Read Konyak Naga 1 AHNGPALAN 7 Bible Online

1 AHNGPALAN 7 - Konyak Naga bible

1 AHNGPALAN 7

¹Solomon-e yoi jingne ahngnok we, hüyange tüopa we sholak jingne Iye wangpeng pen me lüm yah.

²Iye Lebanon pee phei nokmonga we, üjük me yakkong gho ja, üpeam me yakkong denga hüyange kahtok mepu daopu me yakkong delüm, cedar shongnyu üleng peli tangme we.

³Hüyange yajenth deli me nga tang me cedar pee phei shinpüang lingyange we, tüolan-a shongnyu üleng ja me penme nga nga ngoh yangki.

⁴Ükao moini yekao jant me tawo üleng lümpong khüng lenge ling.

⁵Taküplam hüyange tawo khongkümpu jakih kihpu üpüm, hüyange tawo lan-a yajenth lüm phei janhüopu tawo ne ngoh yangki.

⁶Iye shongnyulan phei tüp üyongja ling; üjük me yakkong denga, hüyange üpeam me yakkong delüm; tüolan shaome nokshüm phang; hüyange tüolan shaome shongnyulan hüyange yajenthlan ngoh yangki.

⁷Ngaophünlak nokmong she ipu ümong me Ngaophünlak lengjong ling, ümeken me Solomon-e ngaophün pha, tüopa nyoi yashong mepu jantphak ngoiye cedar phei ling.

⁸Ingohlak nok, ngaophünlak nokmong jaye kao me tüopa kih-e muh we. Iye üne-o tüopa shümphang leyemuh Egypt ahngyha yhala yoi shekonyu jingne hüke muh nokja we.

⁹Tüolan khongkümpu, nok gho üyongpa omme, nokjing yonge wangpu mepu üküm ngoiye, ütah yeme hüyange ümong yeme tüp ngoiye yeonge wanne khüw lingpu long ümei, shemyangpu kih-e wette ngaipu lan-e weyangki.

¹⁰Nokjing me yahwangpu longa, yeonge yongpu laopu yakkong tet hei pen laopu yeonge pheei-wanne lingne tampu long shaha ngoh yangki.

¹¹Hüyange ütangye me yeonge phei wanpu long ngoh yangki, sheamyang phei hüyange khüw lingpu long hüyange cedar pee ngoh yangki.

¹²Ümongpa tüp neikon-e khüw yahpu long üleng lüm ngoh yangki, hüyange cedar pee phei yajenth üleng ja ngoh yangki. Youngwanpa nok ümongpa tüp hüyange nok hüppe wepu kih-e ngoh yangki.

¹³Solomon ahngpawe Tyre chingnyu me ngohpu Huram, aowe shakphan yan aijonpu manne ngoh Ite nyik.

¹⁴I-a Naphtali jat mepu wamnyu üha ja ne ngohyangki, hüyange Ipa shakphan yan yaopa Tyre kahtaja ne ngoh yangki, hüyange shakphan toi linglak jingne I juteih hüyange shinge okpu hüyange nahpu ja ne ngoh yangki. Hüyange I Solomon ahngpa tangte pei, hüyange I toi khongküm linge tam.

¹⁵Huram-e shakphan yan phei shongnyu ni daopute yakkong penmetet hüyange popute yakkong penme ni ling. Hatüowa khopyange, hüyange tüopa jeipute yaklan peli nyippe moini ling.

¹⁶Hüyange Iye shongnyulan üju me anglak howe lingpu shakphan yan ne shongju noksa ni ling; shongju noksa-a ja yakkong nga hüyange ja yakkong nga she ling.

¹⁷Shongju tangme noksa yankeilei hüyange ülao omme lingyange üju ja me nyit, hüyange üju ja me nyit.

¹⁸Hükih-e Iye shongjulan tangme tüopa tangme yaowe ngohpalan büanglak jingne chamuk neikon-e üleng ni ling, hüyange Iye hüke muh japa shongju jingne-o ling.

¹⁹Sha-a shong üjulan-a yakkong peli daowe shengshap jupeng kih-e lingyange,

²⁰hüyange yankeilei ünahye ütangme shongnyu ni tangme üne-o shongju noksa ngohyangki, hüyange ülao shongju ja neikon-e ütangye khünglenge chamuk gho ni ngoiye lingyange ngoh yangki.

²¹Hüyange khümjing tafün shong ümongye me Iye shongnyu nyün, hüyange Iye heyekao shongnyün, hüyange Iye tüopa min Jachin she nyik, hüyange Iye apyekao shongnyün hüyange Iye tüopa min Boaz she nyik.

²²Hüyange hüke shongju tangme-a shengshap jupeng phei lingyange ngoh; hüke shongnyu lingpu toi sho.

²³Hüyange Huram-e jaye üshuk mepu jaye üshuk ngoiye neikonne yengkok lupute yakkong pen, hüyange daopu me yakkong delüm ngoiye ling.

²⁴Tüopa yashong yeme yakkong delüm ngoiye yengnung neikonne maikook ngohyangki; hatüowa yan ne lingpu maikook üleng ni ne lenge maikooklan-a ngohyangki.

²⁵Hatüowa shakphan yan mahu üpong pen me ni tangme yong, hüyange mahu üpong lüm apyekao me meye, lüm henyip yekao me meye, lüm heyekao me meyange, hüyange lüm heong yekao me meye ling; hüyange tüolan tangme yengkok ling; hüyange ülao linge ngaipu lili-a ümong yeme.

