niɛ nan ki tenn ni, ke nin che ti li jɔɔ nmɔn biɛn.

⁵Tibɔr tan wee ti gbir u ban sɔ, le ti bei ni nan: Uwonbɔr ween le; libunbɔnl kaa be U ban kolibi.

⁶Ni ye ti ke ti jɔɔ nɔɔnintab nin Uma le amaa le ki la choon libunbɔnlin ke, tibɔkar le ti por nmɔn taa be nin ibamɔn ni.

⁷Amaa ni ye ti choon nwonween nin, a li ke waah be nwonween nin man nin ke, tim nin nim jɔɔ nɔɔnintab, le Yisa wan ye U Bija-n a cham li ŋunn ti biɛn nan a bir.

⁸Ni ye ti ke taa jɔɔ tibir ke, ti lar ti ba le, le ibamɔn kaa be ti ban ni.

⁹Ni ye ti nyan ti bir ki bei u ke, u ye yada daan le ki tun nan ŋan, u li jiɛn ti bir biɛn ki per ti, ki ŋa ti kasi ki nyan ti ta kaa jɔɔ buchin binben biɛn nin.

¹⁰Ni ye ti ke taa jɔɔ tibir ke, man ke ti ta Uwonbɔr le ki ŋa tibɔkardaan le U mɔleen yin kaa be ti ban ni.