Read Konyak Naga 1 PUTAHPANGAO 24 Bible Online

1 PUTAHPANGAO 24 - Konyak Naga bible

1 PUTAHPANGAO 24

¹Aaron huhayim ükhonglan-a tüolan ngohnang. Aaron me naoshe peli ngoh: Nadab, Abihu, Eleazer, hüyange Ithamar.

²Hüpoi Nadab hei Abihu iman üpa li shao me li, hüyange hayim yetüoh; tüokhei iman naoyim Eleazer hei Ithamar ngengpalan ne meng.

³Eleazer huhayim mepu Zadok, hüyange Ithamar huhayim mepu Ahimelech jampu yah, iman toishao me linglak toi phapu kih-e ahngpa David-e iman tam.

⁴Ithamar huhayimlan phei-a Eleazer huhayim woipalan shepang she ngohpu jingne, iman-e Eleazer huhayim penme wok-e woiyange ükhong tam, hüyange Ithamar huhayimlan mepu tet woiyange ükhong tam,

⁵Eleazer huhayim hei Ithamar huhayimlan moini me khümjing jingne woipa hüyange Kahwang toishao jingne woipalan ngohyangki; tüokhei iman-e phongyeng yange, moilante toishao ja kih-e tam.

⁶Nethanel üha Shemaiah nyan angpa, Levilan jawe, ahngpa woipalan, Zadok ngengpa, Abiathar üha Ahimelech, ngengpalan huhayim üshanglan, hüyange Levilan sheshao me nyan-e ang; huhayim ja Eleazer jingne yah hüyange Ithamar jingne ja yah.

⁷Üwangpa phongyengpu Jehoiarib te hüt, nishepupa-a Jedaiah;

⁸lüm shepupa-a Harim, peli shepupa-a Seorim;

⁹nga shepupa-a Malchijah, wok shepupa-a Mijamin,

¹⁰nyit shepupa-a Hakkoz, tet shepupa-a Abijah,

¹¹tu shepupa-a Jeshua, pen shepupa-a Shecaniah,

¹²pen me ja shepupa-a Eliashib, pen me nishepupa-a Jakim,

¹³pen me lüm shepupa-a Huppah, penme peli shepupa-a Jeshebeab,

¹⁴pen me nga shepupa-a Bilgah, penme wok shepupa-a Immer,

¹⁵penme nyit shepupa-a Hezir, pen me tet shepupa-a Happizzez,

¹⁶pen me tu shepupa Pethahiah, da shepupa-a Jehezkel,

¹⁷da me ja shepupa-a Jachin, da me ni shepupa-a Gamul,

¹⁸da me lüm shepupa-a Delaiah, da me peli shepupa-a Maaziah te hüt.

¹⁹Tüolan kahta-a khümjing te taine hüyange Israel Kahwang Youngwanpawe phapu ngaokhüm jaiye iman pajeiyong Aaron-e phapu toishaolan linglak jingne iman toishao kih-e min nyan yangki.

²⁰Tüolan-a Levi nyahtap mepu jaalun-e peipu ülao üshanglan: Jehdeiah, Shebuel kaiye peipu Amram hayim;

²¹Isshiah, Rehabiah huhayim;

²²Jahath, Shelomith kaiye peipu Izhar huhayim;

²³Hebron hayimlan, jeiyongpa me wange, Jeriah, Amariah, Jehaziel, hüyange Jekameam;

²⁴Shamir, Maika kaiye peipu Uzziel huhayim;

²⁵Zekharia, Maika ünao Isshiah kaiye peipu Uzziel huhayim;

²⁶Merari hayimlan, Mahli, Mushi, hüyange Jaaziah.

²⁷Jaaziah me naoshe lüm ngoh: Shoham, Zaccur, hüyange Ibri.

²⁸Mahli me naoshe ja ngoh: Eleazar, Eleazar me hayim yenang;

²⁹hüpoi Kish me naoshe ja ngoh, Jerahmeel.

³⁰Mushi me naoshe lüm ngoh: Mahli, Eder, hüyange Jeremoth. Tüolan-a iman puhu nyahtap wanglam kih-e Levi hayimlan ngohnang.

³¹Tüolan-o, Ipa mepu huhayimlan phe phe me üshangpa hüyange naoyimlan-o jakihpu, hüke iman jeiheinao Aaron huhayim, David ahngpa, Zadok, Ahimelech, hüyange ngengpalan hüyange Levilan pajeiyong huhayim üshangpa sheshao me lingpuke phong yeng.