Read Konyak Naga NEHEMIA 12 Bible Online

NEHEMIA 12 - Konyak Naga bible

NEHEMIA 12

¹Nyan-e ngohpalan-a Shealtiel üha Zerubbabel hüyange Ütahpa Ngengpa Joshua phei jam-e phowe ngohpu mepu leih yepu ngengpa hei Levilan ngohnang:

²Seraiah, Jeremia, Ezra, Amariah, Malluch, Hattush,

³Shecaniah, Rehum, Meremoth

⁴Iddo, Ginnethoi, Abijah,

⁵Mijamin; Maadiah, Bilgah,

⁶Shemaiah, Joiarib, Jedaiah,

⁷Sallu, Amok, Hilkiah, hüyange Jedaiah. Tüolan-a Joshua hipak me iman jeiheinaolan üshei yo me ngengpa üshanglan ne ngohyangki.

⁸Nyan-e ngohpulan-a lokleipu hüyange minyong phapu me yakjongpalan: Jeshua, Binnui, Kadmiel, Sherebiah, Judah, hüyange Mattaniah.

⁹Tüolan-a üne-o hemlokpalan sheshao me teijanne loklak jingne ngoh: Bakbukiah, Unno, hüyange iman pheipu Levilan.

¹⁰Joshua mepu Joiakim puh: Joiakim mepu Eliashib puh; Eliashib mepu Joiada puh;

¹¹Joiada mepu Jonathan puh; hüyange Jonathan mepu Jaddua puh.

¹²Aope Joiakim Ütahpa ngengpa ne ngoh, hüwante hatüolan ngengpalan ngengpa puhu üshanglan ne ngoh: Seraiah puhu mepu Meraiah ngengpa Jeremia puhu mepu Hananiah ngengpa

¹³Ezra puhu mepu Meshullam ngengpa Amariah puhu mepu Jehohanan ngengpa

¹⁴Malluch puhu me Jonathan ngengpa Shebaniah puhu mepu Joseph ngengpa

¹⁵Harim puhu mepu Adna ngengpa Meraioth puhu mepu Helkai ngengpa

¹⁶Iddo puhu mepu Zekharia ngengpa Ginnethon puhu mepu Meshullam ngengpa

¹⁷Abijah puhu mepu Zichri ngengpa Miniamin hei Moadiah puhu mepu Piltai ngengpa

¹⁸Bilgah puhu mepu Shammua ngengpa Shemaiah puhu mepu Jehonathan ngengpa

¹⁹Joiarib puhu mepu Mattenai ngengpa Jedaiah puhu mepu Uzzi ngengpa

²⁰Sallu puhu mepu Kallai ngengpa Amok puhu mepu Eber ngengpa

²¹Hilkiah puhu mepu Hashabiah ngengpa Jedaiah puhu mepu Nethanel ngengpa.

²²Eliashib, Joiada, Jonathan, hüyange Jaddua ngengpa Ütahlan üyin me ngohwante Levi hei ngengpa nyahtüplan üshang min nyan-e angyangki. Hatüo nyanpuwa Persia me Darius ahngne mengwante shoyangki.

²³Levi noksalan üshanglan-a Eliashib ühu Jonathan hipak ngoipu mong putahpangao laitep me nyan-e ngohnang.

²⁴Üne-o Levilan me üshanglan Hashabiah, Sherebaih, Jeshua, Binnui, hüyange Kadmiel hüyange iman jeiheinaolan, Kahwang kahta David-e ngaowe tampuke minyong phapu toishao me yoi yoi tampu ükhong phe me yakjongpalan ne ngoh yangki.

²⁵Bung ne angpu tüp me taten yompalan-a Mattaniah, Bakbukiah, Obadia, Meshullam, Talmon, hüyange Akkublan ngoh yangki.

²⁶Tüolan kahta Jehozadak ühu hüyange Joshua üha Joiakim, hüyange Nehemia governor hipak, hüyange Ngaokhüm shingpu ütahpa Ezra ngengpa hipak me nyoi yangki.

²⁷Aope Jerusalem jantpenyu jaowe tamyapeih, yankook hei kongki ümtük, hüyange ülao kongtoilan jonyange minyong hem lokpuwe jaowe tampu mowa ngütte tamlak jingne üken phe mepu Levilan yam-e Jerusalem me woijem.

²⁸Hüyange Levi noksa mepu hemlokpu naoshelan Jerusalem neikonpu kahjee kahmük hüyange Netophah kahmük üshei yemepu,

²⁹hüyange Bethgilgal mepu, Geba, hüyange Azmaveth mepu jem.

