Read Konyak Naga KAHTAMYENGHAN 5 Bible Online

KAHTAMYENGHAN 5 - Konyak Naga bible

KAHTAMYENGHAN 5

¹Hatüowa Adam huhayimlan jeng nyan pu. Aope Kahwange kahtanyuha linge ngai, lye I yoi lepu me ling.

²Iye netan hei sheko iman ling, hüyange Iye iman moiman tam, hüyange aope iman linge sho “Kahtanyuha” she mintam.

³Aope Adam wangpeng gho ja phei me delüm ngoiyapeih, I kih-e I lepu me netan naha ja tüo, hüyange Ite Seth she min.

⁴Hüyange Seth puhyange Adam wangpeng gho tet ngoiye jin ngoh, hüyange I me ülao naoshe hei naoyhalan-o ngoh.

⁵Hüyange Adam wangpeng gho tu phei me delüm ngoh yange I li.

⁶Aope Seth wangpeng gho ja phei me nga ngoh I mepu netan ja, Enosh ngai;

⁷hüyange Enosh puhyang phei me Seth wangpeng gho tet phei me nyit ngoh, hüyange I me hayimlan üne-o ngoh.

⁸Hüke Seth jin khongkümpu wangpeng gho tu phei me pen me ni ngoh, hüyange I li.

⁹Aope Enosh wangpeng detu ngoi, I mepu Kenan ngai.

¹⁰Kenan puhyang phei me Enosh wangpeng gho tet phei me pen me nga ngoh, hüyange I me hayimlan üne-o ngoh.

¹¹Hüke Enosh jin khongkümpu wangpeng gho tu phei me nga ngoh; hüyange I li.

¹²Aope Kenan wangpeng denyit ngoi, I me netan ja Mahalalel ngai.

¹³Mahalalel puh yang phei me Kenan wangpeng ghotet phei me deli ngoh, hüyange I me hayimlan üne-o ngoh:

¹⁴Hüke Kenan jin hipak wangpeng gho tu phei me pen ngoh, hüyange I li.

¹⁵Aope Mahalalel wangpeng dewok me nga ngoi, I mepu Jared ngai.

¹⁶Jared puhyang phei me Mahalalel wangpeng gho tet phei me delüm ngoh, hüyange I me hayimlan üne-o ngoh.

¹⁷Hüke Mahalalel jin hipak wangpeng gho tet phei me detu me nga ngoh, hüyange I li.

¹⁸Aope Jared wangpeng gho ja phei me dewok me ni ngoh, I mepu Enokh ngai.

¹⁹Enokh puh yang phei me Jared wangpeng gho tet ngoh hüyange I me hayimlan üne-o ngoh.

²⁰Hüke Jared jin hipak wangpeng gho tu phei me dewok me ni ngoh; hüyange I li.

²¹Aope Enokh wangpeng dewok me nga ngoi, I mepu Methuselah ngai.

²²Methuselah puhyang phei me Enokh-e Kahwang phei wangpeng gho lüm kem, hüyange hayimlan üne-o ngoh.

²³Hüke Enokh jin hipak wangpeng gho lüm phei me dewok me nga ngoh.

²⁴Enokh Kahwang phei kem, hüyange yenangpe mah, hangjingne Kahwange I yah-e tei.

²⁵Aope Methuselah wangpeng gho ja phei me detet me nyit ngoi, I mepu Lamekh ngai.

²⁶Lamekh puhyang phei me Methuselah wangpeng gho nyit phei me detet me ni ngoh, hüyange hayimlan üne-o ngoh.

²⁷Hüke Methuselah jin hipak wangpeng gho tu phei me dewok me tu ngoh, hüyange I li.

²⁸Aope Lamekh wangpeng gho ja phei me detet me ni ngoi, I mepu naoshe ja ngai,

²⁹hüyange Iye I min Noah she nyik-e i, “Hanghepa kahtok Youngwanpawe phoiyahpeih, hatüopawe muh teman yak-e linge shangpu hei teman toishao mepu toloimei yahpeilak.”

³⁰Noah puhyang phei me Lamekh wangpeng gho nga phei me detu me nga ngoh, hüyange I me hayimlan üne-o ngoh.

³¹Hüke Lamekh jin hipak wangpeng gho nyit phei me denyit me nyit ngoh, hüyange I li.

³²Tüophei me Noah wangpeng gho nga lwngmei ne ngoh, hüyange Noah mepu-Shem, Ham, hüyange Japheth jalun.