Read Konyak Naga NEHEMIA 7 Bible Online

NEHEMIA 7 - Konyak Naga bible

NEHEMIA 7

¹Hüyange sha-a jantpenyu sho, taküplan shalak ken khongkümpu me sha, hüyange khümjing yompalan, hem lokpalan, hüyange ülao Levilante iman toishaolan nyinge tam.

²Taowe Jerusalem Chingnyute yakjonglak jingne kahta ni: ü-nao Hanani hüyange yomteplan tepu governor Hananiah ang: hangjingne üshei phei Hananiah üting shelak hüyange Kahwangte nyampu kahta ja ne ngoh yangki.

³Hüyange taowe imante i, wanghe sheamme manngai manngai Jerusalem petenlan tah ep; hüyange yompalan-e yomme ngohwante peten-a küpne tamtüoh hüyange wenao tien ne tamtüoh; hüyange kahta lili yoi nying nyingke hüyange yoi nok yomlak jingne Jerusalem me ngohpu khongkümpu mepu yompalan letüoh.

⁴Jerusalem Chingnyuwa yeonge yong hüyange wangman-e ngoh: hüpoi tüome ngohpu kahtalan-a üjingha hei hüyange ngohlak nok üne-o manwe.

⁵Kahwange üte kahtalan jem-e tamlak hüyange iman woipalan hüyange wanglam lampalan hüyange iman noksalan nyanne angpu te meimei-e leilak jingne henge tam. Phowe ngohpu mepu aoyin üwangne leihye, iman jeng nyanne angpu taowe tüo, hüyange taowe tüopu ngaolan-a hatüo ngohnang.

⁶Phowe angpalan maawe Babilon yenghoi tüohyange, yoi yoi chingnyu yamme Jerusalem hei Judah te leih ye. Iman noksalan-a Ahngpa Nebuchadnezzarwe Babilonte phowe teipu me peiye küpnok me ngoh yangki.

⁷Iman woipalan-a Zerubbabel, Joshua, Nehemia, Azariah, Raamiah, Nahamani, Mordecai, Bilshan, Mispereth, Bigvai, Nehum, hüyange Baanah.

⁸Israel puhulan min, puhu lili mepu aoyin leihye iman hüke ngoh: Parosh puhu-haja ni gho ja denyit me ni

⁹Shephatiah puhu, gho lüm denyit me ni;

¹⁰Arah puhu, gho wok denga me ni;

¹¹Pahath-moab (Jeshua hei Joab huhayimlan) haja ni ghotet pen me tet;

¹²Elam puhu, haja ja gho ni denga me peli;

¹³Zattu puhu, gho tet deli me nga;

¹⁴Zaccai puhu, gho nyit dewok;

¹⁵Binnui puhu, gho wok deli me tet;

¹⁶Bebai puhu, gho wok da me tet;

¹⁷Azgad puhu, haja ni gho lüm da me ni;

¹⁸Adonikam puhu, gho wok dewok me nyit;

¹⁹Bigvai puhu, haja ni dewok me nyit;

²⁰Adin puhu, gho wok denga me nga;

²¹Ater puhu, (Hezekia she-o nyiknang) detu me tet;

²²Hashum pupu, gho lüm da me tet;

²³Bezai puhu, gho lüm da me peli;

²⁴Hariph puhu, gho ja pen me ni;

²⁵Gibeon puhu, detu me nga;

²⁶Aoyin pajeiyonglan nyanne ngohpu chingshaolan me nyoiye ngoh, tüolan kahtalan-o leih ye: Bethlehem hei Netophah mepu, gho ja detet me tet;

²⁷Anathoth mepu, gho ja da me tet;

²⁸Beth Azmaveth mepu, deli me ni;

²⁹Kiriath Jearim, Chephirah, hüyange Beeroth mepu, gho nyit deli me lüm;

³⁰Ramah hei Geba mepu, gho wok da me ja;

³¹Michmash mepu, gho ja da me ni;

³²Bethel hei Ai mepu, ghoja da me lüm;

³³Ülao Nebo mepu, denga me ni;

³⁴Ülao Elam mepu, haja ja gho ni denga me peli;

³⁵Harim mepu, gho lüm da;

³⁶Jerikho mepu, gho lüm deli me nga;

³⁷Lod, Hadid, hüyange Ono mepu gho nyit da me ja;

³⁸Senaah mepu; haja lüm gho tu delüm;

³⁹Hatüolan-a ngengpalan puhu mepu phowe ngohpu leih yepulan: Jedaiah (Jeshua huhayimlan) puhu, gho tu denyit me lüm;

