Read Konyak Naga NEHEMIA 11 Bible Online

NEHEMIA 11 - Konyak Naga bible

NEHEMIA 11

¹Woipalan-a Jerusalem me nyoi, hüyange topu kahtalan-a noksa pen yo mepu noksa ja Jerusalem üjao chingnyu me ngohlak jingne peilak, hüyange ülaolan-a ülao Chingnyulan me ngohlak jingne phongyeng.

²Aoyinne yoi yoi nyingke monge Jerusalem me nyoilak jingne ngai kahtalan-e minyong pha.

³Ülao chingshao hei Chingnyulan me Israel kahtalan, ngengpalan, Levilan, khümjing toi lingpalan, hüyange Solomon shaoshanpalan huhayimlan-a yoi moth tangme hüyange yoi yoi chingshaolan me nyoi. Judah yenghoi Jerusalem me aoyin nyoi ching puhu woipalan-a hatüolan ngohnang:

⁴Judah nokphong mepulan; Athaiah, Zekharia ühu hüyange Uzziah üha. I mepu ülao huhayimlan-a Amariah, Shephatiah, hüyange Mahalalel, Judah üha Perez huhayimlan.

⁵Maaseiah, Colhozeh ühu hüyange Baruch üha. Imepu ülao huhayimlan-a Hazaiah, Adaiah, Joiarib, hüyange Zekharia, Judah üha Shelah huhayimlan.

⁶Perez mepu huhayimlan wongnangpu kahtalan shaha gho peli dewok me tet Jerusalem me nyoi yangki.

⁷Benjamin nokphong mepulan: Sallu, Joed ühu hüyange Meshullam üha. I mepu ülao huhayimlan-a Pedaiah, Kolaiah, Maaseiah, Itheil, hüyange Jeshaiah.

⁸Sallu phei meija Gabbai hei Sallai. Benjaminlan khongkümpu gho tu da me tet Jerusalem me nyoi.

⁹Zichri üha Jeol iman woipa ne ngohyangki, hüyange Hassenuah üha Judah-a Chingnyu nishepupa lwngmei woipa ne ngoh.

¹⁰Joiarib üha Jedaiah, hüyange Jakin.

¹¹Seraiah, Meshullam ühu hüyange Hilkiah üha. I mepu huhayimlan-a Zadok, Meraioth, hüyange Ahitub, ao ütahpa ngengpa ne ngoh.

¹²Tüopa puhu mepu khongkümpu gho tet da me ni khümjing me shaoshan. Adaiah, Pelaliah ühu hüyange Jeroham üha. I mepu huhayimlan-a Amzi, Zekharia, Pashhur, hüyange Malkijah.

¹³Tüopa puhu mepu khongkümpu gho ni deli me ni, noksalan tepu üshanglan. Amashsai, Ahzai ühu hüyange Azarel üha. I mepu huhayimlan-a Meshillemoth hüyange Immer.

¹⁴Tüopa puhu mepu wongnangpu wetaipalan gho ja da me tet ngoh yangki. Iman woipa-a Zabdiel, woipa noksa ja mepu ngoh yangki.

¹⁵Shemaiah, Azrikam ühu hüyange Hasshub üha. I huhayimlan-a Hashabiah hüyange Bunni.

¹⁶Shabbethai hei Jozabad, Levilan yo mepu khümjing ü-atye toishao tepu yakjongpa ne ngoh.

¹⁷Mattaniah, Zabdi ühu hüyange Mica üha. Asaph huhayimlan. Iye khümjing hemlokpalan hüyange minyong phawe yoppe khümpu woi. Bakbukiah-a Mattaniah te jampupa. Abda, Galal ühu hüyange Shamma üha, Jeduthun huhayim,

¹⁸Üjao Chingnyu Jerusalem me Levilan khongkümpuwa gho ni detet me peli nyoiyangki.

¹⁹Akkub, Talmon, hüyange iman pheipulan gho ja denyit me ni.

²⁰Topu ülao Israellan hüyange ngengpalan, hüyange Levilan-e Judah kahtok chingnyu chinghalan me kahta lili yoi yoi moth tangme nyoi.

²¹Hüpoi khümjing toishao lingpalan-a Jerusalem ükao ja Ophel she nyikpu me nyoi hüyange Ziha hei Gishpa ni yakjongpu phang me toi ling.

²²Jerusalem me nyoipu Levilan te namnopa-a Hashabiah ühu hüyange Bani üha Uzzi ngoh. I huhayim-a Mattaniah hüyange Mica, hüyange I-a Asaph puhu mepu, hüyange tüopa puhu-a khümjing me hem lokpu toishao me yakjongpa ne ngoh.

²³Iman jingne ahngpa mepu ngaokhüm hatüo-hüke puhulan-e hangke nyih jeih she khümjing me hem lokpu meitam jeileiye woilak ne ngoh, hatüo phapu ngohyangki.

²⁴Meshezabel üha Pethahiah Judah nokphong hüyange Zerah puhu mepu, Israel kahtalan khongkümpu jingne Persia ahng gho me I ngohyangki.

²⁵Hüyange chingshao me ngohpu hüyange iman phao hei kahte leilak jingne Judah jatlan ütam Kiriath Arba, Dibon, hüyange Jekabzeel chingnyulan hüyange tüolan neikon pume ngohpu chingshaolan me nyoi.

²⁶Iman üne-o Jeshua, Moladah, Bethpelet chingnyulan me,

²⁷hüyange Hazarshual hüyange Beersheba me hüyange neikonpu chingnyulan me nyoi.

²⁸Iman Ziklag chingnyu, Meconah me hüyange tüopa tepu chingshaolan me,

²⁹Enrimmon me, Zorah me, Jarmuth me,

³⁰Zanoah me, Adullam me, hüyange tüopa chingshaolan phin me nyoi. Iman Lachish me hüyange pelickjong phin me, hüyange Azekah me hüyange tüopa chingshaolan me nyoi. Hüke aope ilakei, Judah kahtalan heyekao me Beersheba hüyange apyekao me Hinnom kahjee nipa yikeng pong me nyoi yangki.

³¹Benjamin nokphong mepu kahtalan Geba me, Michmash me, Aija, Bethel hüyange neikonpu chingshaolan me,

³²Anathoth, Nob, Ananiah,

³³Hazor, Ramah, Gittaim,

³⁴Hadid, Zeboim, Neallat,

³⁵Lod, hüyange Ono, hüyange yak aijonpalan kahjee me nyoi.

³⁶Judah yikeng pong me nyoipu Levilan ükhongja-a Benjamin kahtalan phei jam-e nyoilak jingne tam.