Read Konyak Naga 1 PUTAHPANGAO 9 Bible Online

1 PUTAHPANGAO 9 - Konyak Naga bible

1 PUTAHPANGAO 9

¹Tüokhei Israel khongkümpu iman nyahtap hangke ngoh hüke nyanyange ngohnang; hüyange tüolan-a Israel ahngpalan laitep me nyanyange ngohnang. Hüyange Judah kahtalan iman ünu jingne Babilon te shaoshi phawe phowe teine tam.

²Sha-a chingnyulan me yoi moth tangte nishe leih yepu üwangpa ükhong me ompulan-a Israel, ching kahtalan, ngengpalan, Levilan, hüyange khümjing toi lingpalan ngoh yangki.

³Hüyange Judah, Benjamin, Ephraim, hüyange Manasseh nokphonglan mepu kahtalan aoyin Jerusalem me nyoi tüolan-a,

⁴Ammihud üha Uthai, Omri üha, Imri üha, Bani üha, Perez puhu mepu Judah üha.

⁵Hüyange Shilonilan: Asaiah üwangne puhpupa hüyange I halan.

⁶Zerah hayimlan mepu: Jeuel hüyange iman kahtalan, ghowok phei me tetu.

⁷Benjamin nokphong mepu: Meshullam üha Sallu, aohe Hodaviah üha, Hassenuah üha.

⁸Jeroham üha Ibneiah, Uzzi üha Elah, Michri üha, hüyange Shephatiah üha Meshullam, Reuel üha, Ibnijah üha;

⁹Iman jongnyoi me nyan ngohpu kih-e, Benjamin kahtalan mepu ghotu phei me denga me wok ngohyangki. Tüolan kahta khongkümpu-a iman noksalan me üshanglan.

¹⁰Nyan-e ngohpu ngengpalan Jerusalem me ngoh yangki: Jedaiah, Jehoiarib, hüyange Jachin.

¹¹Hilkiah üha Azariah (Khümjing me woipa ütahpa,) ao me pajeiyonglan Meshullam, Zadok, Meriaoth, hüyange Ahitub omnang.

¹²Jeroham üha Adiah, ao pajeiyong me Pashhur hüyange Malkijah omnang; Adiel üha Maasai, ao pajeiyong me Jahzerah, Meshullam, Meshillemith, hüyange Immer omnang.

¹³Ngengpalan aoyin noksalan me üshang ne meng khongkümpu haja ja gho nyit phei me dewok ngoh yangki. Iman-a khümjing me lingpu toishaolan khongkümpu me yeonge okke shange lingpalan ne ngoh yangki.

¹⁴Nyan-e ngohpu Levilan Jerusalem me ngoh yangki: Hasshub üha Shemaiah, ao pajeiyong me Azrikam hüyange Hashabiah, Merari puhu mepu omnang.

¹⁵Bakbakkar, Heresh, hüyange Galal, Mica üha Mattaniah, ao pajeiyong me Zichri hüyange Asaph omnang.

¹⁶Shemaiah üha Obadia, ao pajeiyong me Galal hüyange Jeduthun omnang. Berekhiah, Asa üha hüyange Elkanah ühu, ao Netophah ching yikeng pongme nyoiye ngoh.

¹⁷Nyan-e ngohpu khümjing yompalan Jerusalem me ngoh: Shallum, Akkub, Talmon; hüyange Ahiman. Iman woipa ne Shallum ngoh.

¹⁸Tüopa hipak mepu ükong wange iman puhu mepu kahtalan Ahngpa peten heong yekao me ngoh. Üwang yema-a Levilan lakjing peten yomlak jingne iman yonge ngoh yangki.

¹⁹Kore üha Shallum, hüyange Ebiasaph ühu, Korah puhu I pheipu eihalan phei jam me, Youngwanpa nyenok tafün yompu toishao me, hüke iman pajeiyonglan-e aope Youngwanpa lakjing yompu shaoshanpu me ngoh, hüke ngoh yangki.

²⁰Hüyange Eleazar üha Phinehas iman tang me lintepu hipak me wanglam lampa ne ngoh yangki; hüyange Youngwanpa I phei ngoh yangki.

²¹Meshlemiah üha Zekharia-o Youngwanpa nyenok tafün yompa ne ngoh yangki.