³⁰Hüyange ngengpa hei Levi lan iman nying nyingke jaowesha; hüyange iman-e peten, jantpenyu hüyange kahtalan jaone tam.

³¹Hüwante taowe Judah woipalan jantpenyu ütangye me jemne tam, hüyange minyong phawe chingyang paowe kemlak jingne ükhong üyong ni le ne tam. Üwangpa ükhong ja jantpenyu yakjah ye makshok peten yete tai.

³²Hüyange iman pheite Hoshaiah hüyange Judah üyonglan jakih tampu,

³³hüyange Azariah, Ezra, Meshullam,

³⁴Judah, Benjamin, Shemaiah, Jeremia,

³⁵hüyange ngengpa hayimlan ütam nyawong phei, iman min: Jonathan üha Zekharia, Shemaiah üha, Mattaniah üha, Micaiah üha, Zakkur üha, Asaph üha.

³⁶Hüyange I jeiheinaolan Shemaiah, Azarel, Milalai, Gilalai, Maai, Nethanel, Judah hüyange Hanani, Kahwang kahta David jing kongtoi ülam yoi yoi wünge woi hüyange ngaokhümtepu ütahpa Ezrawe lokke kempuwa woi.

³⁷Hüyange iman-e yengpeiwo peten mepu, David nok tok yeme ongpu jantpenyu yete ongpu, David chingnyu shai she nyikpu lamte, heong ye me ngohpu Yeng Peten ngoiye ong.

³⁸Hüyange nishepupa minyong phawe chingyangte lokke kempalan-a yaknya yeme jantpenyu tangme kem, hüyange taowe jakih tampu kahta ükhong woi. Toman-e vünjakpu daonok kaiye shekhaopupa jantpenyu yete pei.

³⁹Hüyange tüomepu toman-e Ephraim Peten, Jeshanah Peten, Nyah Peten; Hananel Daonok, hüyange Nyee Peten me gho ja jing daonok kaiye tai. Toman-e lokke kempuwa Khümjing Peten phei owe üküm ne meng.

⁴⁰Tüokhei Kahwangte minyong phawe kempu ükhong moini khümjing nokshao me jemme pei. Hüyange tao hüyange ü-phei wanglam lampalan jakih-e tange,

⁴¹hüyange ngengpalan: Eliakim, Maaseiah, Miniamin, Micaiah, Elioenai, Zekharia, hüyange Hananiah, iman-e nyawong jon;

⁴²hüyange iman phei te Maaseiah, Shemaiah, Eleazar, Uzzi, Jehohanan, Malkijah, Elam hüyange Ezer yong. Hemlokpalan Jezrahiah woipulan-e iman üng ütahpame wünne lok.

⁴³Tüonyih-a iman-e dopu üyong phawe mongmei, hüyange kahtalan-a hoongli mongongpuwe maawe ngoh yangki, hangjingne ima-a Kahwange iman yeonge mongmeilak ne linge tam. Tüopa mongmei mo me shekonyuha hei nahalan omme mongmei yangki; hüyange iman-e mongmeiye üngwünpu üjai me-o jaipu okke ngohyangki.

⁴⁴Tüonyih ngengpa hei Levilan jingne ngaokhüm kaiye leyange ngohpu kah mepu mongloong dopu, üwangpa ne lickpu dopu, hüyange penphong dopu jemlak hüyange yowe anglak jingne yojing nyoi yoi yoi me kahta le; hangjingne Judah lan-e ngengpa hüyange Levilan te mongmeiye ngoh yangki.

⁴⁵Hüyange David hei Iha Solomon niye ükongwangpu ngaokhüm kih-e, iman-e hemlokpalan hei khümjing yompalan omme, iman Kahwang hüyange jaoweshapu mowa mongjüonge yomlak jingne yah.

⁴⁶Ahngpa David hüyange hemwoipa Asaph hipak memuh hipak nangjange taiteki, hemlokpalan-e minyongpu hem hüyange Kahwangte minyongphapu hem lokke woiyangki.

⁴⁷Hüyange Zerubbabel hei Nehemia ni hipak me Israellan khongkümpuwe hemlokpalan hei khümjing yompalan te, nyihjeih she iman wongpong hüyange tüolak meitam hanghe ngoh, hatüo wange pha; hüyange Levilan meitam hanghe ngoh, tüopa-o yoi yoi ne tam-e ang, hüyange Levilane-o ngengpalan meitam-a yoi yoine itte ang.