Read Konyak Naga WOITEI 37 Bible Online

WOITEI 37 - Konyak Naga bible

WOITEI 37

¹Bezalel-e ghonuwa acacia pee phei ling, tüopa üjükte yakkong ni phei me tangkhüw hüyange tüopa üpeamte yakkong ja phei me tangkhüw, hüyange daopute yakkong ja phei me tangkhüw ngoh yangki.

²Hüyange lye tüopa ümong hei ütah moini yekao me hon shaha phei pho, hüyange tüopa ünah neikonne hon pho-e ling.

³Iye tüopa jingne pailak hon shüptet peli ling hüyange tüolan-a üya peli me, jaye jaye me shüptet nipong shatam.

⁴lye acacia pee phei pailak sheam ling hüyange tüome honne pho;

⁵hüyange ghonu moini yekao me pailak jingne shüptet me leyetam.

⁶lye hon shaha phei shüpshe shotjing ling. Üjükte yakkong ni phei me tangkhüw hüyange üpeamte yakkong ja phei me tangkhüw,

⁷Hüyange lye meimei-e mette lingyang phei hon phei cherubim ni ling.

⁸Cherub ja jaye ünah ye me hüyange cherub ja jaye ünah ye me she shüpshe shotjing me üpüm ja ne menge tüolan-a lye ling.

⁹Hüyange cherubim-a iman üyang ütangyete saayange, iman üyange shüpshe shotjing te yüohyange, sheta teihüowe cherubim sheta-a shüpshe shotjing yete meyange lingyangki.

¹⁰Iye acacia pee phei khao ling; tüopa üjükte yakkong ni, üpeamte yakkong ja, hüyange daopute yakkong ja phei me tangkhüw;

¹¹hüyange tüopa-a lye jaoshepu hon phei phowe neikonne hon shokke ling.

¹²Hüyange lye tüopa neikonpu üjute yakpha khop nanjing ling, hüyange tüopa üju neikonne honne shokke tam.

¹³Iye tüopa jingne pailak shüptet peli ngoiye hon phei ling, hüyange ünuk peli ümeken me üyalan ngoh tüome ange tam.

¹⁴Khao pailak sheam tüklak jingne shüptet lan-a üju pong me ang.

¹⁵Iye sheam lan-a acacia pee phei ling hüyange tüolan me honne shitte pho.

¹⁶lye khao jingne jaoshepu hon phei tük-sheng ling: sheng, wan, yengsheng, hüyange wuwüngti dopu phawante jonlak jingne yankhonglan ling.

¹⁷Iye vüntük yongjinga jaoshepu hon phei ling. lye tüopa yajenth hei üya-a hüppe ling yangphei hon phei ling; tüopate linge ngaipu jupenglan, jupeng üju hei jupeng yak khongkümpuwa tüopa phei üpe ja ne ling.

¹⁸Tüopa mepu üqui wok phatte taiye, moini yekaome üqui lümpong ngaiye ngoh.

¹⁹Almond jupeng pengpu kih-e lingpu üqui ja me pengwangpu lüm, üpe ja hüyange jupeng ja; üqui ja me-o almond jupeng pengpu kih-e lingpu pengwangpu lüm, üpe ja hüyange jupeng ja; hüke vüntük yongjing nyoi mepu üqui wok taipu ngoh yangki.

²⁰Vüntük yongjing üya me jupeng peli almond penge wangpu üpeng hei üyak kih-e lingyange ngoh.

²¹Pengwangpu üwangpa üqui ja-a vüntük yongjing phang me, nishepupa üpenga nishepupa ütüp phangme, hüyange lümshepupa üpenga lümshepupa ütüp phangme, moilan shei-e üqui wok.

²²Tüolan jupeng penge wangpu üquilan, hüyange vüntük yongjing lan-a jaoshepu jobbe lingyang phei hon üpe ja ne hei ngoh.

²³lye vüntük yongjing jingne vüntük nyit ling, hüyange lye tüome jonlak jeplak hei süjak shenglan-a jaoshepu hon phei ling.

²⁴lye vüntük yongjing hüyange tüopa me yahpu ülam lili tepu jingne jaoshepu hon kilogram delüm me nga jonne ling.

²⁵Hüyange lye sünyet jaklak jingne acacia pee phei wümjong ja ling. Hüyange tüopa-a üjük üpeam jakih-e üjükte yakkong ja, üpeamte yakkong ja, hüyange tüopa daopute yakkong ni ngoh yangki. Tüopa ünuk peli tepu üwong lan-a üpüm phei ja ne lingyange:

²⁶lye tüopa tangme ünuk peli khongkümpu me hüyange tüopatepu üwonglante jaoshepu honne pho hüyange tüopa neikonne honne ünah ling.

²⁷lye tüopa jingne hon phei pailak shüptet ni ling hüyange ünah moini yekao me ünah üphang yeme pailak jingne sheam tüklak jingne shatam.

²⁸lye acacia pee phei sheam ling hüyange tüolan me honne phowe tam.

²⁹Iye üne-o jaowe tamme pholak minnga hüyange wüngwükke pepu jaoshepu sünyet, üpe ümei ne pelak ling.