²²Iman khongkümpu aoyin peten hüyange tafün shonglan yomlak jingne leyapeih, kahta ghoni phei me pen me ni ngoh yangki. Iman min nyanpuwa iman chingshaolan me hangke nyoipei hüke nyanyangki. Hatüowa iman pajeiyonglante Ahngpa David hüyange hipa Samuel niye tüopa yakjongpu toishao me ange tam-e ngoh yangki.

²³Tüokhei iman hüyange iman huhayim lan-e khümjing peten yelakpe yom.

²⁴Yoi yoi yekaote meyange taten japong ngoh, apye, heye, heongye, hüyange henyipye me, hüyange moilan me yompa ütah japong ngoh yangki.

²⁵Hüyange chingshao me iman pheipulan nyih nyit mongme hipak hipak me imante jamlak jingne peiye ngoh yangki.

²⁶Hüyange yompa ütah peli-a Levilan hüyange iman me wong ngoh yangki. Iman muh khümjing ümong tüplan jingne hüyange dopu peipulan jingne nokpu ne ngohyangki.

²⁷Iman khümjing phin me ngoh yangki, hangjingne hatüo yomlak hüyange napjeih she peten eplak iman toishao ne ngoh yangki.

²⁸Ülao Levilan khümjing me jonpu tük-hei-lak hei wan hei sheng jingne yakjongpu ngoh yangki. Iman-e jonpu hipak phe me iye leiyange yah ngai hüyange iye leiyange yah yene tam-e ngoh yangki.

²⁹Iman ütam-a üjao toinan tangme, hüyange an, wuwüngti, olive minnga, sünyet, hüyange (üpe meipu) hoinyan tangme yakjongpa ne meng.

³⁰Hüpoi hoinyan nyütte linglaka ngengpalan meitam ne ngoh yangki.

³¹Mattithiah she minpu Levi ja, Korah puhu mepu Shallum üha jeiyongpa-a, dopu an lingpute yakjongpa ne ngoh yangki.

³²Üne-o Kohath puhu mepu kahtalan Sabbath lep iye khümjing me anglak üjao an lingpute yakjongpa ne ngoh yangki.

³³Levi noksalan ütam-a Khümjing me hemloklak meitam yahpu ngoh yangki. Tüolan noksalan mepu üshanglan-a ülao toishaote yetaipe khümjing nok ütam nyoi me ngoh, hangjingne wangnyak wangngai iman yampu ngoh yangki.

³⁴Ütok me min nyanyange ngohpu lan-a, iman pajeiyonglan üli me peipu kih-e Levi noksalan mepu üshanglan ngoh nang. Iman-a woipalan hüyange Jerusalem me ngoh yangki.

³⁵Jeiel-e Gibeon chingnyu ak hüyange tüome nyoi. I sheko te Maacah she min.

³⁶Iha jeiyongpa-a Abdon, hüyange Iha ülao lan-a Zur, Kish, Baal, Ner, Nadab,

³⁷Gedor, Ahio, Zekharia, hüyange Milkloth,

³⁸Milkloth-a Shimeam üpa. Iman huhayimlan-a ülao puhu noksalan phin me Jerusalem me nyoi yangki.

³⁹Ner-a Kish üpa, hüyange Kish-a Saul üpa. Saul me naoshe peli ngoh: Jonathan, Malchishua, Abinadab, hüyange Eshbaal (Ishbosheth).

⁴⁰Jonathan-a Miribbaal (Mephibosheth) üpa, ao Maika üpa ne ngoh.

⁴¹Maika me naoshe peli ngoh: Pithon, Melech, Tahrea, hüyange Ahaz.

⁴²Ahaz-a Jarah üpa, ao naoshe lüm üpa ne ngoh: Alemeth, Azmaveth, hüyange Zimri. Zimri-a Moza üpa,

⁴³Moza-a Binea üpa, Binea-a Rephaiah üpa, Rephaiah-a Eleasah üpa, hüyange Eleasah-a Azel üpa.

⁴⁴Azel me naoshe wok ngoh: Azrikam, Bocheru, Ishmael, Sheariah, Obadia, hüyange Hanan. Tüolan-a Azel hayimlan.