⁴⁰Immer puhu, haja ja denga me ni;

⁴¹Pashhur puhu, haja ja gho ni deli me nyit;

⁴²Harim puhu, haja ja pen me nyit;

⁴³Levi puhulan phowe ngohpu mepu leih yepu: Jeshua hüyange Kadmiel (Hodaviah huhayimlan) puhu, denyit me peli;

⁴⁴Khümjing hemlokpalan (Asaph huhayimlan) puhu, gho ja deli me tet;

⁴⁵Khümjing yompalan (Shallum, Ater, Talmon, Akkub, Hatita, hüyange Shobai huhayimlan) puhu, ghoja delüm me tet;

⁴⁶Khümjing me toi lingpu puhulan mepu phowe ngohpu leih yepalan: Ziha, Hasupha, Tabbaoth puhulan,

⁴⁷Keros, Sia, Padon puhulan,

⁴⁸Lebana, Hagaba, Shalmai puhulan,

⁴⁹Hanan, Giddel, Gahar puhulan,

⁵⁰Reaiah, Rezin, Nekoda puhulan,

⁵¹Gazzam, Uzza, Paseah puhulan,

⁵²Besai, Meunim, Nephushesim puhulan,

⁵³Bakbuk, Hakupha, Harhur puhulan,

⁵⁴Bazlith, Mehida, Harsha puhulan,

⁵⁵Barkos, Sisera, Temah puhulan,

⁵⁶Neziah, hüyange Hatipha puhulan.

⁵⁷Solomon shaoshanpalan puhulan phowe ngohpu mepu leih yepu: Sotai, Sophereth, Perida puhulan,

⁵⁸Jaala, Darkon, Giddel puhulan,

⁵⁹Shephatiah, Hattil, Pochereth-Hazzebaim, hüyange Amon puhulan.

⁶⁰Khümjing me toilingpalan huhayimlan hüyange Solomon shaoshanpalan aoyin phowe ngohpu mepu leih ye khongkümpu sheiye gho lüm detu me ni ngoh yangki.

⁶¹Tel Melah, Tel Harsha, Cherub, Addon hüyange Immer Chingshaolan mepu leih yepu

⁶²Delaiah, Tobiah, hüyange Nekoda puhulan mepu iman gho wok phei me deli me ni ngoh yangki; hüyangpoi iman-a Israel huhayimlan she iman-e saki yepha ok.

⁶³Hatüolan ngengpa puhulan iman pajeiyonglan jeng nyanpu yetüo: Hobaiah, Hakkoz, hüyange Barzillai. (Barzillai ngengpa puhu pajeiyonge Gilead mepu Barzillai puhu mepu sheko yah hüyange Iküo nok puhu min yah.)

⁶⁴Tüo hipak me peiye iman pajeiyonglan-a aoyinne meng iman jingne saki phapu ye-ok, hüyange iman-a ngengpa ükhong ne ye-i.

⁶⁵Tüokhei Jehudi governorwe imante i, hüke ngengpa jawe Urim hüyange Thummim phei tonge üyong okpute shejaopupa hahyinglan yehahlakyang.

⁶⁶Phowe ngohyange leih yepu khongkümpuwa haja deli me ni gho lüm phei me dewok.

⁶⁷Iman rhanyu hei rhapalan haja nyit gho lüm delüm me nyit; hem lokpu ükhong sheko hei netan gho ni deli me nga;

⁶⁸Koiponglan, gho nyit delüm me wok; Lwngkoi, gho ni deli me nga;

⁶⁹Udhlan, gho peli delüm me nga; Gado, haja wok gho nyit da;

⁷⁰Khümjing linge yepu te winpu me jamlak jingne kahta maapuwe ngangpu dopu phayangki. Governorwe, hon kilogram tet , mo wante jonlak sheng, denga hüyange Ngengpalan jingne phakshaoh gho nga delüm.

⁷¹Puhu üshanglan-e, hon kilogram gho ja dewok me tet, hüyange khüm kilogram haja ja gho ni denga.

⁷²Topu kahtalan-e, hon kilogram gho ja dewok me tet, khüm kilogram gho ja deli, ngengpalan jingne phakshaoh dewok me nyit.

⁷³Tüokhei, ngengpalan, Levilan, khümjing yompalan, hemlokpalan, üpüng üpa kahtalan maapu, khümjing toi lingpalan, Israel kahtalan khongkümpuwa Judah chingnyu hüyange chingha me nyoi.