Read Konyak Naga JOB 18 Bible Online

JOB 18 - Konyak Naga bible

JOB 18

¹Hüwante Shuhitpa Bildad-e jan:

²Tüokih-e ngaohümpu nang aope laklak? Teihnyüotüoh, tüophei me toman-e ngaoning.

³Hangne toman-a yinmok kih-e teihpu? Hangne toman-a ükhulan she nange teihpu?

⁴Nange nang nying nyingke mongshihpuwe-a nang hei mayah ne tam nang. Nang mongshih pu jingne kahtok polak a? Yejema-a longnyulan iman nyoi mepu khüw winlak a?

⁵“Üting, kahta ümenglan wangngai-a meitam nang: Itepu vünloong nishe yengailak.

⁶I jing nyenok mepu vüntük-a nyakke mahlak, hüyange I shangtang me vüntük-a yepahlak.

⁷I wongnangpu yakailan-a wongyenangpe ta, I yoi nying nyingke linge I yei.

⁸I yoi shaantang me kem, hüyange I ya tüopa me pho.

⁹Hankhak jawe I ya-oong me sheap hüyange tünkam-e Ite monge tük.

¹⁰Kahtok me tünkam ja lowe ang; I lamnyu me hankhak ja tünne tüoh.

¹¹Üshei yeme nyamlakpawe I tanne ngohnang; I ya-kai lep iye hatüo woinang.

¹²I wonga seanyaowe lüng tainang; hüyange mahlakpa yongyange hüyange I phinme tannang.

¹³Dakmenge I sho hahküm nang, üwangne puhpu, lipupawe ya-yak hah shunang.

¹⁴Iye monghüm-e ngohpu nyenok mepu I shui yüo; hüyange I nyampu tangme lipu Ahngpa tangte yahtei.

¹⁵I nyenok me vün üm, I ngohyangpu nyoi me pahlak kahnyan shaiyange ngohlak.

¹⁶Ümong ye me I jing yalah wanmah, hüyange ütang yeme üquilan-a kui mahnang.

¹⁷Kahtok me I teihtüopu mepu mah, hüyange chingyang me I min yenang.

¹⁸I-a shaaji üyin kahtok mepu janglak, wangngai mepu wangnyak te janglak.

¹⁹I me huhayim yejema-a puhpaipu iman kahta yo me yenanglak; hipak ja me I ngohyangpu nyoi me ao-o yinpu yengohlak.

²⁰Heong mepu henyip ngoiye, I monghümlakpa yenangpu jaipu üsheiye nyampu phei ninne lolak.

²¹Ütingme ünu kahtalan-e monghümpu ngohpuwa tüolan; Kahwang ngohnang she hango yeteihpalan monghüm puwa hatüo ngohlak.”