Read Konyak Naga 2 PUTAHPANGAO 27 Bible Online

2 PUTAHPANGAO 27 - Konyak Naga bible

2 PUTAHPANGAO 27

¹Jotham ahngne mengwante I nyupuh wangpeng da me nga ngoh yangki, hüyange Iye Jerusalem me wangpeng pen me wok ahngne meng. Inyu min Zadok üha Jerushah ngoh yangki.

²Hüyange Ipa Uzziahwe lingpu khongkümpu toishao kih-e Iye Youngwanpa mükshao me hanghe üting hatüolan Iye ling. Hüpoi Ipawe ompu kih-e Youngwanpa khümjingte onge sünyet jakke ünu ye om. Tüoyangpoi kahtalan-e yelakpe ünu jon.

³Jotham-e khümjing apyekao peten ling ye hüyange Ophel she nyikpu Jerusalem wankam mepu chingnyu jantpe yeonge yonge ling.

⁴Üne-o Iye Judah kahtang nyoilan me chingnyulan ling hüyange phao me Iye yomtep hüyange nokdaolan we.

⁵Iye Ammon ahngpa hüyange I kahtalan phei hok hüyange Iye naowe tam. Tüophei me Iye Ammonlan te wangpeng lep iye ja me wangpeng lüm jingne hüke poon phalak jingne kang; Khüm kilogram haja lüm gho peli, wheat tah takpu haja ja, hüyange barley tah takpu haja ja.

⁶Jotham wongnange jong, hangjingne ima-a Iye yoi Kahwang Youngwanpa ütingpa me shaoshan.

⁷Sha-a towe ngohpu Jotham toishao hüyange Iye hokewepu khongküm, hüyange I lamnyulan leihuyah, tüolan-a Judah hüyange Israel ahngpalan laitep me nyanyange ngoh nang.

⁸Jotham aope I ahngne mengyapeih nyupuh wangpeng da me nga ngoh yangki; hüyange Iye Jerusalem me wangpeng pen me wok wanglam lam.

⁹I li hüyange I mang David chingnyu me mu hüyange I ha Ahazwe I nanleiye ahngne meng.