Read Konyak Naga KAHTAMYENGHAN 36 Bible Online

KAHTAMYENGHAN 36 - Konyak Naga bible

KAHTAMYENGHAN 36

¹Tüolan-a Esau huhayimlan, üne-o Edom she-o nyiknang.

²Esauwe Kananlan hayim mepu yoi shekonyu ne yah; Hitlan Elon üha Adah; hüyange Hivlan Zibeon üha Anah üha Oholibamah;

³hüyange Ishmael üha, Nebaioth ünao Basemath yah.

⁴Hüyange Adahwe Esaute Eliphaz puhtam; hüyange Basemath te Reuel puhtam;

⁵hüyange Oholibamah-e Jeush, Jalam, hüyange Korah puhtam. Tüolan-a Kanan kahtok me Esau te puhtampu netan hayim.

⁶Tüophei me Esauwe yoi shekonyulan yoi hayim sheko hei netanlan, hüyange nok me ngohpu kahtalan khongkümpu phei jamme yoi jing mahu ükhong, hüyange Kanan kahtok me lye linge yah-e ngai okpu moth khongkümpu yahyange Inao Jacob mepu yanne ülao kahtok te tai.

⁷I yanne tai, hangjingne ima-a ümeken kahmük me I hüyange Jacob nyoiye ngoh, tüopa kahmük-e iman yeshang ok; iman me tampu yinmoklan loishe ngoh, hüyange shaaji jam she nyoipu ye-okpe ngai.

⁸Tüokhei Esauwe phaotang kahtok Edom me chingnyoi.

⁹Tüolan-a Seir kahtang me ngohpu Edomlan üpa Esau huhayim:

¹⁰Tüolan-a Esau hayim min: Esau sheko Adahwe Eliphaz puhtam; Esau sheko Basemath-e Reuel puhtam.

¹¹Eliphaz hayimlan: Teman, Omar, Zepho, Gatam, hüyange Kenaz.

¹²Hüyange Esau üha Eliphaz phongphenyu Timna ngoh yangki; hüyange yhawe Eliphaz te Amalek puhtam; tüolan-a Esau sheko Adah hayim:

¹³Reuel me naoshe peli ngai: Nahath, Zerah, Shammah, hüyange Mizzah. Tüolan-a Esau shekonyu Basemath hayim.

¹⁴Hüyange Zibeon üha Anah yhala Oholibamah Esau shekowe, yhawe Esaute Jeush, Jalam, hüyange Korah puhtam.

¹⁵Tüolan-a Esau mepu jalunpu nokphonglan: Esau mepu üwangpa ha Eliphaz-tüolan nokphong pajeiyong ne meng. Teman, Omar, Zepho, Kenaz,

¹⁶Korah, Gatam, hüyange Amalek. Tüolan khongkümpu Esau sheko Adah huhayimlan ngohnang.

¹⁷Esau üha, Reuel-a tüolan nokphonglan pajeiyong ngohnang: Nahath, Zerah, Shammah, hüyange Mizzah. Tüolan-a Edom kahtok me Reuel nokphonglan. Tüolan khongkümpu Esau sheko Basemath huhayimlan ngohnang.

¹⁸Tüolan nokphonglan, Esau sheko Anah yhala Oholibamah mepu jalunpu ngohnang: Jeush, Jalam, hüyange Korah.

¹⁹Tüolan nokphong khongkümpu Esau (Edom) mepu jalun yangki.

²⁰Hor mepu Seir hayim, tüopa kahmük chingpuhulan hatüo: Lotan, Shobal, Zibeon, hüyange Anah,

²¹Dishon, Ezer, hüyange Dishan; tüolan-a Seir üha Horlan Edom kahtok me ngaipu üshanglan.

²²Lotan-a Hor hei Heman puhu pajeiyong ne ngohyangki. Hüyange Lotan ünao shekonyu Timna ngoh yangki.

²³Shobal-a Alvan, Manahath, Ebal, Shepho, hüyange Onamlan puhu pajeiyong ne ngoh yangki.

²⁴Zibeon me naoshe ni, Aiah hüyange Anah ngoh. Tüopa Anahwe Ipa gadolan yomwante phao me yeng üshem ngaipu yengpeiwo tüo.

²⁵Anah hayimlan tüolan ngohnang; Dishon hüyange Anah üha Oholibamah.

²⁶Hüyange Dishon hayim tüolan; Hemdan, Eshban, Ithran, hüyange Cheran.

²⁷Ezer-a Bilhan, Zaavan, hüyange Akanlan puhu pajeiyong ngoh nang.

²⁸Dishon-a Uz hei Aran puhu pajeiyong ngoh nang.

²⁹Tüolan-a Edom kahtok me Horlan nokphong ngoh nang; Lotan, Shobal, Zibeon, Anah,

³⁰Dishon, Ezer, hüyange Dishan: Seir me ngohpu nokphong japhei me ja ngenang.

³¹Tüolan-a Israel tangme üne-o aowe-o man-ahng wante, Edom kahtok me jeileiye wanglam lampu Ahngpalan ne ngoh.

³²Beor üha Bela Edom me Ahng ne meng; hüyange I jing chingnyu minna Dinhabah.

³³Bela li, hüyange Bozrahlan Zerah üha Jobab I nanleiye ahngne meng.

³⁴Jobab li, hüyange Temanlan kahtok mepu Husham-e I nanleiye ahngne meng.

³⁵Husham li, hüyange Bedad üha Hadad, aowe Moab kahmük me Midialan nao, I nanleiye ahngne meng; hüyange I jing chingnyu min Avith ngoh yangki.

³⁶Hadad li, hüyange Masrekahlan Samlahwe I nanleiye ahngne meng.

³⁷Samlah li, hüyange Euphrates ü-o me Rehoboth lan Shaul-e nanleiye ahngne meng.

³⁸Shaul li, hüyange Acbor üha Baal-hanan I nanleiye ahngne meng.

³⁹Acbor üha Baal-hanan li, hüyange Hadawe I nanleiye ahngne meng; hüyange I jing chingnyu min Pau ngohyangki; hüyange I sheko min Mehetabel, Matred üha hüyange Mezahab ühu.

⁴⁰Tüolan-a Esau mepu ngaipu pajeiyonglan, iman nokphong lili me, iman ngohpu nyoi lili me, hüyange iman min lili me tüo ngoh nang; pajeiyonglan Timna, Alvah, Jetheth;

⁴¹Oholibamah, Elah, Pinon;

⁴²Kenaz, Teman, Mibzar,

⁴³Magdiel, hüyange Iram; tüolan iman ngohpu nyoi lili me iman me nangpu kahtok me, Edom pajeiyonglan. Tüowa Edomlan üpa Esau.