Read Konyak Naga EZRA 10 Bible Online

EZRA 10 - Konyak Naga bible

EZRA 10

¹Aope Ezrawe yoppe dowe hüyange ümeng janne, shappe hüyange sheta khuhyange khümjing nokshao me ngohyapeih, I neikon-e Israel mepu netan, sheko hüyange nahalan ükhong üyongja jamshe jem, hüyange yeonge khah-e shap.

²Hüwante Elam puhu mepu Jehiel üha Shecaniah-e Ezrate i, “Toman-e yinhujat phei mata tongnüngpu kaiye Kahwang phei ütinglakpu mengyangki, hüpoi Israel jingne üne-o monghümlak ngohnang.

³Sha-a teman-e teman Kahwang phei toman-e shekonyulan hüyange iman mepu ngaipu hayimlan yanne yene tamlak she ütingpa jieng jeppu ja yah hah. Toman-e nange hüyange Kahwang ngaokhüm jonpalan numan-e hanghe ke nyüowe tamphalakei, hüke toman-e linglak. Kahwang ngaokhüm-e hanghe yahhu hatüo toman-e linglak.

⁴Hatüo linglaka nang toishao ngohnang. Toman nang phei ngohnang, tüokhei wongnangyah hüyange lingne tamtüoh.”

⁵Hüwante Ezra yayong, hüyange ngengpa ütahlan, Levilan, hüyange Israel khongkümpute Shecaniah juteih kih-e iman-e linglak she jiengjeppu yahnetam; tüokhei iman-e jiengjeppu yah.

⁶Tüophei me khümjing nokshao mepu Ezra yayong, hüyange Eliashib üha Jehohanan tüp mongte ong: hüyange aope I tüote pei; Iye nük yehah, yejema-a yeng-o yeying. Hangjingne phowe teiye ngoh yangpulan ünu jingne shappe yoong.

⁷Aoyin phowe ngohpu mepu leihye, khongkümpu Jerusalem me jemlak she Jerusalem hüyange Judah üshei yete ngaolan yanne tei,

⁸hatüowa woipalan ngaokeng ne ngohyangki. Kahta ütam nyih lüm mongme yepeima-a, I jing moth khongkümpu meilak, hüyange I-a shaaji ükhong mepu yanne tamlak.

⁹Lekeng tu nyih da shepupa me nyih lüm mongme, Judah hei Benjamin yikeng mongme nyoipu kahta lili Jerusalemte pei hüyange khümjing shüpneiye jemtawe shot. Wai hei wang meng hüyange meiyangpu wongpong jingne jempune menge moilan nyamme nün.

¹⁰Ezra ngengpa yong, hüyange imante i, “Numan-e ünu omyangki hüyange Israel ünu ünyei jaalun tamlak jingne yinhu jat sheko yahteki.

¹¹Sha-a hüma-a, numan pajeiyonglan Kahwang Youngwanpate ümeng jantüoh; hüyange kahmük me ngohpu kahtalan hüyange yinhujat shekolan mepu yantüoh.”

¹²Kahtalan-e üngwünne jan-e i, “Nange hanghepake ilakei toman-e linglak.”

¹³Hüpoi iman-e hüke i, “Ükhonga jamloi yongnang, hüyange wai-o loishe keinang. Toman-e üko me hüke yonge ngohne ye-oklak; yejema-a hatüowa nyih ja hei ni me sholak toine yeje. Hangjingne ima-a toman sheyongpu jing tüopa nuweshakpu me omme ngohnang.

¹⁴Sha-a teman woipalan Jerusalem me ngoh shih hüyange tüopa toishao jingne meitam yahtüoh. Hüwante aoyin me yinhu jat shekonyu ngohnang, iman-a iman chingnyu mepu woipalan hüyange kahpalan phei hipak ja it yange peine tamtüoh. Hüke linge tenyihpu tüopa juheiwan me Kahwang mongshih ngaipu mepu yinpu oklak.”

¹⁵Tüopa juteih phapute Asahel üha Jonathan hüyange Tikvah üha Jahzeiah, imante jamme ngaopupa Levilan Shabbethaipa Meshullam tokte kaiye ao-o yemongpu yenang.

¹⁶Phowe ngohpu mepu leih yepalan-e tüopa juteih ngao monge yah. Tüokhei Ezra ngengpawe iman puhulan mepu üshanglan le hüyange iman min nyanne ang. Hüyange lekeng pen shepupa üwangpa nyih toishaote leilak jingne iman shot;

¹⁷üwangpa hat tepu üwangpa nyih me yinhujat yahyange ngohpu kahta lili jeng tümme sho.

¹⁸Hatüolan-a yinhujat sheko yahpu kahtalan ngohnang: Jehozadak hayim, Joshua hüyange Inaolan puhu: Masseiah, Eliezer, Jerib, hüyange Gedaliah.

¹⁹Iman-e iman shekonyulan yanne tamlakei she jan, hüyange iman ünu jingne iman-e nyee üpong ja dopu pha.

²⁰Immer puhu mepu: Hanani hei Zebadiah,

²¹Harim puhu mepu: Maaseiah, Elijah, Shemaiah, Jehiel, hüyange Uzziah;

²²Pashhur puhu mepu: Elioenai, Maaseiah, Ishmael, Nethanel, Jozabad, hüyange Elasah.

²³Jozabad, Shimei, Kelaiah, (Kelita she-o nyiknang), Pethahiah, Judah, hüyange Eliezer.

²⁴Eliashib, Shallum, Telem, hüyange Uri:

²⁵Parosh puhu: Ramiah, Izziah, Malkijah, Mijamin, Eleazar, Malkijah, hüyange Benaiah.

²⁶Elam puhu: Mattaniah; Zekharia, Jehiel, Abdi, Jeremoth, hüyange Elijah;

²⁷Zattu puhu: Elioenai, Eliashib, Mattaniah, Jeremoth, Zabad, hüyange Aziza;

²⁸Bebai puhu: Jehohanan, Hananiah, Zabbai, hüyange Athlai;

²⁹Bani puhu: Meshullam, Malluch, Adaiah, Jashub, Sheal, hüyange Jeremoth;

³⁰Pahath-moab puhu: Adna, Chelal, Benaiah, Maaseiah, Mattaniah, Bezalel, Binnui, hüyange Manasseh;

³¹Harim puhu: Eliezer, Isshijah, Malkijah, Shemaiah, Shimeon,

³²Benjamin, Malluch, hüyange Shemariah;

³³Hashum puhu: Mattenai, Mattattah, Zabad, Eliphelet, Jeremai, Manasseh, hüyange Shimei;

³⁴Bani puhu: Maadai, Amram, Uel,

³⁵Benaiah, Bedeiah, Cheluhi,

³⁶Vaniah, Meremoth, Eliashib,

³⁷Mattaniah, Mattenai, hüyange Jaasu;

³⁸Binnui puhu: Shimei,

³⁹Shelemiah, Nathan, Adaiah,

⁴⁰Macnadebai, Shashai, Sharai,

⁴¹Azarel, Shelemiah, Shemariah,

⁴²Shallum, Amariah, hüyange Joseph;

⁴³Nebo puhu; Jeiel, Mattithiah, Zabad, Zebina, Jaddai, Jeol, hüyange Benaiah.

⁴⁴Tüolan kahta khongkümpuwe yinhujat sheko yahyange ngoh; iman yanne tam hüyange shekonyulan hei hayimlan teine tam.