Read Konyak Naga EZRA 5 Bible Online

EZRA 5 - Konyak Naga bible

EZRA 5

¹Tüohipak me hipa ni, Haggai hüyange Iddo üha Zekharia Israel Kahwang ao iman tangme ngoh I min me Judah hüyange Jerusalem me ngohpu Judahlan te itte ngao.

²Aope Shealtiel üha Zerubbabel hüyange Jehozadak üha Joshua niye iman-e itpu ngaolan jai, iman-e Jerusalem me khümjing linge yelak jingne ükong wang, hüyange hipa niye imante jam.

³Hüwante muh Euphrates henyip yekao kahmük mepu governor Tattenai, hüyange Shethar Bozenai, hüyange iman pheipulan iman tangte pei hüyange imante hüke i: “Aowe numante tüopa khümjing welak hüyange tümlak ngao pha ei?”

⁴Iman-e üne-o khümjing wepute jampu kahtalan khongkümpu min jingne tong.

⁵Hüpoi Jehudi woipalan tangme Kahwange leiye ngoh, hüyange Persia woipalan-e iman-e Darius te lai mannyan mannyan hüyange I mepu ngao leih manyepute hango hüng ye-ilak jingne tüm.

⁶Hatüowa Euphrates henyip Governor Tattenai hei Shethar Bozenai hüyange iman pheipulan-e ahngpa tangte nyan-e shonpu ngaolan:

⁷Darius ahngpa tangte, nang wanglam lampu chingmei me ngoh tamtüoh.

⁸“Üyongpa ahngpawe hatüo shinglak yang hüke toman Judah kahmük te tai hüwante Kahwang üyongpa khümjing long üyong long phei we hüyange jantpe me pekhüw üyong yong phei linge yepu ngeteki. Hüyange toishaowa she-emme kentingpu phei sho ne, linge tai nangki.”

⁹“Tüokhei toman-e iman woipalante tong, ‘Aowe numante khümjing welak hüyange tümme sholak ngao pha ei?’

¹⁰Toman-e üne-o tüopa toishao me aoyinne woiyange ling shingyange nangte ngaolan shonlak jingne iman min tongyangki.

¹¹Iman-e tomante hüke janneye, ‘Toman-a kahtok wangdang Kahwang shaoshanpalan ngohnang, hüyange üshongwante wepu nok ja hanghepa wong nangpu Israel ahngpa üyong jawe we hüyange tümme sho, tüopa nok nishe toman-e linge yenang.

¹²Hüpoi toman pajeiyonglan-e wangdang Kahwang mongmengne tamme mongshih ngaine tampu jingne, Iye Babilon Ahngpa Nebuchadnezzar, Chaldea ahngching yak me pha. Khümjing menge tam, hüyange kahtalan-a Babilonte phowe teiküm.

¹³Tüoyangpoi Babilon ahngpa Cyrus I wanglam lampu üwangpa wangpeng me Cyrus ahngpawe tüopa Kahwang khümjing lingyelak jingne ngaokhüm pha.

¹⁴Hüyange üne-o Kahwang khümjing mepu hon hei khüm tük-hei-shenglan hanghepa Nebuchadnezzarwe Jerusalem khümjing me ngohpu yahteiye Babilon mepu khümjing me ang, tüolan-a Cyrus ahngpawe yah ngai, hüyange tüolan tük hei shenga Judah governor ne Iye leye angpu kahta ja min Sheshbazzar te phünne pha.

¹⁵Ahngpawe Ite i, “Tüolan tük hei sheng yahtüoh, hüyange leihye-e Jerusalem me ngohpu Khümjing me angtüoh, hüyange Khümjinga üshongwante ümeken me ngoh tüoken me linge yetüoh.”

¹⁶Tüokhei Sheshbazzar pei ngoi hüyange tüopa Khümjing nokjing linge wang; hüyange tüopa hipak mepu sha-ate ngoiye lingkhan linge peinang, hüpoi Khümjinga üne-o manshope ngohnang.’

¹⁷Sha-a tüojingne, ahngpa shao me meinang she teihma-a, Cyrus ahngpawe Jerusalem me tüopa Kahwang Khümjing linge yelak jingne ngaokhüm lingpu heiya yelingpu, hatüo ahng gho me nyanne angpu me yamne tamtüoh; hüyange tüopa jeng me ahngpawe yah hupu tomante shingne tamkei.”