Read Konyak Naga JOB 17 Bible Online

JOB 17 - Konyak Naga bible

JOB 17

¹Ü-yaha mengteki, ü-nyih shohteki, ü-jingne mangjong tümteki.

²Ütingme phoiwümpalan ü-neikon-e ngohnang, hüyange iman-e khahkopuwe ü-mük büangteki.

³“O Kahwang, tao khakshuwe ngohnang she, ü-ngao nange yahtepha; Nang tokte kaiye üjingne hepa ne menglak ao ngohlak?

⁴Shinge yahlak mepu iman kenmong nange küppe tamtepuwe, sha-a imante ü-tang me okpu ngene tah tam.

⁵Aoyinne khintak tüolak jingne yoi shümpalan lowe tamnang, iman hayimlan mükpom ne tamlak.

⁶“Kahtalan-e tüopa ngao üte jonlak ne Iye linge tam, tüolan yo me tao-o ja ne kahtalan-e iyphao phaonang.

⁷Ü-mong mengpuwe ü-mük pomme tamteki; ü-yak hei ü-ya-a yashüm ja leye jien-e mahteki.

⁸Innyaipu phei ngohnang she teihpulan pahi mokhne tam, hüyange iman khong kümpuwe Kahwang yeshing pupa ne üte yao.

⁹Tüome-o khakshupalan-e yoi lamnyu yetüoh; hüyange aohi yak jaoshe-e ngoh, ünyei ünyei wong nangpupa ne menglak.

¹⁰Hüpoi numan khongkümpu peiye ü-sheshao me sha-a yongtehu, numan yo me sheja nehoi kentamongtingpu taowe ye-ngelak.

¹¹Ü-nyih linteki, ü-juteih lanteki; ü-monghümpu taiteki.

¹²Ü-shümpalan-e wangnyak-a wangngai üja she; ‘Wangngai-a owe peinang’ she iman-e i.

¹³Taowe yimshon-a tenok üja she yam ma-a, wangnyak me taowe shinleng lingma-a,

¹⁴kahkook te taowe, ‘Nanga üpa,’ hüyange mokhah-yongte ‘Ünyu’, yejema-a ‘Ünya’ she ima-a,

¹⁵Hüma-a ü-monghümpuwa ümeken me ngohlak? Aowe ü-monghüm tampuwa ngetamlak?

¹⁶Iman ü-phei yimshonte talak a? Yejema-a toman jamshe kahmak te yulak a?”