Read Konyak Naga 2 PUTAHPANGAO 14 Bible Online

2 PUTAHPANGAO 14 - Konyak Naga bible

2 PUTAHPANGAO 14

¹Ahngpa Abijah li, hüyange iman-e David chingnyu me ngeng-ahng mangjong me mu. Hüyange Iha Asa I nanleiye ahngne meng; hüyange Asa wanglam lampu phangme kahmük-a chingmei me ngohyangki.

²Asawe Youngwanpa I Kahwang sheshao me hanghe ütingpa hüyange shemeipupa ne ngoh tüolan linge monghah ne tam.

³Iye yinhulan jing wümjong hüyange ülao kahwanglan sheih teine tam, hüyange üjao shongnyulan menge win, hüyange Asherah kahwang lange win.

⁴Hüyange Iye Youngwanpa, iman pajeiyonglan Kahwang yamlak, hüyange ngaokhüm hüyange linge tampulan linglak jingne ngaokhüm pha.

⁵Iye Judah chingnyulan me ngohpu ülao kahwanglan te khümpu nyoijing hüyange sünyet jakke dopu wümjonglan mah ne tampu jingne, I wanglam lampu phangme ahngchinga chingmei me ngoh yangki.

⁶Hüyange I hipak me Judah chingnyulan-a chingtuk pepe yange ling, hangjingne kahmük-a toloi meiye ngoh, hüyange tüolan wangpeng mongme wehok hango yenang, hangjingne Youngwanpawe Ite toloi meipu pha.

⁷Hangjingne Iye Judah kahtalante i, “Teman-e chingnyu lan chingtuk penyu peyange daonok yomtep weyange, hüyange küplak jingne penyu taküp hüyange wenao phei linghah. Kahmük-a teman yak me ngohnang, hangjingne teman-e Youngwanpa teman Kahwange mongpu ling; teman-e I yam, hüyange Iye teman ütuh ümeng üshei ye mepu yinne angnang.” Tüokhei iman-e ling hüyange moiman phei jaalun.

⁸Ahngpa Asa phangme ree hüyange ngoulow pheipu Judah naomei lakh lüm ngoh yangki; hüyange Benjamin mepu ree hüyange wenglah pheipu naomei lakh ni haja detet ngohyangki. Iman khongkümpu yeonge meiye thrimlei yahyange wongnangpu kahtalan shaha.

⁹Sudan kahta ja Zerah she minpuwe wetaipalan naomei ükhong million ja hüyange pongtongtoi gho lüm phei Judah ching hahne ngai, hüyange Mareshah ngoiye pei.

¹⁰Hüwante I phei hüolak jingne Asa yayonge tai, hüyange iman-e Mareshah me Zephathah kahjee me moini yekao me shapju khüng lenge yong.

¹¹Asawe Youngwanpa I Kahwangte üngwünne hüke yoppe i, “O Youngwanpa, wong yenangpu wetaipalante nange wong nangpalan-e linge tampu oklak; Tomante sha-a jempha, O Youngwanpa toman Kahwang; hangjingne toman-e nangte hei monghüm nang; hüyange nang min me tüolan ükhong üyong phei hoklak jingne toman peinang. O Youngwanpa, nanga toman Kahwang; aowe-o nangte okke tamlak jingne tahtam.”

¹²Tüokhei aope Asa hüyange Judahlan-e iman phei pongyahpeih, Youngwanpawe Sudanlan tangme okpu ngene tam; hüyange Sudanlan yanne tai.

¹³Asa hüyange I phei ngohpalan-e iman Gerar ngoiye jange woi; hüyange Sudanlan ja nehoi üyin towe ye-angpe mah ne tam; hangjingne Youngwanpa sheshao me hüyange I jing ngangpalan ükhong sheshao me iman mah; hüyange iman-e chinghah wante ompu toinan üngang yahtai.

¹⁴Hüyange Gerar neikonne ngohpu chingnyu khongkümpu iman-e chinghah; hangjingne Youngwanpa te nyampu iman tangte pei; hüyange iman-e chingnyu khongkümpute pommelei, hangjingne chinghah wante ompu üngang tüolan me ngoh yangki.

¹⁵Iman-e üne-o tampu yinmok yompalan nyenok-o jakke win, hüyange nyee üngang hüyange udh nangjange yahyange tai, hüyange Jerusalem te leih ye.