Read Konyak Naga NEHEMIA 3 Bible Online

NEHEMIA 3 - Konyak Naga bible

NEHEMIA 3

¹Chingnyu jantpenyuwa hüke linge yeyangki. Ütahpa ngengpa Eliashib hüyange I pheipu ngengpalan yayong, hüyange iman-e Nyee Peten ling; hüyange iman-e tüopa jaowe tam, hüyange tüopa nyoi me taküp shatam. Iman-e jantpenyu Ghoja Daonok hei Hananel Daonok ngoiye jaowe tam.

²Jerikho kahtalan-e ünepupa üwen ling. Imri üha Zaccurwe üne-e tüophei tepupa üwen ling.

³Hassenaah puhulan-e Nyah Peten linge ye. Iman-e Taten shangtang me püangpeam sha, hüyange peten küplak jingne wenao hei lag ling tam.

⁴Hakkoz ühu, Uriah üha Meremoth-e ünepupa üwen linge ye. Meshezabel ühu hüyange Berechiah üha Meshullam-e ünepupa üwen ling. Baana üha Zadok-e ünepupa üwen ling.

⁵Tekoa kahtalan-e ünepupa üwen ling, hüpoi Chingshao me woipane ngohpulan-e imante nantoi me toilingpalan te leipu me jamlak jingne tongpute yemong.

⁶Paseah üha Joiada hüyange Besodeiah üha Meshullam lan-e Jeshanah Peten ling; Iman-e püangpeam hüyange nyoijing me peten taküp, hüyange peten küolak jingne wenao hei lag ling.

⁷Gibeon mepu Melatiah, Meronoth mepu Jadon, hüyange Gibeon kahtalan hüyange Mizpah lan-e ünepupa üwen, Euphrates henyip yekao mepu governor nok ngoiye ling.

⁸Harhaiah üha Uzziel hontep pawe ünepupa üwen ling. Hananiah, üpe meipu linge ngaipa, Iye ünepupa üwen shekhaopupa jantpe ngoiye ling.

⁹Hur üha Rephaiah, Jerusalem kahmük tangkhüwte wanglam lampawe ünepupa üwen ling.

¹⁰Harumaph üha Jedaiahwe Inok shongte owe ngohpu üwen ling. Hashabneiah üha Hattushwe ünepupa üwen ling.

¹¹Harim üha Malchijah hüyange Pahath-moab üha Hasshub-e ünepupa üwen moini, hüyange vünjüo daonok ling.

¹²Hallohesh üha Shallum, Jerusalem kahmük tangkhüw te wanglam lampawe ünepupa üwen ling. Iha naoyhalan-e toi lingpu te jam.

¹³Zanoah mepu Hanun hüyange imching kahtalan-e kahjee Peten linge ye. Iman-e Peten taküp shayange, peten küplak jingne wenao hüyange lag ange tam, hüyange makshok Peten ngoiye jantpenyu yakkong hajaja nanjing ling.

¹⁴Rechab üha Malchijah, Beth Hakcherem district wanglam lampawe makshok Peten ling Iye Peten taküp sha, hüyange Peten taküp küplak jingne wenao hüyange lag shaatam.

¹⁵Colhozeh üha Shallum Mizpah district wanglam lampawe Yengpeiwo Peten linge ye. Iye Peten nyoi linge peten taküp hüyange wenao hei lag shatam; hüyange ahngpa pesha phei owe Shelag Yengtung jantpenyu-a David Chingnyute laipu dang ngoiye ling.

¹⁶Azbuk üha Nehemia, Beth-zur district tangkhüw pute wanglam lampawe ünepupa üwen David mangkoksa, yengtung, hüyange woipalan nok ngoiye ling.

¹⁷Tüome ngohpu Levilan-e jantpenyu yoi yoi yafün me üwenlan hüke ling: Bani üha Rehum-e ünepupa üwen ling; Hashabiah, Keilah district tangkhüw pute wanglam lampawe iman district min me ünepupa üwen ling;

¹⁸Henadad üha Bavvai , Keilah district tangkhüw pute wanglam lampawe ünepupa üwen ling;

¹⁹Joshua üha Ezer, Mizpah wanglam lampawe, yonglah angjing nokshao ngoiye hüyange jantpenyu konne yepu nyoi ngoiye ünepupa üwen ling;

²⁰Zabbai üha Baruch-e, Ütahpa Ngengpa Eliashib nokte ongpu lampong ngoiye ünepupa üwen ling.

²¹Hakkoz ühu hüyange Uriah üha Meremoth te Eliashib nok üküm ngoiye ünepupa üwen ling.

²²Tüome ngohpu ngengpalan-e jantpenyu yoi yoi yafün me üwenlan hüke ling: Jerusalem neikonne ngohpu mepu ngengpalan-e ünepupa üwen ling;

²³Benjamin hüyange Hasshublan-e, iman nokshao phei tingpu üwenlan ling; Ananiah ühu, hüyange Maaseiah üha Azariahwe Inok nokshao phei tingpu üwen ling;

²⁴Henadad üha Binnuiwe Azariah nok mepu jantpenyu ünuk ngoipu üwen ling.

²⁵Uzai üha Palal-e, jantpenyu ünuk mepu wange gho yompalan ütokpa ahngnok daonok ngoipu üwen ling. Parosh üha Pedaiahwe heongye me yeng Peten phei owe wang, hüyange khümjing yompalan daonok ngoipu üwen ling.

²⁶Hatüowa Ophel she nyikpu chingnyu shongme, ümeken me khümjing toi lingpalan nyoi tüopa shongme ngoh.

²⁷Tekoa kahtalan-e daonok üyongpa mepu Ophel jantpenyu shongte owe jayekao nishepupa üwen ling.

²⁸Ngengpalan ükhong jawe koipong Peten ütokye, yoi yoi nok phei tingpu üwen ling.

²⁹Immer üha Zadok-e Inok nokshao phei tingpu ünepupa üwen ling. Shecaniah üha Shemaiah, Heongye Peten yompawe ünepupa üwen ling.

³⁰Shelemiah üha Hananiah hüyange Hanun, Zalaph üha wok shepupawe ünepupa üwen nishepupa üwen ling. Berechiah üha Meshullam-e Inok phei tingpu, ünepupa üwen ling.

³¹Honteppa Malchijahwe, khümjing toilingpalan hüyange pheeinyu leihpalan ngohpu nok hanghepa Miphkad Peten heong apyekao jantpenyu ünuk ütang mepu tüp shongme ngohpu ünepupa üwen ling.

³²Üne-o ütangpa tüp te ongpu yekao ünuk mepu Nyee Peten te ngoiye honteppalan hei pheeinyu leihpalan jemyange ükümpa üwen ling.