Read Konyak Naga 1 PUTAHPANGAO 25 Bible Online

1 PUTAHPANGAO 25 - Konyak Naga bible

1 PUTAHPANGAO 25

¹Ahngpa David hüyange Levilan woipalan-e yoppe khümwante woilak jingne tüolan Levi puhulan le: Asaph, Heman, hüyange Jeduthun, Iman-e kongki ümtük hei yankook phei hem lokke Kahwang ngaolan pongtamlak. Yoi yoi toishao meitam kih-e, yoppe khümpu woilak jingne lepu kahtalan-a tüolan ngoh nang.

²Asaph hayim naoshe peli: Zaccur, Joseph, Nethaniah, hüyange Asharelah. Iman-a Asaph-e woipu phang me, aowe aope ahngpawe ngaowe tamlakei Kahwang ngaolan ponge tam.

³Jeduthun hayim naoshe wok: Gedaliah, Zeri, Jeshaiah, Shimei, Hashabiah, hüyange Mattithiah. Iman üpawe woiyange kongki ümtük wünge, hüyange minyong hem lokke Youngwanpate minyong phawe Kahwang ngaolan ponge tam.

⁴Heman hayim penme peli: Bukkiah, Mattanian, Uzziel, Shebuel, Jerimoth, Hananiah, Hanani, Eliathah, Giddalti, Romamti-Ezer, Joshbekashah, Mallothi, Hothir, hüyange Mahazioth.

⁵Tüolan khongkümpuwa ahngpa jing hipa Heman hayimlan, Kahwange I yonge tamlak jingne janpu kih-e ngohyangki; hangjingne Kahwange Hemante hayimlan pen me peli hüyange yhala lüm pha.

⁶Iman khongküm Youngwanpa nok me shaoshanlak jingne yankook, hüyange kongki ümtük phei Youngwanpa nok me hem lokke iman üpa woipu phangme ngoh yangki. Asaph, Jeduthun, hüyange Heman iman-a Ahngpa ngaokhüm phangme ngoh yangki.

⁷Tüo lan kahta da me peli-a yeonge nah ngoh yangki; hüyange iman pheipu Levilan-a hem loklak jingne thrimlei pha. Iman khongkümpu ghoni phei me detet phei me tet ngohyangki.

⁸Iman-e linglak toishao jingne, üjoi hei üyong, konnyüopa hüyange shinge yahpalan jingne jakih kih-e iman-e phongyeng yange tam.

⁹Tüolan ghoni phei me detet pheime tet kahtalan yoi yoi nyahtap phei shuwe kahta pen me nipong phei ükhong da me peli ne, ükhong phe me woipa ja pong phei le. Iman toishao me yongpu üwangpa me wange hüke ngenang. Üwangpa phongyengpute Asaph jingne Joseph te hüt; nishepupa-a Gedaliah te;

¹⁰lümshepupa-a Zaccur te;

¹¹pelishepupa-a Zeri te;

¹²nga shepupa-a Nethaniah te;

¹³wok shepupa-a Bukkiah te;

¹⁴nyit shepupa-a Asharelah te;

¹⁵tet shepupa-a Jeshaiah te;

¹⁶tu shepupa-a Mattaniah te;

¹⁷pen shepupa-a Shimei te;

¹⁸pen meja shepupa-a Uzziel te;

¹⁹pen me ni shepupa-a Hashabiah te;

²⁰pen me lüm shepupa-a Shubael te;

²¹penme peli shepupa-a Mattithiah te;

²²pen me nga shepupa-a Jerimoth te;

²³pen me wok shepupa-a Hananiah te;

²⁴pen me nyit shepupa-a Joshbekashah te;

²⁵pen me tet shepupa-a Hanani te;

²⁶pen me tu shepupa-a Mallothi te;

²⁷da shepupa-a Eliathah te;

²⁸da me ja shepupa-a Hothir te;

²⁹da me ni shepupa-a Giddalti te;

³⁰da me lüm shepupa-a Mahazioth te;

³¹da me peli shepupa-a Romamti-Ezer te hüt.