Read Konkomba Tibɔkpiirkaar 15 Bible Online

Tibɔkpiirkaar 15 - Konkomba bible

Tibɔkpiirkaar 15

¹Le n ji nan kan ligaril a siɛra lanpolig paab: Ki miin malakam bilile ŋmag imag a booli ilile yan yin joorin, nan bu i yin joorin, i bu le Uwonbɔr a ŋuufiiŋ ndiɛ.

²Le n kan niba le ni nann limɔgil lan ween ke niɛnu-n ki ŋmar nin nŋmi, le ban kɔn ki nyaŋ kuwanbiigin nin kuwanbiig a nunaŋin nin u yinl a kanlin kaah si tab limɔgilin ki ŋmag tibiɛr tan wee Uwonbɔr sei bin,

³le ki gaa Moziz a Wonbɔru a toontunnu nin Kipeebigin a lai-n: “A ŋaar ye tiŋaar gbingbem le nin ligaril, Uyudaan Uwonbɔr Npɔɔn biɛn daan. A sam ŋan le ki ye ibamɔn, Fin le ye iyaayoo a bɔru

⁴Ŋma kaa na li saŋa, Uyudaan aa, le ki ta kupag ki sei a yinlaa? Nan bu-n a binba le be kasi. Ibol biɛn na li dan ki nan jiɛniŋ a nintogil, nan bu-n a buchinn toon-yin kpiira.”

⁵Ni bɔɔn bu le n lig ki miin paab a wonjiɛn niin yan wee bi yi ke kuwonjiɛn nanboŋ wee ki ye siɛra-n choo loora.

⁶Le malakam bilile nyan iwonjiɛn niin nmɔn yaan ki ŋmag imag ilile-n. Bi nan yee itan a wan yɔɔr tan nyagin ki be chasi, ki ta salima a changban ki lol paan bi gbingban bu.

⁷Le tiwann naan wan tan fo tina-n a ni uba ta salima a yir tilile tan gbee nin Uwonbɔr wan be wee ki li gbaa be kaa jɔɔ kumin a ŋuufiiŋin ki sei malakam bilile nmɔn.

⁸Le Uwonbɔr nan che U pag nin U pɔɔm a kpinnyir nan kɔɔ ki gbeen iwonjiɛn niin, le uba kaa ji nan fir kɔɔ iwonjiɛn niin nmɔn yaan nin hali nin malakam bilile ban ŋmag imag ilile-n kaah nan nan diɛ.