²⁶Hüyange tüopa jeipu me yakpha ja angjange, hüyange yengnung neikonpu me shengshap jupeng lingyange, hüyange kahtok phei lingpu wan leye lingyange, hüyange tüopa yengkok me litre haja deli nanjing nyippe ngoh yangki.

²⁷Iye üne-o shakphan yan phei tongtoi pen ling, tongtoi ja üjük me yakkong peli, üpeam me yakkong peli; hüyange daopu me yakkong lüm ngoh yangki.

²⁸Tongtoi lingpuwa hüke ngoh yangki; iman me ta-kao ngoh, hüyange tüopa onglak lan-a üpüm phei shinyange;

²⁹hüyange tüopa üpüm me ngohpu ta-kao me yengkong mailang, mahu üpong hüyange cherubim lingyange ngoh yangki. Üpümlan me, moini yekao ütok hei üphang yekao me yengkong mailang hei mahu üpong noksa phei ülao ükhoih ünyai lan-o omme lingyange ngoh.

³⁰Hüyange tongtoi lili me shakphan yan tongtoi ya peli hüyange shakphan yan tongtoi ya yanlick ngoh yangki; hüyange ünuk peli me yankhong jingne shakphan yan phat ngoh yangki. Tüolan phat-a jupeng yankeilei-e lingyange ngoh yangki.

³¹Ütangme yankhong jingne üpüm ükam ja ngoh. Hüyange tongtoi üjuye me hüyange ütahyeme yakkong ja phei me tangkhüw; tüopa neikonne kamyange ngoh yangki.

³²Hüyange ta-kao phang me tongtoi ya peli ngoh yangki; tongtoi ya yanlick me yajenth ükhao ja ngoh yangki; hüyange tongtoi ya daopuwa yakkong ja phei me tangkhüw.

³³Hüyange tongtoi ya-a koipong tongtoi kih-e ngoh yangki; tüolan yanlick, tüolan ünahye me, tüolan yanwu, hüyange tüolan üponglan khongkümpu shakphan yanne ngoh yangki.

³⁴Yajenth phe phe me ünuk peli yeme phat peli ngoh; phat-a yajenth ja ne sheiyange ngoh.

³⁵Yajenth tangme yakkong tangkhüw nanjing nyüoshe kamyange ngoh yangki; hüyange yajenth tangme tüolan phinpu hüyange ta-kaowa tüopa phei ja ne lingyange ngoh.

³⁶Tüopa tangme hüyange ta-kao ünah ye me Iye cherubim, yengkong mailang, hüyange logpee, nyoi ngaipu shinne jupeng yük inyange Iye ling.

³⁷Hüke Iye yajenth pen ling; khongkümpuwa jakih-e shakphan yan phei howe, itteshempu jake hüyange leilak jakih-e ling.

³⁸Iye shakphan yan phei yankhong pen ling; yankhong lili yakkong peli li, hüyange tüolan me litre gho tet nanjing nyippe ling. Hüyange yajenth pen yo me yankhong ja ja ngoh.

³⁹Hüyange yajenthlan-a nok heye me nga, hüyange apye me nga Iye tüoh, hüyange yengnunga Iye nok heong yekao nok ünah yeme tüoh.

⁴⁰Huram-e tüklan, hüyange kahhoklak, hüyange yankhong lan ling. Tüokhei Huram-e Youngwanpa nok me Solomon ahngpa jingne toishao khongkümpu hüke tüm:

⁴¹Shongnyu ni, hüyange shongnyu tangme shongjute yankhong ni, hüyange shongju noksa lingpu büanglak lüpyang phei ni;

⁴²hüyange lüppu ni jingne-a chamuk gho peli; lüppu phe me chamuk üleng ni ni shong ütangme ngohpu shongju noksa yankhong ni büanglak jingne;

⁴³yajenth pen, hüyange yajenth tangme yankhong pen;

⁴⁴hüyange yengkook ja, hüyange yengkook phang me mahu üpong pen me ni;

⁴⁵hüyange tüklan, hüyange kahhoklak, hüyange yankhonglan-a, Youngwanpa nok me toinan khongkümpu Solomon ahngpa jingne Huram-e phihlangpu shakphan yan phei ling.

⁴⁶Jordan kahjee me ahngpawe tüolan-a, Succoth hüyange Zarethan nipa me kümpkahtok me jakke ling.

⁴⁷Solomon-e toinan khongküm tok-e yeleipe tüoh, hangjingne tüolan-a jamloi she ngoh; tüokhei shakphan yan tok-e yelei.

⁴⁸Tüokhei Solomon-e Youngwanpa nok me ngohpu toinan khongküm hüke hon phei ling; hon wümjong, khümjing me angpu an jingne hon lengjong;

⁴⁹hon shaha phei vüntük yongjinglan, khümjing ümongpa sheshao me heye me nga, hüyange apye me nga; jupenglan, vüntük yongjinglan, hüyange jeplaklan, hon shaha phei;

⁵⁰wan, vünjeplak, yankhonglan, sünyet jingne yankhong, hüyange vünkhuh khong hon sha phei; hüyange shejaopupa tüpte ongpu ümongpa taküplan jingne honne lümlak, hüyange khümjing taküplan jingne honne ling.

⁵¹Hüke Youngwanpa nok jingne toishao khongküm Solomon ahngpawe lingpu sho. Hüyange Solomon-e Ipa David-e jaowe shayange angpu toinanlan yahpei, khüm, hon, hüyange tükkelak, hüyange Youngwanpa nokme angpu nyoime yowe ang.