Read Konyak Naga JOB 23 Bible Online

JOB 23 - Konyak Naga bible

JOB 23

¹Hüwante Job-e jan:

²“Tenyih nehoi ü-ngao ngaipu-a khah ngohnang. Tao ukh-yoongpu phei-a I yak pahi sheyih.

³Oh, I ümeken me tüolak hatüo taowe shingshih phang, I shotjing ngoiye tao peihah peih!

⁴Ü-jeng taowe I sheshao me ngaowe tamhah shepu, hüyange tao muh üja she ngao lili ngaowe tamhah shepu.

⁵Iye hangke ikülak hüyange Iye üte hangke jankülak, taowe shinghu nangki.

⁶Kahwange I wong kümme ü-phei tokteilak a? Yeje, taowe ngaowante Iye ü-ngao jaiye nyaokülak.

⁷Tao tingkhakke ngohnang; taowe Kahwang phei teingaopu oklak; Iye taowa hango yepüoh pu kahta she jintepu jingne ja me ngaotamkülak.

⁸“Taowe heong yekao me yam, hüpoi Kahwang tüome yenang; taowe aope henyip yekao me yamyapeih taowe I yetüo.

⁹Kahwang-a apyekao me hüyange heyekao me toi linge ngoh ne ok, hüpoi hüke ngohyapoi taowe I ye-nge.

¹⁰Tüoyangpoi Kahwange taowe kaipu ya-kai lili shingnang; Iye üte tokke leima-a, Iye tao jaoshe-ih-tüolak .

¹¹Iye letampu lamnyu me tao khakshuwe kemyangki; hüyange aope-o jaye jayete waa-e yekem.

¹²Kahwange hanghe ngaokhüm pha taowe jinte lingnang, taowe mongpu me yeje, Iye mongpu me tao woinang.

¹³Hüpoi I aope-o yejeilei. Aowe I phei lopu oklak, yejema-a Iye hanghe linghuwe teih tüopa mepu tienpu ye-ok.

¹⁴Iye üjingne hanghe tümyangki hatüo Iye lingkülak. Hatüo tümpuwa üngang ngohpu mepu ja hei;

¹⁵Tüokhei tao I sheshao me nyamnang; aope taowe tüolan lili teihyapeih, tao Ite nyamnang.

¹⁶Kahwange ü-mongjang mengnga ne tam; Ütahpawe üte nyam-e li ne tam;

¹⁷hangjingne taowa wangnyak me pomme ngohnang, hüyange wangnyak üjeiye ü-sheta te büangyange ngohnang.