Read Konyak Naga 1 PUTAHPANGAO 4 Bible Online

1 PUTAHPANGAO 4 - Konyak Naga bible

1 PUTAHPANGAO 4

¹Judah huhayimlan: Perez, Hezron, Carmi, Hur, hüyange Shobal.

²Shobal üha Reaiah-a Jahath üpa, hüyange Jahath-a Ahumai hei Lahad üpa. Tüolan-a Zorathlan puhu (Phang) ne meng.

³Tüolan-a Etam hayimlan: Jezreel, Ishma hei Idbash. Hüyange iman nyanao min-a Hazzelelponi.

⁴Penuel-a Gedor üpa, hüyange Ezer-a Hushah üpa. Tüolan-a Hur huhayimlan, Ephrathah me üwangne puhpu hüyange Bethlehem üpa.

⁵Tekoa üpa Ashhur me sheko ni ngoh, Helah hei Naarah.

⁶Naarah-e Ite Ahuzzam, Hepher, Temeni hüyange Haahashtari puh tam. Tüolan-a Naarah huhayim ngohnang.

⁷Helah hayimlan: Zereth, Zohar, Ethnan,

⁸hüyange Koz, aohe Anub hei Zobebah üpa ne ngoh hüyange Harum üha Aharhel puhu ne meng.

⁹Jabez she minpu kahta ja Inok kahtalan üshei yo me yihnoonpu phei ngoh: Inyuwe Ite Jabez she minne tam, hangjingne I puhwante ünyei shange ponge puh.

¹⁰Hüpoi Jabezwe Israel Kahwangte yop, “Kahwang, üte moimanpha, hüyange üte kahmük sheyong she yahkei. Ü-phei ngohkei hüyange üte yemeipe peilak mepu nange tükyah.” Hüyange Iye hanghe jingne yop, Kahwange Ite pha.

¹¹Chelub, Shuhah jeiheinao ja, I me naoshe ja Mehir she minpu ngoh. Mehir-a Eshton üpa,

¹²ao me naoshe lüm ngoh: Bethrapha, Paseah, hüyange Tehinnah. Tehinnahwe Nahash chingnyu akyangki. Tüopa kahta huhayim lan-a Recah me nyoi yangki.

¹³Kenaz me naoshe ni ngoh, Othniel hei Seraiah. Othniel me-o naoshe ni ngoh, Hathath hei Meonothai.

¹⁴Meonothai-a Ophrah üpa. Seraiah-a Joab üpa, yak-ai-kahjee ching akpa, tüomepu kahtalan-a khongkümpu okkeshangpu kahtalan.

¹⁵Caleb üha Jephunneh me naoshe lüm ngoh: Iru, Elah, hüyange Naam. Hüyange Elah-a Kenaz üpa.

¹⁶Jehallelel me naoshe peli ngoh: Ziph, Ziphah, Tiria, hüyange Asarel.

¹⁷Ezrah me naoshe peli ngoh: Jether, Mered, Epher, hüyange Jalon. Mered-e Egypt ahngnok naoyha Bithiah yah, hüyange naoyha ja ngoh; yha min Miriam, hüyange naoshe ni: Shammai hei Ishbah. Ishbahwe Eshtemoa ching ak.

¹⁸Mered-e üne-o Judah jat mepu sheko ja yah, hüyange naoshe lüm ngai: Jered, Gedor ching akpa: Heber, Soco ching akpa; hüyange Jekuthiel, Zanoah ching akpa.

¹⁹Hodiahwe Naham ünao sheko ne yah. Iman huhayimlan-a Keilah chingme nyoipu Garm puhu; hüyange Eshtemoa chingme nyoipu Maacath puhu ngohnang.

²⁰Shimon me naoshe peli ngoh: Amnon, Rinnah, Benhanan, hüyange Tilon. Ishi me naoshe ni ngoh: Zoheth hei Benzoheth.

²¹Judah üha Shelah huhayimlan: Er, Lecah ching akpa, Laadah, Mareshah ching akpa; Beth Ashbea ching me nyoiyange pengkhai vee ümei phei nyemo takpu puhu;

²²Jokim hüyange Cozeba ching me nyoipu kahtalan; hüyange Joash hüyange Saraph, aowe Moablan sheko yah hüyange Bethlehem me nyoi. (Tüoyin jeng-a yeongpu bulang ngao.)

²³Iman-a tükyaopalan hüyange Netaim hei Gederah chingshaolan me ahngpa shaoshan-e nyoipalan ngohnang.

²⁴Simeon huhayimlan: Nemuel, Jamin, Jarib, Zerah, hüyange Shual.

²⁵Shual üha-a Shallum, Ihu min Mibsam, hüyange (Ihu) hushom min Mishma.

²⁶Mishma huhayimlan: Hammuel, Zaccur, hüyange Shimei.

²⁷Shimei me naoshe pen me wok hüyange naoyha wok ngoh yangki; hüpoi I phei pulan me hayimlan meiyange yenang, hüyange Judah jat hei li jaalunpu shinne Simeon nokphong jaalunpu ye-ok.

²⁸Iman nyoipu: Beersheba, Moladah, Hazarshual,

²⁹Bilhah, Ezem, Tolad,

³⁰Bethuel, Hormah, Ziklag,

³¹Beth Marcaboth, Hazarsusim, Bethbiri, hüyange Shaaraim. Tüolan chingshaolan Ahngpa David shao me ngoh.

³²Iman üne-o ülao nyoijing nga me-o nyoi: Etam, Ain, Rimmon, Tochen, hüyange Ashan;

³³hüyange neikonpu chingshaolan Baalath ching heyekao ngoiye ngoh. Tüolan-a iman ümeken nyoijing yinme nyoi, hüyange iman puhulan pungao nyan-e angpu ngohnang.

³⁴Hatüolan-a iman puhu üshanglan ngohnang: Meshobab, Jamlech, Amaziah üha Joshah,

³⁵Joel, Jehu (Joshibiah üha, Seraiah üha, Asiel üha.)

³⁶Elioenai, Jaakobah, Jeshohaiah, Asaiah, Adiel, Jesimiel, Benaiah.

³⁷Ziza (Shiphi üha, Allon üha, Jedaiah huhayimlan, Shimri, hüyange Shemaiah.)

³⁸Hangjingne iman nyahtaplan hei noknyunok jaalunpu yelak,

³⁹iman henyip yekaote Gerar pa-ngoi she nyoiye pei hüyange chingnyu ngohpu heong yekao kahjee me iman nyeelan hahnyoi ne meng;

⁴⁰Iman-e wüngwü-ükpu toloimeipu kahmük, hahnyoi ümei pheipu kahmük ümei üngang tüoyangki. Tüopa kahmük me üshongwante ngohyangpu kahtalan-a Hamitlan ne ngoh yangki.

⁴¹Judah Ahngpa Hezekia hipak me, ütok me min nyan-e ngohpu kahtalan Gerarte pei hüyange tüome nyoipu kahtalan nyenok hüyange kahteplan mengwin. Iman-e kahtalan jange tei hüyange yetailakne tüome nyoi, hangjingne ima-a iman nyeelan jingne hahnyoi wangman-e ngoh yangki;

⁴²Simeon jat mepu ülao kahtalan gho nga ngoiye Edom heong yete tai. Iman-a Ishi hayim: Pelatiah, Neariah, Rephaiah, hüyange Uzziel lan-e woiyangki.

⁴³Tüome iman-e towe ngohpu Amaleklan toi, hüyange iman tenyihte ngoiye tüome nyoinang.