Read Konyak Naga JOB 11 Bible Online

JOB 11 - Konyak Naga bible

JOB 11

¹Hüwante Naamathpa Zopharwe jan:

²Yepah yewaipu teshinpu ngaote yejanpe tüohlak a? Kahta jawe ngaokhan ngaopuwe I tinge tamlak a?

³Ühak yekohpu nang ngaowe kahtalan jüng ngoh ne tamlak a? Aope nange phoiwüm-e ngaoyapeih aowe-o nangte yetee a?

⁴Nange Kahwangte inang, “Ü-lamjonga wangngoi ngohnang; hüyange nang sheshao me tao jaowe ngoh nang.”

⁵Hüpoi O, Kahwange ngaoshih phang, hüyange nang phei tüi-e Iye ju ep shih phang!

⁶Konjong me ülam üngang ngohnang ja she Iye nangte i hah shepu; kahtanyuha manlam jingne jamloi lupu ülam toilamlan ngohnang. Nange tüohah shepu phei sheshoi she Kahwange nangte shaoshi tamnang.

⁷“Nange hüke hei yampuwe shelupu Kahwang tüolak a? Ütahpa jeng nange khongkümpu wangman-e tüowe oklak a?

⁸Hatüowa wangdang phei shedaopu-nange hang ling oklak? Yimshon phei shelupu-nange hang shing oklak?

⁹Hatüo itshempu-a kahtoknyu phei shelaopu, hüyange yengching phei shekhaopu.

¹⁰I lin-e taima-a hüyange nang phoyange hüyange nang ngao phünne yah peima-a, I tükke oklak tüome ao ngohnang shi?

¹¹Hangjingne Iye jajang japu, kahta shingnang; Iye iman ünu toishao khongküm ngewante yeteih tüolak a?

¹²Hüpoi phao gado ja tampu yinmok ja ne puh ma-a, kahta ükhulan kentamong tingne ükong wangkülak.

¹³“Nange nang mongjang khakshuwe woima-a, nange nang yak-a I yekaote honglak.

¹⁴Nang yak me ünu ngohma-a, üjai me angtamtüoh, hüyange nang nyenok me ünu üm ne tahtam.

¹⁵Üting me tüophei ma-a mako yenangpe nange nang sheta hüolak; nang wongnange ngohlak hüyange nyampu yenanglak.

¹⁶Tüophei me nang shange pongyangpu khongküm tanwa akke teihlak, yeng muleam peiyange linne tai hüyange aope-o yeteih tüopu kih-e ngohlak.

¹⁷Hüyange nang üyin nyihning phei-o she-ngai she ngailak; sha-a nyakke ngoh yapoi, hatüowa napning kih-e ngailak;

¹⁸Nang ütuh yenangpe hüyange monghümpuwe maawe ngohlak. Nang yintamlak hüyange nangte toloimei yaphalak.

¹⁹Nang aope-o nyampu yenang tampe shipu oklak; kahtalan maapuwe nangte jampha she tonglak.

²⁰Hüpoi ümenglan ne nyampu phei neikonne leilak, hüyange yinlak lam ümeken me-o yenangpu ngelak. Hüyange iman-e monghüm-e teihpupa lipupawe ükümne menge tamlak.”