Read Konyak Naga KAHTAMYENGHAN 6 Bible Online

KAHTAMYENGHAN 6 - Konyak Naga bible

KAHTAMYENGHAN 6

¹Aope chahwannyu me kahtanyuha jalunne ükong wang, hüyange yhalalan puhtam,

²Kahwang netan hayimlanne kahta yhalalan shemei yaomawe nge; hüyange iman-e lepu üshei iman sheko ne yah.

³Hüwante Kahwange i, “Ü-yaha jin jinte kahta phei jam yengohlak , hangjingne I-a hangko kahta hei, hüyangpoi I sha-a me peiye wangpeng gho ja phei me da hei ngohlak.”

⁴Tüolan nyih hei hipak me kahtoknyu me Nephilimlan ngoh yangki, hüyange tüophei me-o, Kahwang hayimlan kahta yhalalan phei mei hüyange iman-e iman hayim puhtam; iman üshong hipak memuh wongnange, minngai kahta ne ngoh yangki.

⁵Kahtanyuha ünu ümeng kahtoknyu me loiteki she, hüyange iman juteih mongjang me teihpu jinte ümeng shaha she Youngwanpawe nge.

⁶Hüyange kahtanyuha hangne kahtoknyu me ling yang peih no she Youngwanpa mongmeng, hüyange I mongshih ngai.

⁷Tüokhei, Youngwanpawe i, “Kahtanyuha ao Taowe linge ngai, kahta hei yinmok, leh-e kempu hei wang awha she Taowe kahtoknyu mepu mah tamlak; hangjingne iman linge ngaipu jingne Tao mong yemei.”

⁸Hüpoi Noah Youngwanpa sheshao me monghahpu tüo.

⁹Hatüo-a Noah jeng ngoh nang. Noah khakshupu hüyange I jin me ngao yetüopu kahta ne ngoh. Noah Kahwang phei kem.

¹⁰Hüyange Noah me naoshe lüm ngoh, Shem, Ham, hüyange Japheth.

¹¹Sha-a chahwannyu-a Kahwang sheshao me yeshu yemeipe hüyange toilangpu-e maa-e ngohyangki.

¹²Hüyange Kahwange chahwannyu-a yeshuyemeipe nge; hangjingne kahtanyuha üshei yoi yoi lamme kahtoknyu me yeshuyemeipe ngoh.

¹³Hüyange Kahwange Noah te i, “Taowe kahtanyuha üshei mahne tamlak jingne mongteki, hangjingne iman kaiye kahtoknyu-a toilangpuwe maateki; sha-a Taowe iman kahtoknyu phei jamshe mah ne tamlak.

¹⁴Tüokhei nange Cypress pee phei ghonu ja lingtüoh; tüopa me tüp lingtüoh, hüyange tüopa ümong yeme hüyange ütah ye me nyeiphei shit tüoh.

¹⁵Hüke nange linglak yang; ghonu-a lüopute yakkong gholüm, khaopute yakkong denga, daopute yakkong delüm.

¹⁶Ghonu ütok me tawo yakkong ja lingtüoh. Ghonu mong ünuk yeme tafün ja angtüoh, hüyange üphangpa, üwopa hüyange ütangpa tüp nangyange lingtüoh.

¹⁷Hangjingne leitüoh, Taowe üyin ngohpu üshei, wangphang me ngohpu mah-e tamne kahtoknyu te yengyong muleam yah-e peinang; kahtoknyu me ngohpu üyin khongkümpu lilak.

¹⁸Hüpoi Taowe nang phei ü-jiengjeppu linglak, hüyange nang ghonu te onglak, nang hüyange nang phei nanghalan, hüyange nenok shekonyu hei nyamyhalan.

¹⁹Hüyange üyin ngohpu mei üshei mepu ülam lili mepu nini nange iman nang phei üyin ngoh-e tamlak ne, ghonu te woiye ongtüoh; iman üpi üpong ngohlak;

²⁰Awhalan ülam lili, hüyange nyeinyim shokphat ülam lili hüyange kahtok me leh-e kempu; ülam lili, iman üyin ngohtam lak üne, ülam lili mepu nipong nang tangte peilak yang.

²¹Hüyange nange hah heiying ülam lili mepu nang tangte yah-e shaijem tüoh; hüyange hatüo nang jingne, hüyange iman jingne ngoh külak.”

²²Noah-e khongkümpu ling; Kahwange ngaopha tampukih-e Iye ling.